Migga 3:11 - Labrador Inuttitut Heritage Bible

¹¹ Angajoᴋângit idluarsaivut pilitaujomavlutik, ajoᴋertuijungillo akkilertaujomavlutik, nalautaijungillo nalautaivut kênaujanut; sullele Nâlegaᴋ egangavigijomavât, oᴋarlutiglo: Nâlegaᴋ akunaptingnêlungilâᴋ? Idluitûb tikiniangilâtigut.

Migga 3:11 Iomraidhean Croise

Salomob Okâl 17:23

Gûdeᴋangitok pilliusianik tigusivok sagviub Ikᴋianganit, idluarnerub apᴋotinga soᴋosertitsomavlugo.

Jesaiase 1:23

Attaneᴋotitit tapatovut tigliktoᴋsuillo illagivait, tâpkoa illũnatik akkiliusianik pijomadlarput, pilliusianiglo pinasuarput, illiarsuit serngnigilungilait, uigarnerillo illinganingit kamagingilait.

Jesaiase 48:2

Iglugasaksuit ivsornaitut inunginik taivut, Israêlib Gûdinganik tatteᴋarput; ᴋilangmiugasaksuit Nâlegangat tagva attinga.

Jesaiase 5:23

Idluitullijunik passijaksaujungnairtitsijut pilliusiat pitjutigivlugit idluartullijullo aᴋsârlugit idluarningannik.

Jesaiase 56:11

Kingmit pijomatudlarput nãmaksijuidlutik; tâpkoalo pairᴋsijôvut, sillatuneᴋangilat, illũnatik kamatuinarput apᴋomik nangminerijamingnik, illũnamatsiatik idluarᴋutiksamingnik (kamatuinarput.)

Jeremia 23:17

Naggojut uvamnik oᴋautiᴋattarpait: Nâlagaᴋ oᴋarsimavoᴋ: Ulapirᴋsauteᴋarniarpose: arvertartunullo tamainut ômatimik mangaitisimaningit maliklugit oᴋarput: Idluitub tikiniangilâse.

Jeremia 26:7

Ajoᴋertuijullo nalautaijullo inuillo ilûnatik tusarpât Jeremia oᴋautsinik makkoninga oᴋartoᴋ Nâlakab iglungane.

Jeremia 5:12

Nâlagaᴋ missiarutigivât, oᴋarlutiglo: Tâmnaungilaᴋ; idluinerublo tikiniangilâtigut; takoniangilagullônêt saviksoarmik kângnartoᴋsoarmiglônêt;

Jeremia 6:13

Ilûnamasiatik mikinerpâmit anginerpâk tikidlugo pijomatudlartôvut; nalautaijomillo ajoᴋertuijoᴋ tikidlugo nalâgôngitomik piniarput.

Jeremia 7:4

Sagloᴋattarnerit tatiginiarasigik, oᴋartut: Tamadja Nâlakab tempelinga, Nâlakab tempelinga, Nâlakab tempelinga.

Jeremia 8:10

Taimaimat nuliangit tunijomavakka takorngartanut, perorsêvingillo sâlagijinginut; ilûnamasiatik, mikinerpâmit anginerpâk tikidlugo, pijomatudlartôngmatta; nalautaijomillo ajoᴋertuijoᴋ tikidlugo nalâgôngitomik piniarmatta.

Hesekiel 22:12

Ilipsingne piliusianik tigusivut, aungmik kovisiᴋovlugit; tapiksaᴋarᴋojivullo aᴋᴋilêᴋojivullo ununersanik attartortautilauᴋtanginit; pijomatudlarlutik aᴋsârput aksorornermut, puigorpapsingalo, oᴋarpoᴋ Nâlegaᴋ Nâlegaujoᴋ.

Hesekiel 22:27

Erᴋanartungit tagvanêtut amarᴋutitut aliktuiniartutitut iput; aungmik kovisiniarlutik, tarninigilo asseroilutik, pijomatudlarnitik pitjutigilugit.

Hesekiel 34:2

Inûb erninga, mianersijut Israêleme nelautaivigikit, nelautailerit, mianersijullo oᴋautikit: Imâk oᴋarpoᴋ Nâlegaᴋ Nâlegaujoᴋ: Kapianarmêk mianersijut Israêleme nangminermingnik nerrititsijut! Mianersijut nerripkaijuksaungilât saukanîk?

Hosea 4:18

Imiksangit sênarput: sorairatik assiniarput; angajoᴋângita kangunartoᴋ ungagidlarpât.

