Migga 5:5 - Labrador Inuttitut Heritage Bible

⁵ Tâmnalo ulapirᴋsautigilârpavut; Assiriamioᴋ tikipat nunaptingnut, iglutsiavullo tullerarpagit, makitilârpavut mianersijut 7it angutillo erᴋanartut 8it tâpsomunga.

Migga 5:5 Iomraidhean Croise

Hiobe 5:19

Kiksarnartune pingasujortune piuliniarpâtit, 7 inganelo idluinerit nelliata aktorniangilâtit.

Imgerut 72:7

Tâpsoma nalliuningane idluartok nuvugolâtâromârpok ullapirsauteᴋaromârlunelo angijomik, taᴋᴋeᴋarungnaininga tikkilugo

Salomob Okâl 30:18

Inornartoᴋarpok uvamnut pingasunik, tamakkoalo sitamangat tukisingilara:

Salomob Okâl 30:29

Pingasut pissuseᴋarput ânanâmik, sitamangallo pissulorikpok:

Salomob Okâl 6:16

Illutsit tapᴋoa 6it Nâlekab omigivait, 7ingallo makkojugiva:

Okaluktok 11:2

Aitortuilerit 7 inut, 8 inullo; ᴋaujimanginavit ᴋanoêtut nelliat tikkiniarmangât nunamut.

Jesaiase 14:25

Assure asserorasuarpara nunaᴋotimne. Tulleraromârpara ᴋaᴋᴋamne, nangmautanga pêrlugo taipkonangat (Israêlitinit), nangmartaurᴋojangalo pêrlugo tuinginit.

Jesaiase 44:28

Korassemut oᴋartunga: Tâmna pairᴋsijungortipara, pijomajaralo tamât nãmasititaksarivâ, Jerusalemut oᴋarᴋovlugo: Igluᴋalerit! Kattimaviksûblo tungaviksangit illijaulit!

Jesaiase 59:19

Nâlekab attinga opigijaurᴋovlugo seᴋinerub nippivianit nertornarningalo nuivianit, kappianartut tikkilermatta kôksoatut, Nâlekab anerninganut aulatitaumajotut.

Jesaiase 65:8

Nâlegaᴋ oᴋarpoᴋ imâk: Sôrlo vainiksatalik nagvârtaungmat paungalukat akkornganne oᴋartoᴋarlunelo: asserorniarnagit, attorungnartunik illaᴋarmatta, — taimailioromârpungatauᴋ kivgakka pivlugit, illũnainiungitoᴋ asseroivlunga.

Jesaiase 7:14

Taimaimat Nâlekab nangmineᴋ nallunaikutamik tunitjivigijomârpâse. Ahâk, uigasuk singaivoᴋ ernermiglo ernijomârpoᴋ, tâmna Imânuelemik (imaipoᴋ: Gûdib illagivâtigut) atseraromârpâ.

Jeremia 33:15

Uvlune tâpkonane, naliutomelo tâpsomane, nuitatitsijomârpunga nutaijoᴋtomik idluartomik Dâvidemut; tâmnalo erᴋartuitsiaromârpoᴋ idluarsaitsiarlunalo nuname.

Amos 1:3

Imâk oᴋarpok Nâlegak: idluitulinerit pingasut sitamallônêt pivlugit Damaskuse pidlartautailititsomângilara Gilead katjungmatsuk ᴋautarnut kikiangojunut;

Amos 1:6

Imâk oᴋarpok Nâlegak: Idluitulinerit pingasut sitamallônêt pivlugit Gasa pidlartautailititsomângilara, inuit tigujat ilûnaita aularutilaungmagit, Edomemut perᴋutautilugit;

Saggaria 10:11

Imarbiglo siorniornartotalik apᴋutigilârpât, imablo malliksoangit annaulârpait, kôksûblo Nîlib itiningit ilûnatik panilârput: Assiriablo piojorininga oggotitaujomârpok, Egipteniblo ataningata ajaupianga nungutaujomârpok.

Saggaria 10:3

Ningarnera katsungailerpok mianersijunut, parngnillo sugiaromârpakka; Nâlekab Zebaotib katimgajoᴋotine, tamadja Jûdab ᴋitorngangit, nalipsarmagit, âᴋiksoromârpaillo horsimitut piojutitut sorᴋsungnerme.

Saggaria 12:6

Uvlorme tâpsomane Jûdab angajoᴋângit aumaliniktut ᴋejungnêtotut îtitsomârpakka, naneroaktullo ikomajotut ivît ᴋepitat akorngane; nungulârpaillo inôᴋatigêksuit tamaita avatânêtut, talerpingmêtullo saumingmêtullo: Jerusalemelo iniksaᴋaromârivoᴋ inimine, tagva Jerusaleme.

Saggaria 9:10

ᴋamutillo unatautit pêjaromârpakka Efraimit, horsillo Jerusalemit, pitikselo sorᴋsût pêrtaujuksauvok; inôᴋatigêksuillo ulapirksaumik oᴋarvigilârpait; nâlegauvingalo imarbingmit imarbiub aipânut pijomârpok, kôksoarmillo nunaksûb isua tikidlugo.

Saggaria 9:13

Juda ᴋelugapko pitiksitut, Efraimelo noᴋaktigilugo; ernitillo, Zione, aulajârtitsomârpakka akkerartorᴋovlugit ernernik, Grîkenlande, pitsartujûblo saviksoangatut îtitsomârpagit.

Lukase 2:14

Gûde ᴋotsingnermêtok nakoridlartaule, ullapirsauteᴋarle nuname, inungnelo ᴋuvianartoᴋarle!

Johannese 14:27

Ulapirsaumik ᴋemaivigivapse, ulapirsautimnik tunitjivigivapse. Tunitjivigingilapse silaksoarmiut tunijiningititut. Omatise ᴋoaksârniaratik erᴋsiniaratiglo!

Johannese 16:33

Tamattominga oᴋautilaukpapse, ulapirsauteᴋarᴋovluse uvamne. Silaksoarme kappiasungneᴋarpose; manigoritsele, silaksoak sâlagivara.

Takotitaunermik 17:14

Tâpkoa sorsugomârput Saugârsungmut, Saugârsûble sâlagijomârpait; nâlekanut ilûnainut Nâlegaugame, atanernullo ilûnainut ataniogame, ᴋairᴋojaumajullo anerimajullo okpertullo tâmna illagivlugo.

Takotitaunermik 19:14

Sorsuktoᴋutsuillo ᴋilangmêtut malikpât horsit ᴋaᴋortat ᴋânginedlutik, atisimajut saidinik ᴋaᴋortanik ipeᴋtojoᴋangitunik.