Migga 3:12 - Labrador Inuttitut Heritage Bible

¹² Taimaimat ilipse pitjutigiluse Zion perorsêviktut makperterartaujomârpoᴋ, Jerusalemelo aᴋtornerlukungoromârpoᴋ, iglûblo ᴋaᴋanga napârtoliub poᴋtoningatut itsomârpoᴋ.

Migga 3:12 Iomraidhean Croise

Imgerut 107:34

Nunalo perutsianartok naksangortipâ sioraujalingmut, tâpkoa nunaᴋartut tagvane kassêningit pivlugit.

Imgerut 79:1

Gude nallojut ittârsimavut kingormgutijarnut, Tempeleᴋotillo ivsornaitok ivsornartilaukpât, Jerusalemelo ujarangortilaukpait ᴋallerêktunnik patsalungajunik.

Jesaiase 32:14

Iglut ânanaujut ᴋemadlartaujomârput, iglugasaksuit inuliksuit inuᴋarungnairomârput, ᴋaᴋᴋârulaᴋ nuvugusersuillo ᴋairosuktut illingajomârput uvlut naggatiksangannut, siuterᴋortojut nujuartut ᴋuviasûtigijomârpait, nergjutillo kattimajut nerrinasugvigijomârpait,

Jeremia 17:3

Kaᴋᴋaᴋotiga naternarme, perᴋutitit pivianartoᴋotitillo aᴋsârnigautitsomavakka, poᴋtojoᴋotitillo, idluitulineᴋ pivlugo, nunangne ilûnâne.

Jeremia 22:5

Oᴋautsille tamakkoa tusaromangikupsigik, angermarikpunga uvamne, oᴋarpoᴋ Nâlagaᴋ, iglo tamanna asserortaudlaromârmat.

Jeremia 22:6

Imâk Nâlagaᴋ oᴋarmat Judab ataningata inungit pivlugit: Gileadetut Libanoniblo ᴋângatut ilingavose uvamnut; nalonangitomigle sunaᴋajuitungortitsomavagit, iglugasaksoangortitsomavlutillo inuᴋarungnaitunik.

Jeremia 26:18

Migga Môrasemioᴋ nalautailauᴋpoᴋ Hiskiab Judab ataningata naliuningane, Judablo inungit ilûnaita oᴋarvigilauᴋpait, oᴋarlune: Imâk oᴋarpoᴋ Nâlagaᴋ Zebaot: Zion perorsêviktut poagijartaujomârpoᴋ, Jerusalemelo ᴋiggutuinaujomârpoᴋ, iglublo oma ᴋaᴋᴋanga napârtoliksûb poᴋtoningititut.

Jeremia 35:17

Taimaimat imâk oᴋarpoᴋ Nâlagaᴋ, Gude Zebaot, Israêlib Gudinga: Ahâk, Judamut Jerusalemiunullo tamainut tikiutjijomavunga idluitunik tamainik oᴋautigijamnik tâpkonunga; oᴋarvigilaurapkit tusalaungimattale; ᴋaigarsugvigilaurapkillo, kiolaungimattale.

Jeremia 44:2

Imâk oᴋarpoᴋ Nâlagaᴋ Zebaot, Israêlib Gudinga: Takosimavase idluineᴋ tamât tikiutijara Jerusalemut Judablo iglugasaksoanginut tamainut; ahâglo, uvlome asserorsimaniovut inuᴋarungnailutiglo;

Jeremia 52:13

Tâpsomalo Nâlakab iglunga, ataniublo iglunga, Jerusalemiblo iglungit ilûnaita, ila, angajoᴋâᴋsuit iglungit ilûnaita ikipait ikomamut.

Jeremia 9:10

Kaᴋᴋat ᴋeajomavakka kajumiutigivlugillo, nergjuteᴋarvillo iviksukatalit naternamêtut oggorijomavlugit, panidlarmatta, apᴋusârtaujungnailutik kimut, nergjutillo nippingit tusaksaujungnaipullônêt; silab tingmiangit nergjutillo ilûnatik ᴋemâsimavut; aularsimavut.

Jeremia 9:11

Jerusalemelo ᴋiggungortitsomavara, inniksauvlune terianiangojârtunut; Judablo iglugasaksoangit asseroromavakka, inuᴋarungnaimariklutik.

Jeremiab Ogguarutigijangit 5:18

Zionib ᴋakᴋanga pivlugo, sunairutijok; terrianiangojârtut arvertarvigivât.

Migga 1:6

Taimaimat Samaria aᴋtarlukungortitsomarpara perorsêvingme, perornerluktutitullo vaineliksatalingme; ujaraᴋtangillo korungmut sitortitsomârpakka, tungavingillo saᴋᴋijârtilugit.

Mattêuse 24:2

Jêsusible oᴋautivait: Tamakkoa tamaita takogalloarpisigîk? Âhamarik, oᴋaupapse: Ujarᴋat ukkua serᴋomitaujomârput, ᴋallerêktoᴋarungnairlutik.