Migga 4:5 - Labrador Inuttitut Heritage Bible

⁵ Inôᴋatigêt ilûnatik atunit arvertaromârmatta gudimik attingane, uvagullo arvertatsainaromârpogut Nâlekab Gudipta attingane, soraijuidluta.

Migga 4:5 Iomraidhean Croise

Genesis 17:1

Abrale jâreᴋarmat 99nik, Nâlekab saᴋᴋervigivâ oᴋautilâlo: Uvanga Gûdeovunga ajugaᴋangitoᴋ, saᴋᴋamne arvertarit pidlaraksausuerlutillo.

II Atannit 17:29

Innuᴋattigêksuille ilunnatik attunît Gûditik sennavait, pitipaillo pôktojut iglunginut Samariamiut sennalauktanginut, innuᴋattigêksuit ilunnatik iglugasaksoamingne nunagijamingne.

II Atannit 17:34

Uvlorlo tamanna tikkilugo taimailiorput, illutsit nutaungitut malliklugit Nâlegak sivuragijatuarilungilât, pinniaratiglo illuserivalauktatik, piuserivalauktatiglo malliklugit, pinniaratiglo illusiokojaujut perkojallo malliklugit, Nâlekab perkolauktangit Jakob, atserartaulauktub tapsomunga Israelemik, ᴋitornganginut;

Imgerut 20:6

Mânna tukkisivunga Nâlekab mingoartane ikajormago, tussarlugolo ᴋillangminit ivsornaitomit; tallerpinga ikajorpok angijoksoarmik.

Imgerut 48:14

Gûde tâmna Gûdigitsainaraptigo issoᴋangitomut: tâpsoma tassiorpâtigut toᴋᴋo tikkidlugo.

Imgerut 71:16

Arvertaromavunga Nâlekab, Nâlekab pitsartuningane; idluarnît nertoratuarijomavara.

Jesaiase 2:5

Attê, Jâkokkut, arvertarta Nâlekab ᴋaumarningane!

Jesaiase 26:13

Nâlegaᴋ Gûdivut attanerit assitit attanerigalloarpavut, illikkut kissiane attit erᴋaumavavut.

Jesaiase 26:8

Illa, Nâlegaᴋ, erᴋartuijartoralloaruvit, nerriugivaptigit; atternut erᴋaumajauviksarnullo tarnivut kajungerpoᴋ.

Jeremia 32:40

Tâpkonungalo angeᴋatigêngnelioromavunga soraijuituksaujomik, sorairomanginama ajungitulivigivlugit; ômamiutaᴋartitsomavakkalo sivôranermik uvamnik ᴋemaiᴋonagillo uvamnik.

Saggaria 10:12

Pitsartutitsomârpakkalo Nâlekame; ingeraromârpullo tâpsoma atingane, oᴋarpok Nâlegak.

Apostelit Piniarningit 14:16

Tâpsoma naliutune anigortune nalojut tamaita isumamingnik inônialauktut kamagingitsertorpait.

Deuteronomy 27:10

Taimaimat Nâlekab Gûdivît nipinga nâlegaksarivat, piniarlutillo perᴋojanginik maligaksaniglo perᴋojijutigijamnik ilingnut uvlome.

Kolossamiunut 2:6

Tagva sorlo Kristûse Jêsuse ilaliulaurapsiuk, arvertarniaritse tâpsomane.

Kolossamiunut 3:17

Tamaitalo piniarnise, oᴋarangapselônêt piniarangapselônêt, ilûnaita piniarsigik Nâlekab Jêsusib atingane, ᴋujalivluselo Gûdemik Atâtamiglo tâpsomûna.

Josua 24:15

ᴋuviagijaungipalle illipsingnut, Nalegak kivgartorlugo, tagva uvlome annerosugitse kinamik kivgartoromangmangapse, Gudemik tapsominga, atâtagilauktapse kivgartorlauktanganik kôksuit akkiane, Amoriterillônet nunagijapse innungita Gudingoanginik. Uvangale iglomioᴋattimalo Nalegak kivgartoromavavut.