Migga 5:2 - Labrador Inuttitut Heritage Bible

² Igville, Betlehem Efrata, mikijôgaloartotit Jûdab tausendeoningita akorngane, ilingnit pijomârpoᴋ uvamnut nâlegaujuksaᴋ Israêleme; tâpsoma aniningit itsarsoarnit pivut, issoᴋangitoᴋsoarmit.

Migga 5:2 Iomraidhean Croise

Genesis 35:16

Betelemit tagva aularput. Tikkikassalungimatta sulle Efratemut, Rahele ernisulerpoᴋ, ernisuklunelo siorniudlarpoᴋ.

Genesis 35:19

Rahelelo toᴋovoᴋ, iluvertauvorlo apᴋosinerme Efratemut, tagva Betlehemut ilingajome.

Genesis 48:7

Mesopotâmiamit tikkinama, Rahele toᴋovoᴋ takkumne, nuname Kânaaneme ingerartiluta, Efratib ᴋanimarilungitangane; tagvanelo apᴋome Efratemut sangmijome iluverpara (Efrat tagva Betlehem).

Genesis 49:10

Attaniub ajaupianga Judamit pêraksaungilaᴋ, opigijautiksarlônêt ittigangita akornganit, Silo (ullapirᴋsaijoᴋ) tikkilerᴋârtinago; tâmnalo inôᴋatigêksuit nâlegaksarivât.

I Kronika 2:54

Salmablo erningit Bethlehemeôvok, Netofatemiullo, Atarot, Beth Joab, Mânnatemiullo ketterᴋangit Zaraitemiojut.

I Kronika 4:4

Pnuelelo, Gedorib atâtanga; Eserelo Husab atâtanga. Tagva Hurib erningit, erniangoᴋârtub Efratemit, Bethlehemib atâtangata.

I Kronika 5:2

Judale sôngojolauktok ᴋatangutime akkorngane atannionermik tunnitsiviolaukpok, Josefele erniangoᴋârnermik.)

Imgerut 132:6

Ahâk, tamanna tussaumavavut Efrateme; nachvârpavut nappârtut naternangene.

Imgerut 90:2

Innungnik sanningortitsijotit, oᴋarlutillo: Utteritse inuit ᴋittorngangit.

Exodus 18:21

Taimagletauk inuit ilûnnatik akornganit ᴋenertuksauvotit angutinik ᴋaᴋiarnaitunik, Gûdemik sivôrajunik, angutinik nalâgôrtunik, pijomatudlarnermik omisuktunik; angajoᴋângortilugillo tâpkonunga, angajoᴋautilugit 1,000nut, angajoᴋautilugit 100nut, angajoᴋautilugit 50nut, angajoᴋautilugillo 10nut.

Exodus 18:25

Mosesiblo angutit ᴋaᴋiarnaitut ᴋenerpait Israêlikunit tamainit, aulatsijungortipaillo inungnut, angajoᴋautilugit 1,000nut, angajoᴋautilugit 100nut, angajoᴋautilugit 50nut, angajoᴋautilugillo 10nut.

Jesaiase 11:1

Nutaijortomik nuijoᴋaromârpoᴋ Isaib kippanganit, akkeromiglo perortoᴋaromârpoᴋ amânganit.

Jesaiase 53:2

Nuilerpoᴋ perorsiaksatut (Nâlekab) sângane, nutaijoᴋtotullo ivjomit pallermit. Takominartomik tautuᴋangimat, kamagingilavut; takorannertoᴋangimat, ᴋuviagingilavut.

Jesaiase 55:4

Ahâk, taimna (Dâvide) kigligiudsijungortipara (uvamnik) inungnut, angajoᴋângortillugolo attaningortipara nunaᴋatigêksoarnut.

Jesaiase 7:14

Taimaimat Nâlekab nangmineᴋ nallunaikutamik tunitjivigijomârpâse. Ahâk, uigasuk singaivoᴋ ernermiglo ernijomârpoᴋ, tâmna Imânuelemik (imaipoᴋ: Gûdib illagivâtigut) atseraromârpâ.

