Migga 4:7 - Labrador Inuttitut Heritage Bible

⁷ Tusiaktullo amiakotitsomârpakka, ajaktortaujullo inôᴋatigêksoangordlugit; Nâlegarlo ataniojomârpoᴋ tâpkonunga ᴋaᴋame Zioneme mânamit issoᴋangitomut.

Migga 4:7 Iomraidhean Croise

Imgerut 2:6

Uvangale attanneᴋotiga mingoarlugo attanningortilaukpara ᴋaᴋᴋaᴋotimne ivsornaitome Zioneme.

Jesaiase 16:5

Saimanermulle iksivautaᴋsoarmik âᴋiksoijoᴋaromârpoᴋ, ᴋângane nallâgôrtomik iksivajoᴋaromârpoᴋ Dâvidib iglungane, erᴋartuijomik, erᴋartuitsiarnermik attortomik, idluarsainermik saᴋᴋertitsijomik.

Jesaiase 24:23

Taᴋᴋerlo kangusugomârpoᴋ, seᴋinerlo ᴋattagomârpoᴋ, ᴋilangmiugasaksuit Nâlegangat attanersoangongmat Zionib ᴋaᴋᴋangane Jerusalemelo, angajoᴋângortitangitalo ânanaunersoangat takkuksaulermat.

Jesaiase 6:13

Inuille unurningita tallimaujortungit tagvanẽtsomârput sulle; taipkoa pititaujariaᴋaromârivut ikkomamut, kissianele — sôrlo terebintemut aigemullo kippaᴋarmat (kippijaukpanik) — taimak taipkoa kippangat kinguvâksauvoᴋ ivsornaitoᴋ.

Jesaiase 60:22

Mikkinerôjomit tausendit pijomârmatta ajulernerpângojomillo nunaᴋatigêksuit pitsartuneliksuit. Uvanga Nâlegaujunga tamanna piniasâromârpara, nalliutijuksaukpat.

Jesaiase 66:8

Kina taimaitomik tussalauralloarᴋâ? kina taimaitomik takolauralloarᴋâ? Nuna saᴋᴋijârtitaujungnarᴋâ uvlorme attausẽnarme, inugasaksuillo attautsekut erniangojungnarᴋât? Mãnale Zione ernisulerame, ᴋitorngane erniarilerêrpait.

Hesekiel 43:7

Oᴋautivângalo: Inûb erninga, tamanna tagga iksivautaᴋsoarma ininga, itikamalo alungita iningat, inigitsainaromârtara Israêlib ᴋitorngangita akorngane issoᴋangitomut; Israêliblo ᴋitorngangita attera ivsornaitoᴋ ivsornartitsungnairomârpât kingorngane, tâpkoalônêt ataningitalônêt, assiniarnermingnut atanermiglônêt timevininginut poᴋtonermingne;

Daniel 2:44

Atanillo tâpkoa uvlungini ᴋilaub Gûdingata ataniovik âᴋiksoromârpâ, issoᴋangitomut aglât assirortauniatsangitoᴋ, nâligauvioningalo inungita assinginut nûtuksautsangilaᴋ; siᴋalitsilârporli nungutsilunilo ataniovingnik makkoninga tamainik, issoᴋangitomulli itsainaromârpoᴋ.

Daniel 4:34

Uvlulli tâpkoa nângmatta uvanga Nebukadnezarib ijîkka arlortipâkka ᴋilangmut, silatuniralo utipoᴋ uvamnut, ᴋotsingnipângojorlo nitorpara, issoᴋangitomullo inôtsainartoᴋ nakorivara opigilugolo; tâpsoma nâliugauninga nâligauniongmat soraiviᴋangitoᴋ, nâligauvingalo kinguvârênit kinguvârênut itsainarmat.

Daniel 7:14

Tunitjiviovorlo nâlegaunimik, ânanaunimiglo, ataniovingmiglo, inôᴋatigêt, nunaᴋatigêllo, oᴋausiᴋatigêllo ilûnatik kivgartorᴋovlugit tâpsominga; nâligauninga nâligauniovoᴋ issoᴋangitoᴋ, sorairniangilaᴋ, atanioningalo assirotauniatsangilaᴋ.

