Migga 7:6 - Labrador Inuttitut Heritage Bible

⁶ Ernerub atâtane naggogingmago, paniub anânane akkerartormago, ukkoablo sakkine; inûblo iglomioᴋatine ômigijigivait.

Migga 7:6 Iomraidhean Croise

Genesis 49:4

Imertut tertipotit; pinerôjungnairtuksauvotit tagva, atâtavit inangavianut inaravit, tagvanêdlutit ivsornartinangne. Inangaviga inarvigivâ!

II Samuel 16:11

Davidelo Abisaimut kivgaminullo illunainut oᴋarpok: Ahâk, ernima, timimnit pimajub, pijugakpânga, suna pivlugo Jeminib erninga una manna taimailiortuksaunginiva? Agviarnago taimailiorle, oᴋarnerluᴋovlugo, Nalekab perᴋolaungmago.

Imgerut 41:9

Illanârijamatauk tattigilauktama ᴋaᴋᴋôjaktorᴋattima ittikaminut tullerarpânga.

Salomob Okâl 30:11

Inuᴋarpok atâtamingnik oᴋarnerluktunnik, saimarsaijuitunniglo anânamingnik;

Salomob Okâl 30:17

Ije atâtaminik alleᴋuteᴋartok, Nâlengnermiglo anânaminik nachojok, tâmna tullukat kongme pêraksarivât, nektoraliarkallo nerrijaksarivât.

Jesaiase 3:5

Inuillo pagvisârtigêgomârput nalliat illaminik nalliallo assiminik; inôsuktorlo akkerartuleromârpoᴋ itomut, nachonartorlo nertornartomut.

Jesaiase 9:19

Kilangmiugasaksuit Nâlegangata ningausinga pivlugo nuna ikkitaumavoᴋ, nunaᴋatigêllo ikkomamut nungutaksaujutitut-iput; ᴋattangutiminik nâpkiniktoᴋangilaᴋ.

Jeremia 12:6

Katangutivit, atâtavillo ᴋitorngangita aglât nalangaitomik piniarvigingmatit, udlalutillo oᴋarnerlutjivigingmatit; tagva tatigitailikit oᴋautsinik ilanârnartunik oᴋauseᴋaraloarunik ilingnut.

Jeremia 20:10

Tusarsimagama unuktut oᴋarnerludjininginik, ᴋoaᴋsârtitsijoᴋarpoᴋ avatimne ilûnâne. Pasidlarsiuk, pasijomadlarpavullo, oᴋarput ilanârijakka ilûnatik, kamajut sanguniarmangârma; imaᴋa uerisartaulârpoᴋ, uvagullo sâlagilârpavut taima, akkiniarvigilugolo.

Jeremia 9:4

Ilimasugitse ilûnase inôᴋatipsingnik, ᴋatangutiselo sungertutiginiarasigik; ᴋatangut pititsijomangmat ᴋatangutiminik, inôᴋatelo arvertaromavoᴋ terliarᴋataivlune.

Hesekiel 22:7

Ilipsingne atâtat anânallo naggogijauvut; takorngartat oᴋumaiksartitauvut; ilipsingne iliarsuit uigarnerillo nâmangituliviovut.

Obadia 1:7

Angiᴋatigilauᴋtavît ilûnatik nunab kiglinganut aulartipâtit; ulapirᴋsauteᴋaᴋatigijavît uivêrivâtit saglogilutillo; nerriᴋatigijatît mikigitjerput atingne; malugosuktoᴋangilarlo.

Mattêuse 10:21

ᴋatangutible ᴋatangutine toᴋomut pititsomârpâ, atâtablo ernine, ᴋitorngallo angajoᴋâtik ileratsautijomârpait, toᴋoᴋovlugillo.

Mattêuse 26:23

Kiovait, oᴋarlunalo: Aggangminut pôgutamut misukseᴋatima pitilârpânga.

Lukase 12:53

Atâta akkerartoromârpok ernerminut, ernerlo atâtaminut; anânalo paningminut, paniglo anânaminut; sakke ukoaminut, ukuarlo sakkiminut.

Lukase 21:16

Angajoᴋâpse aglât, ᴋâtangutipselo, ilapselo ilannârijipselo pititsomârpâse, ilapselo ilangit toᴋotsomârpait.

Johannese 13:18

Ilûnapsingnik oᴋalungilanga. Nelungilakka anerimalauktakka. Aglaille nelautsilerᴋovlugit: ᴋakᴋôjaktôᴋatima itikaminut tullerarpânga.