Jeremia 30:21

Ilamik ilangat angajoᴋârijomârpât, aulatsijingallo akunermingnit pijomârpoᴋ; ᴋaglititsomârpara, tâpsomalo tikilârpânga; kina ᴋoaᴋsângalungilâk uvamnôrlunê? oᴋarpoᴋ Nâlagaᴋ.

Hosea 6:3

Nâlegarlo ilitarilerlavut, ilâ, ilitariganerlugo; tâpsoma anininga uvlub ᴋaulerningatut nelonangitigivoᴋ; tikilârpâtigullo silaluktut, silaluktut kingorliojotut koveraijotut nunamik.

Amos 9:11

Uvlorme tâpsomane Dâvidib tupersoanga oggosimajok napartitsomârpara, angmarningillo matulugit; asserorningillo napartitsomârivakka, inertorlugillo itsartut;

Migga 4:10

Anialerit, ilungertorillo saᴋᴋêjomavlutit ernisulertotut, Zionib paninga; mâna anijomâravit iglugasaksoarnit, naternamelo iniksaᴋalârpotit, Babilonemut aglât tikituksauvotit; tagvane ᴋelujaulârpotit; tagvane Nâlekab piulilârpatit ômigijivit agganginit.

Saggaria 13:7

Saviksoak tupalerit, mianersijiga pâvigilugo, angullo inôᴋatigijara, oᴋarpok Nâlegak Zebaot, mianersijoᴋ annauleruk, saukallo siamartitaulârput; aggakkalo sâtitsomârpakka piarangnut.

Saggaria 9:9

ᴋuviasudlarit, Zionib pania; ᴋaggudlarit, Jerusalemib pania; Ahâk, atanît ᴋaivok ilingnut: idluarpok ajugauvlunelo; sinaungaidlune, siuterᴋortojome iksivavlune, siuterᴋortojûblo nangmarpaktûb noggangata ᴋânganêdlune.

Mattêuse 2:1

Jêsuse erniangongmat Betleheme Jûdêamêtome, Herôdese ataniotilugo, ahâk, ilisimajut unangat (nalojut nunanginit) Jerusalemut pivut, oᴋarlutiglo:

Mattêuse 2:6

Igvit Betlehem nuname Jûdêame, mingnerpângungilatit iglugasangnit assingnit Jûdêamêtunit; ilingnit pijomârmat Nâlegak inuᴋotiminut Israêlib kinguvânginut ataniojuksak.

Mattêuse 28:18

Jêsusible tikipait oᴋautivlugit oᴋarlunalo: Tunitjiviovunga pitsartunernik tamainik ᴋilangmelo nunamelo.

Lukase 23:2

Pasidlalerpâllo oᴋarlutik: ᴋaujimavavut, inuit nâlegungnairtingmagit; ataniviksoarmullo kenaujat nunaliksiutauᴋojaujut tunijauᴋungilait, Kristûseovlunelo atanersoak oᴋartok.

Lukase 23:38

Aglaittauk nipitipait ᴋollânut, Grîᴋillo, Latainerillo, Ebrêerillo oᴋausinginik, imaitut: Jûdit ataningat.

Johannese 7:42

Aglait imaingilât: Dâvidib kinguvânginit, iglugasangnit Betlehemit, Dâvidib najugarilauᴋtanganit, Kristûse tikituksaungmât?

Deuteronomy 1:15

Taimaimat kinguvârêngnipse angajokângit, angutit silatujut erᴋarnartullo tiguvakka angajokângortilugillo ilipsingnut, angajokât tausendenut, angajokât hundertenut, angajokât 50nut, angajokâllo 10nut, kinguvârêngnise maliklugit.

Kolossamiunut 1:17

Tamaitaᴋsuillo perᴋârtinagit tâmna ilaukpok, tamaitaksuillo tâpsomunga pairijauvut.