Daniel 7:27

Atanioviglo nâlegaunilo ataniovîllo angijôningit ᴋilaub ilûnani atâni tunijaujomârput ᴋotsingnipângojûb ivsornaitungita inunginut; tâpsoma ataniovinga atanioviovoᴋ issoᴋangitoᴋ, nâligaunirillo ilûnatik kivgartoromârpât nâlaklugolo.

Hosea 1:10

Israêlib ᴋitorngangit imarbiub siorangititut ôktortaujungnangitutitut kititaujungnangitutitullo unuktigijomârmatta, pijomârporle, inine oᴋautijauvigilauᴋtangine: Inuᴋutaulungilase uvamnut; tagvane oᴋautijaujomârput: Kitorngauvose Gudemut ômatsainartomut.

Joel 2:32

Imaitsomârporlo, neliaᴋ Nâlekab attinganut ᴋiagarsuktoᴋ piulijaujomârpoᴋ: ᴋaᴋᴋame Zioneme Jerusalememelo piulijauviksaᴋaromârpoᴋ, sorlo Nâlegaᴋ oᴋarsimangmat, amiakôjunelo Nâlekab ᴋaiᴋojangine.

Joel 3:17

Taimak ᴋaujilârpose uvangaugama Nâlegaᴋ Gudise, Zioneme ᴋaᴋᴋamne ivsornaitome ineᴋartunga: Jerusalem tagva ivsornaijomârpoᴋ, takorngartallo apᴋutigijungnairomârpât.

Obadia 1:21

Piuliklertuksallo majuaromârput Zionib ᴋaᴋᴋanganut idluarsaromavlugit Esauib ᴋaᴋᴋanganêtut, nâlegauviglo Nâlekab pigilârpâ.

Migga 2:12

Katersoromarpapse ilûnase, Jâko; katersoromârpakka Israêlib amiakungit; katersoromârpakka saukatitut Bosrame; katimgajutitut nerrinasugvingmingnêtutitut pervaludlaromârput inuit unuktovaksôningit maliklugit.

Migga 2:13

Serᴋomitsijoᴋ takpaungarpoᴋ sivuningine; serᴋomitsilauᴋput sivumuarlutiglo itertarvingmut, aningmilutiglo tagvûna; ataningat ingerarpoᴋ sivurngane, Nâlegarlo sivorlerpârivât.

Migga 5:3

Taimaimat tâpsoma tunijomârpait ernisuktoᴋ erniᴋârtinago; taipsomane ᴋatangutime amiakungit utilârput Israêlib ᴋitornganginut.

Migga 7:18

Kina iliktut Gudeovâ, issumagijungnainiktoᴋ idluitunik, kingormgutijamelo amiakungita idluitulininginik anigoijôᴋ? Soraijuitomik ningarnine tigumianginalungilâ, nâpkiningneᴋ ᴋuviagigamiuk.

Sefania 3:13

Israêlib amiakungit idluituliniangilat, saglutiksaniglo oᴋauseᴋarniangilat; oᴋarlônêt uivêriklertok naipitauniangilak ᴋaningine; nerrilârmatta innilalutiglo, ᴋaggaijoᴋarniangilarlo tâpkoninga.

Sefania 3:20

Neliutome tâpsomane tikiutijomârpapse, neliutomelo tâpsomane katersoromârpapse; opinartungortitsomârapse nertornautiksangordluselo inôᴋatigêksoarne tamaine silaksoarme, aularutjaunise tikiutilermigupkit ijipse sângine, oᴋarpok Nâlegak.

Lukase 1:33

Jâkoblo iglunganut ataniojomârpok issoᴋarniangitomut, atanioningalo naggateᴋaromângilak.

Takotitaunermik 11:15

Engelillo 7 ingat tiptulausijarpok. Nippersuit tagva tussartauvut ᴋilangme oᴋartut: Silaksûb ataniovingit perᴋutautitaumavut Nâlegaptingnut Kristûsinganullo, tâmnalo nâlegaviksôniarpok issoᴋangitomit issoᴋangitomut.