Migga 7:9 - Labrador Inuttitut Heritage Bible

⁹ Nâlekab ningarninga nangmaromavara, idluitulivigilaurapko, nautsertorᴋârtinago ilinganimnik idluarsiᴋârtinangalo uvamnik; tâpsoma ᴋaumajomut anitilârpânga, uvangalo takolârpunga idluartoᴋsôninganik.

Migga 7:9 Iomraidhean Croise

II Samuel 24:17

Davidible Engele innugatsoarnik toᴋᴋotsijok takkogamiuk, oᴋarpok Nalekamut: Ahâk, uvanga idluitullilaukpunga, uvanga idluitullinermik ominga piniarlaukpunga; sunamik saukat ukkoa pinniarlauᴋât? Aggaktit torarlit uvamnut akkerartorlunga, atâtamalo iglunganut.

Hiobe 23:10

Tâpsomale apᴋotigijara illitaritsiarpâ. Tapsoma ôktorlanga, tagva sakᴋeromavunga Goldetut.

Hiobe 35:14

“Oᴋaralloaruvit takkonianginangne; sullele erᴋartuiveᴋarpok sângane; nerriugituinaruk.

Imgerut 119:154

Illiornera aulatilauruk, piulilungalo; nakkoksitilaunga oᴋautsitit malliklugit.

Imgerut 37:6

Idluarnîllo saᴋᴋerniarpâ ᴋaumanertut sorlo, namaksinîllo uvlub ᴋetterarningatut sorlo.

Imgerut 43:1

Idluarsarlaunga Gûde, illiorneralo aulatiuk Innugasaksuit ivsornartut akkerartorlugit, piulilaunga inungnit nallangaitunit idluitunnillo!

Imgerut 7:6

Makkitit Nâlegak ningarnerne, ᴋagverlutillo ômigijima ᴋanningaumajarningit akkerartorlugit, iᴋajulungalo, erᴋartuinermik pititsilerit.

Imgerut 94:15

Idluarnek idluarniotsainariaᴋarmat; ômattillo idluitailijut illûnatik tamana ungagilerniarpât.

Jesaiase 42:16

Tautungitulle ingergatitsomavakka apᴋutikut illisimangitangatigut, apᴋosinikut illisimangitangatigut tassioromavakka; tâᴋsoaᴋ ᴋaumajungortitsomavara sângine mannẽtullo manniksarlugit. Taimak piniarvigijomavakka ᴋemangniarnagillo.

Jesaiase 42:7

Uititserᴋovlutit tautungitut ijinginik, annititserᴋovlutillo parngnanairsortaujunik parngnanairsimavingmit, târmiuniglo iglomit parngnanairsimajomit.

Jesaiase 46:13

Idluarsaiviksara ᴋannitomut pitipara, ungasigungnairpoᴋ; piuliklerviksara mullutsangilaᴋ. Piuliklerteojomârpunga Zioneme Israêlelo ânanausilerlugo.

Jesaiase 51:22

Imâk oᴋarpoᴋ Nâlekat, Nâlegaᴋ Gûdit, inuᴋotime serngnigijingat: Ahâk, ermguseᴋ kaibjaijutiksatalik tiguvara aggangnit, ermgusiarsuk ningaumajârnima pinga, imertuksaungilatit tamattomangat kingorngane.

Jesaiase 56:1

Imak oᴋarpoᴋ Nâlegaᴋ: Idluarnermik ivlersivluse idluartullititse, piuliklerviksara ᴋanningmat tikkilerlune, idluarsaiviksaralo saᴋᴋermat.

Jeremia 10:19

Ogguarnarmêk uvanga ânianera pivlugo! Kilera piungitôngmat. Oᴋalauᴋpungale: Tamannale oᴋumaijutiksarijara, nangmaraksarivaralo.

Jeremia 14:7

Idluitulinivut nalonaijaigaloarmatta pivluta, ikajulaurit, Nâlagaᴋ, attit pivlugo, kingupiartornivut unuktôdlarmatta; idluitulivigilauraptigit.

Jeremia 51:10

Nâlakab idluarsijutiksavut saᴋᴋertipâ; ᴋaigitse, Nâlakablo Gudipta suliarijanga unipkautigilavut Zioneme.

Jeremiab Ogguarutigijangit 1:18

Nâlegak idluarpok; tâpsoma perᴋojangit tapagilaurapkit; tusalauritse, inôᴋatigêngojose ilûnase, kapiasungneralo ulernairtorsiuk: uigasukka angutikkalo inôsuktut aularutijaumavut.

Leviticus 26:41

Uvangatauk akkerartorlugit arvertalaurama, tikiutilugillo ômigijimik nunanganut; taimaglo ômatingit kipimangitut nikanarsarpatta, idluitulinimiglo pidlartauninga idluarigunitsuk,

Mâlaki 3:18

Uteromârpose tagva ulernairtuiluselo idluartullo idluitullo adsigêngininginik, Gudemiglo kivgartortut, tâpsomingalo kivgartolungitut adsigêngininginik.

I Korintemiunut 4:5

Taimaimat erᴋartuiniarase naliuterᴋârtinago, Nâlegak tikitsiarilugo; tâpsoma tâktome ijertorsimajuttauk sakᴋertitsomârmagit ᴋaumajomut, ômatille erᴋarsautingit nalonairomârpait; taimailerpat, ilûnatik atunit nertortaujariaᴋarnitik pigijomârpait Gûdemit.

II Timôteusemut 4:8

Ilâ mâna idluarnerub niaᴋôtâ ilimavok piksamnut, Nâlekab idluartomik erᴋartuijub tunijomârtanga uvamnut uvluksame ipsomane; uvamnutuinaungitorle, ilûnainulletauk sakᴋerninganik ᴋuviasûteᴋartunut.

Takotitaunermik 18:20

ᴋilak ᴋuviasugit tâpkoninga, ilipsetauk Apostelit, nelautaijullo ivjornaitose, ilipse akkiniarutigivluse Gûdib erᴋartulaungmagit.

I Samuel 24:15

Kina malligasuarpiûk Israelib attanninga? Kina udlaᴋiuk? Kingmek toᴋᴋungajok, ᴋomaujak attausênak.

I Samuel 25:39

Davidele tamattominga tussarame Nabale toᴋᴋolerêrmat oᴋarpok: Nalegak nertortaule mittautigijaunimnik akkiniaruteᴋalauktok Nabalemik, kivganelo sapputilaungmago idluitullinermit; Nalekab Nabalib idluitullininga tamana akkiniarutigilaungmago niaᴋoanut. Davidelo tilliklerpok Abigailelo oᴋautsauᴋova nullianigomagamiuk.

I Samuel 26:10

Davide oᴋapsarivok: Sorlo mikseᴋârtomik Nalegak inôngmat, Nalekab annaulungipago, piviksangalonêt tikkilungipat toᴋᴋoᴋovlugo, sorsungnermullonêt ailune toᴋᴋotaulungipat,

I Samuel 3:18

Tagva Samuelib oᴋautiva tamainik, angigutjivigilungilâlo sunamik. Tamnale oᴋarpok: Nalegauvok, pinniarle namagijaminik.