Ebrêerinut 13:8

Jêsuse Kristuse, ikpeksaᴋ uvlomelo, issoᴋangitomullo tâmnatsainaᴋ.

Ebrêerinut 7:14

Jûdamit Nâlegavut nuisimangmat, nelonangimat, kinguvârêllo taipkoa (Jûdakut) Môsesib oᴋarvigilaungilait ajoᴋertuinerônermik,

I Johannesib 1:1

Issuanit-ilauktok, ijiptingnut takolauᴋtavut, ᴋimigolauᴋtavut, aggaptingmullo aktulauᴋtavut, tussalauᴋtavut, oᴋausiᴋ inôgutaujoᴋ (oᴋautigivavut ilipsingnut).

Takotitaunermik 19:16

Ateᴋarivorlo annorâmigullo sibviamigullo aglaksimajomik, imaitomik: Ataniojok atanernut ilûnainut, Nâlegaujorlo nâlekanut ilûnainut.

Takotitaunermik 2:8

Illagêt Smirnamiut Engelingat aglagvigiuk: Sivorliovlunelo kingorliojok toᴋolauklunelo ômarmijok imâk oᴋarpok:

Takotitaunermik 21:6

Oᴋarvigigivânga: Pimajarêrpok. Alfauvunga Omegauvlungalo, pigiarniovlungalo naggatauvunga. Imeruktok imiub ômanartub puilavinganit imertitsomavara akkeᴋangitomik.

Idluarsaijut 17:7

Inosuktoᴋalaukporlo angumik Bethlehememit Judametomit, Judakut akkorngane, tamna Leviteolaukpok, tujormiolaukporlo tagvane.

Ruth 1:1

Nelliutome taipsomane idluarsaijut atanniotillugit, kângnartokalaukpok nuname. Angullo Bethlehêmiok Judamêtomiok, nûlaukpok ingergarlune Moabiterit nunanganut, nulliane ernangnelo illagêllugit;

Ruth 4:11

Inugaseksuillo itterviksoarmelauktut, angajoᴋajat Illagêllugit oᴋarput; Kigligiudsijôvogut. Nâlekab arnak tamna, iglungnut piniartok Raheletut Leatullo îtiliuk, tamarmîk Israelib iglunganik sennalauktutitut, pivalliadlarlelo Efrateme, nertortaulelo Bethleheme.

I Samuel 10:19

Illipselo uvlome Gudise singaluᴋotilaukpasse, ikkajorlauktok illipsingnik kannoênipsingnit, kappiagijapsingnillo, oᴋautilugolo: Attaneᴋartitigut. Atte, tagva manna Nalegak sangariartorsiuk kinguvarêᴋotise, illagêngniselo malliklugit.

I Samuel 17:12

Davidele angutib Efratemiub Bethlehemêtub, Judab nunangane, Isaimik attiggub erneriva; tamna erneᴋalaukpok 8 inik, îtolunelo Saulib nelliuningane, inutoᴋaulunelo angutit akkorngane.

I Samuel 17:18

Punneôjartullo tallimaujortut nutât ukkoa, âlugillo angajoᴋanganut, angajutille nallipsarkit ᴋannoêngitsiarmangatta, tigusilutillo sunamik perᴋojikpatta.

I Samuel 23:23

Ullernairtuileritse, nautsertorluselo inninik illunainik ijervigijanginik, ᴋailermititselo uvamnut ᴋaujimamarikupse; tagva illagijomavapse. Nunamepat tagva kênajaromavara 1,000 diokattartut Judametut akkorngane.

I Samuel 8:12

Angajoᴋangnullo sorsuktuksanut 1,000 dinut, 50 ginullo, perorsaijuksanullo perorsêviᴋotiminik perorsaijunut, kibluijuksanullo kattersivingmine, sappulutaᴋotinganiglo aksaloaliᴋotinginullo attoriaᴋartunik sannaᴋovlugit.