Hosea 4:8

Nerᴋiksaᴋarput inuᴋotima ajorninginik, kajungilârpullo idluitulinernik.

Amos 5:14

Idluitok pinago, ajungitok ᴋenersiuk, inôᴋovluse; taimaglo Nâlekab, Gudib Zebaotib, ilaginiarpâse, sorlo oᴋarapse.

Amos 9:10

Inuᴋotima idluitulijungit ilûnatik toᴋotaulârput saviksoarmut, oᴋartut: Idluinerub anguniangilâtigut agviarniangilâtigullônêt.

Migga 3:5

Imâᴋ oᴋarpoᴋ Nâlegaᴋ nalautaijut inuᴋotimnik tamartitsijut pivlugit; kigutimingnut kêsijut, ᴋaigarsuklutiglo: Ulapirᴋsaumik; oᴋomeraksamigle ilijijoᴋangipat ᴋaninginut, tagva unatariartoromavât:

Migga 7:3

Aggangit iglotut issamivut katsungaitomik idluitulijomavlutik; angajoᴋâᴋsoaᴋ ᴋenuvoᴋ, idluarsaijorlo akkilertausunguvoᴋ; inûblo erᴋanartûb tarningata katjârtanga oᴋautigivâ; taimaglo pergaiᴋatigêkput.

Sefania 3:3

Angajoᴋâᴋsuit tâpkonanêtut loeveovut ᴋalingoartut; idluarsaijungit amarôvut unuksiortut; piksaᴋumitârilungilat.

Sefania 3:4

Nelautaijoᴋotingit ᴋuksalaiput tunganailutiglo; ajoᴋertuijoᴋotingita ivsornaitovik sujukpât, perᴋojallo mumikpait.

Mâlaki 1:10

Kanoᴋtôᴋ atausiublônêt akunapsingnit upkoat parngnanairsorajarpagit, sulinase ikoâlasaiᴋonase tunerguservimne! ᴋuviagilungilapse, oᴋarpoᴋ Nâlegaᴋ Zebaot, tunergutiniglo nerᴋiksanik pijomangilanga aggapsingnit.

Mâlaki 2:9

Tamanna pivlugo naggonartilauᴋpase ariunartiluselo inôᴋatigêksuit tamaita sângine, apᴋosinikka atuatsainalaunginapsigik, inuillo kinauningit soᴋotigigapsigik perᴋojat nâlektauningine.

Numbers 16:15

Moseselo ningadlalerpoᴋ, Nâlegarlo oᴋautilât: Tâpkoa tunergutingit ilaliorniarnagittôᴋ; siutiᴋortojomik atautsemiglônêt aᴋsârnilauᴋsimangilanga tâpkonangat, neliallônêt idluitomik piniarvigingilara.

Numbers 22:7

Moabiblo angajoᴋângit Midianiblo angajoᴋângit aularᴋatigêkput angakonerub akiksarijangit neksarlugit; tikipullo Bâlaamemut oᴋautilugolo Bâlakib oᴋausinginik.

Mattêuse 3:9

Issumaniarase, ilupsigut oᴋaromavluse: Abraha atâtagivavut. Oᴋautivapse: ujarᴋanit makkonangat Gûdib Abraha ᴋitorngititsungnarpâ.

I Timôteusemut 3:3

Vainetuluadlarane, ileranartaililune, nachonartomik perᴋutiniarasuartaililune, inôtsiarlunele, ningarosuktaililune, pijomatudlarane;

Titusemut 1:11

Taipkoa ᴋaningit simiklugit pijariaᴋarpok; iglomioᴋatigênik ilûnainik mumiktitsingmatta, idluangitunik ajoᴋertûserijaksaungitunik pivut, kangunartunik perᴋutiniaromavlutik.

I Pêtrusib 5:2

Kristusib inuᴋotingit perᴋojaumajut ilipsingnut pairiniarsigik udsertorlugillo; ᴋununermut pinase ᴋunutuidlusele; kangunartomik perᴋutiniaromanermut pinase, ômamulle ilungertortomut,

Jûdasib 1:11

Kappianamêk tâpkoa! Kainib apᴋotigilauᴋtanga atoramitsuk, Balaamiblo tamârnêrilauᴋtanganut perᴋutiniaromamut katakivut, pikablânermingnelo Kôratut nungutauvut.

I Samuel 8:3

Ernigigle agvertarlaungilâk tapsoma apᴋotigijangane, sangulerpugle pijomatudlarnermut, tigusilutiglo pilliusianik, idluarsainerlo attornerlukpâk.