Migga 4:3 - Labrador Inuttitut Heritage Bible

³ Erᴋartuijomârporlo inôᴋatigêksuit unuktut akorngane, inôᴋatigêksuillo aᴋtornartut inerterlugit ungasiktomit; saviksoatiglo katjugomârpait ibjomik makperteraijûtingorlugit, ᴋalugiatiglo iviksukatautingorlugit; nunaᴋatigêt nalîllônêt assimingnut saviksoarmik atorungnairomârput, unatadlarnermiglo iliniarungnairomârput.

Migga 4:3 Iomraidhean Croise

Imgerut 46:10

Nippangeritse illitarksiluselo uvanga Gudeôgama. Uvanga angijorortitaujomavunga nallojut akkorngane, angijorortitaujomavunga nuname.

Imgerut 46:9

Unnatadlarnernik nokᴋartitsijub nuname illûnane; pittiksinnik naviksijub, kallugiarniglo serᴋomitsijub, aksalloalingniglo ikkitsijub.

Imgerut 72:3

ᴋaᴋᴋat ullapirsaumik ᴋaitsilaulît inugasaksoarnut, ᴋaᴋᴋârulaillo idluarnermik.

Imgerut 72:7

Tâpsoma nalliuningane idluartok nuvugolâtâromârpok ullapirsauteᴋaromârlunelo angijomik, taᴋᴋeᴋarungnaininga tikkilugo

Imgerut 82:8

Gûde parngnailaurit nunalo idluarsaruk; igvit nallojut illunaita kingormgutijaksarigangne.

Imgerut 96:13

Nâlekab sângane, aggermat, aggermat nunaksoak erᴋartoromavlugo. Tâpsoma sillaksoak erᴋartoromârpâ idluarnermut, innuᴋattigêksuillo mikseᴋârnerminut.

Imgerut 98:9

Nâlekab sângane, aggermat nunaksoak erᴋartoromavlugo. Tâpsoma sillaksoak erᴋartoromârpâ idluarnermut, innuᴋattigêksuillo namanermut.

Jesaiase 2:4

Erᴋartuijomârporlo nallojut akkornganne nunaᴋatigêksuillo unuktut inerterlugit. Tagva saviksoaᴋotimingnik poagitelioromârput ᴋallugiaᴋotimingniglo iviksukatautelioromârput. Nunaᴋatigêt nellîllõnêt assimingnut saviksoarmik atorungnairomârput, unatadlarnermiglo illiniarungnairomârput.

Jesaiase 25:3

Tamanna pivlugo nunaᴋatigêksuit pitsartudlartut opigivâtit, nallojut erᴋsinartut iglugasaksoangita sivoragivâtit.

Jesaiase 51:5

Idluarsaiviksara ᴋannidlarpoᴋ, piuliklerviksaralo saᴋᴋijâlerpoᴋ, tallîngmalo nunaᴋatigêksuit erᴋartoromârpait. Kikkertarmiut nerriugivânga talleralo utaᴋᴋivât.

Jesaiase 60:12

Nallojut attaniovillo kivgartoromangitut illingnut nungutaujomârmatta, inungillo asserortauvlutik.

Jesaiase 65:25

Amaroᴋ saugârarlo nerriᴋatigêgomârpuk, loeve tuktuvaktut ivingnik nerᴋiksaᴋaromârpoᴋ, ᴋuglugiarlo ivjomik nerrijomârpoᴋ. Erᴋsinaromângilat asseroinatiglo ᴋaᴋᴋamne ivsornaitome illũnâne, oᴋarpoᴋ Nâlegaᴋ.

Jesaiase 9:7

Nâlegauvik angijorortitsomavlugo ullapirsauteᴋatsainartitsomavlugo Dâvidib iksivautanganẽpoᴋ attaniovinganelo, âᴋiksorlugo erᴋartuitsiarnermut idluarsainermullo mãnanit issoᴋangitomut. Kilangmiugasaksuit Nâlegangata illungertorninga tamattominga piniaromârpoᴋ.

Daniel 2:44

Atanillo tâpkoa uvlungini ᴋilaub Gûdingata ataniovik âᴋiksoromârpâ, issoᴋangitomut aglât assirortauniatsangitoᴋ, nâligauvioningalo inungita assinginut nûtuksautsangilaᴋ; siᴋalitsilârporli nungutsilunilo ataniovingnik makkoninga tamainik, issoᴋangitomulli itsainaromârpoᴋ.

Hosea 2:18

Uvlormelo tâpsomane tâpkoa pivlugit angiᴋatigêngnelioromârpunga naternaub nergjutinginut, ᴋilaublo ikiangata tingmianginut, nunablo pâmgortunginut; pitikselo saviksoarlo unatarnerlo pêjaromavakka nunamit, inangatitsomavakkalo terliklutik.

Hosea 2:20

Nelâgôrnermelo ilâ nuliarijomavagit: Nâlegarlo ilitarilârᴋat.

Joel 3:2

Inôᴋatigêksuit tamaita katersoromârpakka tikiutilugillo Jôsafatib naᴋsanganut; tagvanelo erᴋartoromârpakka inuᴋotikka kingormgutijakkalo Israêle pijutigilugit, siamartitangit inôᴋatigêksuit akornganut, nunalo piga avgoarlugo.

Migga 5:15

Ningarnermelo ᴋaningaumajârnermelo inôᴋatigêksuit tusaromalaungitut akkiniaromârpakka.

Saggaria 14:3

Nâlegak tagva anijomârpok inôᴋatigêksuillo tâpkoa sorᴋsukvigilugit, taimak sorlo sorᴋsulaurame unatadlarnerub uvlungane.

Saggaria 8:20

Imâk oᴋarpok Nâlegak Zebaot: Sulle tikidlalârput inôᴋatigêt inugasaksuillo unuktut inungit;

Saggaria 9:10

ᴋamutillo unatautit pêjaromârpakka Efraimit, horsillo Jerusalemit, pitikselo sorᴋsût pêrtaujuksauvok; inôᴋatigêksuillo ulapirksaumik oᴋarvigilârpait; nâlegauvingalo imarbingmit imarbiub aipânut pijomârpok, kôksoarmillo nunaksûb isua tikidlugo.

Apostelit Piniarningit 17:31

Uvlormik taisimalaurame, silaksoarmiunik idluarsaivlune erᴋartuijomârvingminik angutikut piniarᴋojamigut, ilûnaita okpertitsomavlugit, toᴋungajunit tupaktinamiuk.

Takotitaunermik 19:11

Kilaglo angmartok takovara, ahâglo horse ᴋaᴋortak, tâpsomalo ᴋângane iksivajok nertornarnermik mikseᴋârnermiglo ateᴋartok, idluartomik erᴋartuivlunelo sorsuklunelo.

I Samuel 2:10

Annârtortut Nalekamik sutairtuksauvut; ᴋollingine kallertitsiniarpok ᴋillangme. Nalekab sillaksub issua erᴋartoromârpa, attaneᴋotinelo pitsartuneᴋartitsomârpa, kangatartitsomârlugolo saimartitame naksunga.