Nahum 1:12 - Labrador Inuttitut Heritage Bible

¹² Imâk oᴋarpok Nâlegak: Pitsartudlaraloarunik unuktoksôvlutiglo, sulle kiblortaulârput ᴋângertuksauvlutiglo. Kapiasuktilauraloarapkit, kingorngane kapiasuktitsomairpagit.

Nahum 1:12 Iomraidhean Croise

II Atannit 19:35

Unnuarmelo tapsomane Nâlekab Engelinga annivok annaulernilunelo Assiriamiut tangmârvingane, angutinik 185,000 dinik. Uvlarârsukullo makkilaungmatta, ahâk, tagva nallajoᴋalaukpok ilunnane timinik toᴋungajuinarnik.

II Atannit 19:37

Gûdimelo Nisrochib iglungane tuksiartillugo ernekita Adramelechib Sarezeriblo ullimarpâk saviksoarmut, ᴋemâvuglo nunamut Araratemik atelingmut. Erningalo Asserhadon atanningorpok innangêrlugo.

Exodus 12:12

Unnuarme tamattomane nuna Egipten aulavigigapko, anaulugillo erniangorᴋârtut ilûnnatik nuname Egipteneme, inuillo nergjutillo; Egiptenemiullo gûdingoanginut tamainut nalonaijaijomavunga erᴋartuinermik: Tâmnauvunga Nâlegak.

Jesaiase 10:16

Taimaimat Nâlegaᴋ, ᴋilangmiugasaksuit Nâlegangat pitsartuerutijaunartomik tillikleromârpoᴋ pitsartujoᴋsoaᴋotingita akkorngannut, nâlegauvingatalo attâne ikkoalajoᴋaromârpoᴋ ikkomab ikkoalaningatut.

Jesaiase 17:14

Unnulerpat, ahâk, ᴋoaᴋsârnartoᴋarpoᴋ, ᴋaulerᴋârtinagole saᴋᴋijârungnaipoᴋ. Tamadja arᴋtaijipta akkilertauningat, asserorsartipta nerriugijaksangat.

Jesaiase 30:19

Illipse, Zionib inungit, Jerusaleme igloᴋartose, ᴋeajungnairitse! Niplialerupse nâpkigilarpâse, akkiolârpâse mãnakut, tussarunise.

Jesaiase 31:8

Assurelo ochojuksauvoᴋ saviksoamut angutib pigingitanganut, nungutaujomârporlo saviksoamut inûb pigingitanganut, saviksoamit ᴋemâjomârpoᴋ, inôsuktoᴋotingillo kivgangortitaujomârput.

Jesaiase 37:36

Tagva Nâlekab Engelinga aᴋᴋarpoᴋ, Assiriamiut tangmârvianne toᴋojartorlugit angutit 185,000 it. Uvlâkullo makkingmatta, ahâk, toᴋungajoᴋarpoᴋ illũnâne.

Jesaiase 51:22

Imâk oᴋarpoᴋ Nâlekat, Nâlegaᴋ Gûdit, inuᴋotime serngnigijingat: Ahâk, ermguseᴋ kaibjaijutiksatalik tiguvara aggangnit, ermgusiarsuk ningaumajârnima pinga, imertuksaungilatit tamattomangat kingorngane.

Jesaiase 7:20

Nalliutome taipsomane Nâlekab niaᴋorlo ittikkalo sallijomârpait umêjaivlunelo umêjautemut attartortaumajomut (tagva): kôksûb ungatânẽtomut, Assiriamiut attaningannut

Jesaiase 8:8

Achevlunelo Jûdamut ulligomârpâ ullutsautillugolo inuit ᴋongasingit tikkidlugit, esarᴋûngnelo issividlugik nunaᴋotit illũnât illumeromârpâ, Imânuele.

Daniel 11:10

Erningilli unataromârput, sorᴋsuktoᴋatigêksoarnik, unuktunik katisoilutik, tikitsomârpullo ullitornersoartut, ᴋângiutivlutiglo; utiromârpullo unatarlutik, taluksoangit tikidlugit aglât.

Joel 2:19

Kiovlunelo Nâlekab inuᴋotine oᴋautivait: Ahâk, tiliklervigijomavapse senaugaksanik, vainemiglo, orᴋsumiglo, nâmaksititaulârposelo tâpkonunga; mitautiksautitsomairpapselo inôᴋatigêksuit akorngane;

Nahum 1:15

Ahâk, ᴋaᴋane unipkautsinik tusarnidlartunik ᴋaitsijûb itigangit, ulapirksaumik oᴋâlajûb! Uvloᴋsiorviksat uvloᴋsiorvigikit, Jûda, angerutigilauktatit nâmaksitikit; idluitûb apᴋosârungnailârmatit kingorngane; kipijaumarikpok.

Takotitaunermik 7:16

Kângungnailutiglo imerugungnainiarput, seᴋinermullo pijauniangilat, kiab asianullônêt.