Migga 4:9 - Labrador Inuttitut Heritage Bible

⁹ Sôᴋ mâna nippeᴋortovlutit ᴋaigarsuᴋêt? Ataneᴋangilaᴋ ilingnê? Atanertuijêrutivêt, tikitaugavit ânianernut sorlo ernisulertotût?

Migga 4:9 Iomraidhean Croise

Jesaiase 13:8

Koaᴋsâromârput, siorniornartomullo ãnianartomullo tikkitaujomârput, ernisuktotut kappiasugomârput, okkijiutigêgomârput, kênangillo ikkomatut aupallagomârput.

Jesaiase 21:3

Tamanna pivlugo okpatîkka ãnilakteradlarpuk, siornionermullo tikkitauvunga ernisuktotut, ãnialuarnermut tussarungnairpunga, ᴋoaᴋsâluarnermut takkonârungnairpunga.

Jesaiase 26:17

Sôrlo singaijoᴋ, ernisukkune, kappiasulermat ãniadlarnermigullo nipliadlarmat, taimailingavogut kênavit sângane, Nâlegaᴋ.

Jeremia 22:23

Libanoneme inneᴋartotit, Sêdarene ubloliortotit, nâpkinarsijomârpotit ânilakteradlarnernut tikitauguvit, ernisuktotut ânialeruvit!

Jeremia 30:10

Taimaimat, sivôraniarnak Jâko kivgara, oᴋarpoᴋ Nâlagaᴋ; kapiasudlarnak, Israêle; ahâk, ᴋelujomârpagit ungasiktomit, kinguvâksatillo nunamit aularutijauvigijamingnit; Jâkolo uteromârpoᴋ inilangatsiarniarlunalo pagvisartaulugane, ᴋoaᴋsârtitsijoᴋarnialungilarlo tâpsominga.

Jeremia 4:21

Kanoᴋ akunertigijomik nalunaikutak katimaᴋojijût takonârniarpigô, tiptulautiblo nippinga tusarlugô?

Jeremia 4:31

Nippimik tusarsimagama sorlo ernisuktûb nippinganik, sorlo ernisuᴋârtûb kapiasungninganik, Zionib paningata nippinganik, anerterikaluktûb, aggangminiglo issivitsijûb, oᴋartûblo: Kapianarmêk uvanga! Tarniga nukingêrutivoᴋ inuartut pivlugit.

Jeremia 48:41

Keriot pijauvoᴋ, iglugasaksoangit sôngojut suingartauvut, Moabiblo pitsartujungita ômatingit ilingalârput naliutome tâpsomane arnab ernisuktûb ômatingatut.

Jeremia 50:43

Babilonib ataningata tusaumavât unipkautauningat, aggangillo nukingêrutivut; kapiasungnerub erᴋisimiarpâ, ânianerublo sorlo arnatut ernisuktotut.

Jeremia 8:19

Ahâk, inuᴋotima paningata ᴋaigarsungningata nippinganik nunamit ungasiktomêtomit: Nâlagaᴋ Zionemêlungilâᴋ? Ataninga tâpsomanêngilâᴋ? Suna pivlugo ningaumajârtilauᴋângâ adsingoaliorlutik suksaungitunik takorngartaniglo?

Jeremiab Ogguarutigijangit 4:20

Kingapta anerningat, Nâlekab mingoartanga, pijaulaukpok itersaliangine, tâmna pivlugo oᴋalaukpogut: Tâpsoma taggaliningane inôlârpogut inôᴋatigêksuit akorngane.

Hosea 10:3

Mâna oᴋalârput: Ataneᴋangilagut: Nâlegaᴋ sivôragigaptigo; ataniublo ᴋanoᴋ ikajorungnarpâtigût?

Hosea 13:13

Arnab ernisuktûb sillimajûb kapiasungningit tikituksauvut tâpsomunga; erniovoᴋ silatuneᴋangitoᴋ; noᴋarungnaivinga ᴋitorngat anivingane neliutivoᴋ.

Hosea 3:4

Israêlib ᴋitorngangit uvlut unuktut nâvlugit uningâromârmatta ataneᴋaratik, angajoᴋâᴋsoaᴋaratiglo, tunerguserviᴋaratiglo, napajoliarimajoᴋaratiglo, opinartomiglo ikiaᴋaratik, gudingoaᴋaratiglo;

Migga 5:3

Taimaimat tâpsoma tunijomârpait ernisuktoᴋ erniᴋârtinago; taipsomane ᴋatangutime amiakungit utilârput Israêlib ᴋitornganginut.

Johannese 16:21

Arnak ernisukkune, kiksarneᴋarpok, stûndinga tikisimangmat; nutarârsugle erniarijarêruniuk, kappiasungnerilauktane isumagijungnairpâ, ᴋuviasungnek pivlugo, inuk silaksoarmut erniangongmat.

Takotitaunermik 12:2

Tâmnalo singaijok nipliadlarpok ernisukame, angijomiglo âniavok ernivlune.