Migga 4:4 - Labrador Inuttitut Heritage Bible

⁴ Ilûnatigle atunit iksivajomârput vaineᴋautimik atâne, paungatannaᴋautimiglo atâne, sivôrasârijoᴋarniangilarlo tâpkoninga: Nâlekab Zebaotib ᴋaningata oᴋauseringmago.

Migga 4:4 Iomraidhean Croise

I Atannit 4:25

Taimâk Judakut Israelitillo ussornarnarlutik nunakalaungmatta, nelliat napârtokotime Weineliksab atâne, Feigeliksablo atâne, Danemit Berseba tikkidlugo, Salomob inosingane tamât.

I Atannit 5:5

Ahâk, tagva isumavunga iglolioromavlunga iglomik Nâlekab Gûdima atinganut illingajomik, sorlo Nâlegak Oᴋauseᴋalaungmat atâtamnut Davidemut, oᴋalaungmallo: Ernivît, inangêrlutit ingititsomajama iksivautarnut, tapsoma atera iglolioraksariva.

Hiobe 11:19

Innarajarlutillo, kinamullônêllo tuppaksartauvlutit ᴋoaksârtitaunajangilatit, unuktullo sângne ᴋenunajarput.

Imgerut 72:3

ᴋaᴋᴋat ullapirsaumik ᴋaitsilaulît inugasaksoarnut, ᴋaᴋᴋârulaillo idluarnermik.

Salomob Okâl 3:25

Sivôrajariaᴋarᴋonnak ᴋoaksartitaunermik tikkisaraidlartomik, Gûdeᴋangitullonêt asserorsaininganik, tikkitoᴋarpât.

Jesaiase 1:20

Kunulerupsele tappatolerluselo, saviksoarmut nungutaujomârpose, Nâlekab ᴋanninga taimak oᴋarmat.

Jesaiase 17:2

Aroêrib iglugasaksoangit ᴋemaktauvut, nergjutit kattimajut tagvane pissugomârput, aᴋopijomârput agviartaunatik.

Jesaiase 22:25

Kilangmiugasaksuit Nâlegangat oᴋarpoᴋ: Taipsomane kikiak katjuktaumajoᴋ innemut aulataujungnangitomut pêromarpoᴋ, naviklunelo kattagomârpoᴋ, nivingartaujullo tâpsomunga pêrtaujomârput; Nâlegaᴋ taimak oᴋarmat.

Jesaiase 26:16

Nâlegaᴋ, kappianartoᴋalerangat, ᴋennerpâtit; sugialerangangne, anersauminikut nipliavigivâtit.

Jesaiase 32:17

Idluarnerublo sullijanga tagva ullapirsaut, idluarnerublo saᴋᴋertitanga tagva merngoerserviksaᴋ terlingnartoᴋ, soraingitoᴋ.

Jesaiase 36:16

Hiskia nâlengniarasiuk! Imâk Assiriamiut attaningat oᴋarmat: Ullapirsauteᴋaᴋatigisinga annivigivlungalo, tagva illũnase attunit nerrijuksauvose napârtoᴋotipsingnit vaineliksanit faigeliksanillo imertuksauvluselo imeᴋtarveᴋotipsingnit.

Jesaiase 40:5

Nâlekab ânanaunersoanga saᴋᴋertitaujomârmat, uviniggillo illûnamasiatik takojomârpât; Nâlekab ᴋanninga oᴋarmat.

Jesaiase 54:14

Idluarsainipkut tungavilertaujomârpotit. Issumajârungnairit sâlagijaugiamik, sivorajariaᴋaromânginavit, ᴋoaᴋsârnartomiglõnêt, tamattomunga tikkitaujomâtsanginavit.

Jesaiase 58:14

Tagva Nâlegaᴋ ᴋuviagijomârpat, nunablo ᴋaᴋᴋangitigut ᴋemukserᴋojomârpagit, nerrititsomârpagillo atâtavit Jâkob kingormgutijanganik; Nâlekab ᴋaningata tamanna oᴋautigingmago.

Jeremia 23:4

Pairᴋsijuksaniglo tâpkonunga ilijijomavunga pairᴋsilârtunik tâpkoninga; kingornganalo sivôrajungnairomârput ᴋoaᴋsârungnairlutiglo kingomajaujoᴋalulângilarlo, oᴋarpoᴋ Nâlagaᴋ.

Jeremia 30:10

Taimaimat, sivôraniarnak Jâko kivgara, oᴋarpoᴋ Nâlagaᴋ; kapiasudlarnak, Israêle; ahâk, ᴋelujomârpagit ungasiktomit, kinguvâksatillo nunamit aularutijauvigijamingnit; Jâkolo uteromârpoᴋ inilangatsiarniarlunalo pagvisartaulugane, ᴋoaᴋsârtitsijoᴋarnialungilarlo tâpsominga.

Hesekiel 34:25

Angeᴋatigêngnermiglo ulapirᴋsautelingmik angeᴋatigijomavakka, ômajullo erᴋsinartut nunamit pêjaromavakka; terliklutiglo nunaᴋaromârput sunaᴋajuitome, siniktarlutiglo napârtolingme.

Hesekiel 34:28

Pinasuaraksaujungnairomârpullo kingorngane nelojunut, nunablo nergjungita nerrijaksaringilait; terliklutigle nunaᴋaromârput, kinamullônêllo erᴋsititaujomângilat.

Hesekiel 38:11

Oᴋaromârpotillo: Takpaungaromavunga nunamut iglugasaktalingmut ᴋarmaᴋangitunut; aivigijomavakka uimajângitut, terliklutik nunaᴋartut, ᴋarmaᴋaratik seneroaᴋaratiglo upkoaᴋaratiglo inôjut:

Hesekiel 39:26

Kangusungnermingniglo idluitulinermingniglo idluitulijutigijamingnik uvamnut nangmalârput, terliklutik nunaᴋalerpatta nunamingne kimullônêt kapiasuktitaugatik,

Leviticus 26:6

Ulapirksaumiglo tunitjijomavunga nunapsingne, inangalârposelo kapiasuktitaunase kimullônêt; ômajullo erᴋsinartut pêjaromavakka nunapsingnit, saviksoarlo ingergarniangilak nunapsigut.

Migga 5:3

Taimaimat tâpsoma tunijomârpait ernisuktoᴋ erniᴋârtinago; taipsomane ᴋatangutime amiakungit utilârput Israêlib ᴋitornganginut.

Sefania 3:13

Israêlib amiakungit idluituliniangilat, saglutiksaniglo oᴋauseᴋarniangilat; oᴋarlônêt uivêriklertok naipitauniangilak ᴋaningine; nerrilârmatta innilalutiglo, ᴋaggaijoᴋarniangilarlo tâpkoninga.

Saggaria 3:10

Uvlorme tâpsomane, oᴋarpoᴋ Nâlegaᴋ Zebaot, vaineliksataliub atânut paungatannaᴋtaliksûblo atânut ᴋaiᴋojiᴋatigêgomârpose.