Migga 3:6 - Labrador Inuttitut Heritage Bible

⁶ Tamanna pivlugo unnuangolârpoᴋ ilipsingnut, takotitjuteᴋarungnaiᴋovluse; tâᴋtoᴋsôlârpoᴋ ilipsingnut, nalautaijungnarᴋonase; seᴋinerlo nipilârpoᴋ nalautaijunut, uvlorlo ᴋernersilârpoᴋ tâpkonunga.

Migga 3:6 Iomraidhean Croise

Imgerut 74:9

Nellunaikutavut takkolungilavut; nallautaijoᴋarrungnaipok; kinaᴋangilarlo uvaptingne ᴋaujimajomik namût.

Jesaiase 29:10

Nâlekab anerneᴋ sinningnartoᴋ kovingmago illipsingnut, ijiselo (tagva:) nallautaijut mattulugit niaᴋoselo (tagva:) takkotitjuteᴋartut ulliklugit.

Jesaiase 59:10

Karmaᴋ tapsikârpavut tautungitutitut, ijeᴋangitutitut tapsikârpogut; uvlub ᴋetterarningane naukiutivogut sôrlo tâᴋtome, atsuilijut akkornganne toᴋungajutitut-ipogut.

Jeremia 13:16

Opigijaunermik tunidjileritse Nâlakamut Gudipsingnut, Gude tâᴋsititsiᴋonago, itikaselo aporᴋonagit ᴋaᴋᴋane tâᴋsilertune; ᴋaumajoᴋsêtiluselo tâmna ablatsângortitsiᴋonago tamattominga toᴋub taggalininganut, tâᴋtoᴋsoangortilugolo.

Jeremia 15:9

Kitorngilauᴋtoᴋ 7nik anersaumilerpoᴋ, anernangerpoᴋ; seᴋᴋininga nippivoᴋ uvlôtilugo sulle; kangusudlalauᴋpoᴋ uimâlavlunalo; amiakungillo saviksoarmut tunijomavakka ômigijingita sângine, Nâlagaᴋ oᴋarpoᴋ.

Jeremia 18:18

Tapkoale oᴋarput: Attê, ᴋaileritse, issumaksarsioᴋatigêkta Jeremia pitjutigilugo; perᴋojat pijungnainiangimatta ajoᴋertuijomit, atanertuinerlônêt ilisimajomit, oᴋauserlônêt nalautaijomit. Kaileritse, oᴋarnerlutigilavut oᴋaptingnut, kamaniaratalo oᴋausingita nalianiglônêt.

Hesekiel 13:9

Aggamnullo tiglulârpakka nelautaijut uivêrinartunik oᴋâlajut saglonerniglo nelautaijut; inuᴋotikka ᴋaggimiolerpatta najûtijuksaungilat, aglaktaujuksaungilallônêt Israêlib ᴋitorngangita aglaksimaviane, aijuksaungilallônêt Israêlib nunanganut; ᴋaujijuksauvoselo uvangaugama Nâlegaᴋ Nâlegaujoᴋ.

Hesekiel 7:26

Kanoetoᴋ malilârpoᴋ ᴋanoetomik, tusaumajaᴋ malilârpoᴋ tusaumajarmik. Takotitjumik ᴋeneromârput nelautaijomit; ajoᴋertuserle nûgomârpoᴋ ajoᴋertuijunit, atanertuinerlo inutoᴋaujunit.

Amos 8:11

Ahâk, uvlut tikitsomârput, oᴋarpok Nâlegak Nâlegaujok, tilikleromârama kângnartoksoarmik nunamut, kângnartoksoarmik nerᴋiksamu-ungitok, ᴋêlernermik imiksamuᴋungitorlônêt, tusaromadlarnermigle Nâlekab oᴋausinginik.

Migga 2:6

Nalautaidlarase (oᴋarput): nalautaitsainarput. Nelautaijuksaungilat tâpkonunga; pasiklernerit sorairnialungilat.