Migga 2:4 - Labrador Inuttitut Heritage Bible

⁴ Uvlorme tâpsomane adsiujomik atulârput pivluse, oggualârpullo ogguarutimut kiksarnelingmut, oᴋarlutik: Asserortaumarikpogut; inuᴋotima pigijaksangat ablatsangortipâ; pêjaivigivânga; perorsêvivullo tâpsoma avgorpait pikablâjunut.

Migga 2:4 Iomraidhean Croise

II Samuel 1:17

Davidiblo ogguarsiutit tamakkoa oᴋâlatigilaukpait, Saule erningalo Jonathane pivlugik.

II Kronika 35:25

Jeremiablo Josia ârusutigiva; imgerpaktullo illunatik angutit arnallo ogguarsiutitik oᴋâlatigivait Josia pivlugo, uvlok tamanna tikkilugo, illusiotitaulaukporlo Israeleme. Ahâk aglaksimavok imgerutine ogguarsiutine.

Hiobe 27:1

Hiobelo piganerpok, oᴋâlaninelo pigiarpait oᴋarlunelo:

Jesaiase 14:4

Imaitunik oᴋauseᴋaleromârpotit Bâbelib attaninga pivlugo oᴋarlutit: Ituᴋᴋê! ullapitsijoᴋ noᴋᴋarpoᴋ, siorniorvik sorairpoᴋ.

Jesaiase 24:3

Nuna piksairutijaujomârpoᴋ pêjaiviojomârlunelo, Nâlekab tamanna oᴋautigingmago.

Jesaiase 6:11

Uvangale oᴋarpunga: Nâlegaᴋ, ᴋanoᴋ sivitutigijomik? Oᴋarvigivânga: Iglugasaksuit asserortauviksangat tikkidlugo, tagvanẽtoᴋarungnairpat, iglullo inuᴋarungnairtitaukpatta, nunalo asserortaulerpat inuerutjauvlune.

Jeremia 14:18

Aniguma perorsêviliarlunga, ahâk, saviksoarmut toᴋotaumajut takovakka! Iterumalo iglugasaksoarnut, ahâk, perlilertut kângmut takovakka! Tagva nalautaijut ajoᴋertuijullotauᴋ nûgiaᴋalârput nunamut ilitaringitamingnut.

Jeremia 4:13

Ahâk, tikilârpoᴋ nuvujatitut, ᴋamutingillo aksaloalît ullalujaᴋtut; horsingillo sukkalinersauvut naktoralingnit. Kapianarmêk uvagut, asserortaugapta.

Jeremia 6:12

Iglungillo tunijaujomârput assinginut, perorsêvingit nuliangillo ilagivlugit; aggakka issagomârapkit nunab inunginut, Nâlagaᴋ oᴋarpoᴋ.

Jeremia 8:10

Taimaimat nuliangit tunijomavakka takorngartanut, perorsêvingillo sâlagijinginut; ilûnamasiatik, mikinerpâmit anginerpâk tikidlugo, pijomatudlartôngmatta; nalautaijomillo ajoᴋertuijoᴋ tikidlugo nalâgôngitomik piniarmatta.

Jeremia 9:10

Kaᴋᴋat ᴋeajomavakka kajumiutigivlugillo, nergjuteᴋarvillo iviksukatalit naternamêtut oggorijomavlugit, panidlarmatta, apᴋusârtaujungnailutik kimut, nergjutillo nippingit tusaksaujungnaipullônêt; silab tingmiangit nergjutillo ilûnatik ᴋemâsimavut; aularsimavut.

Jeremia 9:16

Siamartitsomavakka inôᴋatigêksuit akornganut, tâpkoalônêt atâtangitalônêt ilitarilaungitanginut; udlartautitsomavakkalo saviksoarmut, nungutsiᴋârtinanga tâpkoninga.

Hesekiel 16:44

Ahâk, ilûnatik oᴋausiovaktunik atortut, oᴋausiovaktoᴋ una atulârpât pivlutit: Sorlo anânaᴋ ingmat, taimak paninga ipoᴋ.

Hesekiel 2:10

Issivipaillo sâmne; aglagviovorlo iluagut ᴋângagullo; tagvanelo ogguarnartut kiksarnartullo ᴋeanartullo aglagutauvut.

Joel 1:13

Kaigitse, poksajanik atisileritse, ogguarluselo, ilipse ajoᴋertuijose; ᴋeadlaritse, ilipse kivgartortose tunerguservingme; ᴋaigitse, poksajanik atisimavluse, inangagitse unnuaᴋ nâvlugo, ilipse kivgartortose Gudimnik; senaugaᴋ tunergutiksaᴋ, tunergutiksarlo imiksaᴋ ᴋaitaujungnairmatta Gudipse iglunganut.

Joel 1:8

Ogguarit uigasuktut poksajamik atisimajotut inôsungnime uiksanga pivlugo.

Amos 5:1

Oᴋausek tamanna tigujara ogguarutigijomavlugo pivluse tusarsiuk, ilipse Israêlib ᴋitorngangit.

Amos 5:17

Perorsêvingnelo vaineliksatalingne tamaine ogguadlartoᴋaromârpok; apᴋutigiluse ingeraromagama, oᴋarpok Nâlegak.

Migga 1:15

Marisame igloᴋartotit, tikiutjijomavunga sulle ilingnut kingormgujijuksamik ilingnik; Israêlib ânanauninga tôᴋtuksauvoᴋ Adullamut.

Migga 1:8

Tamanna pivlugo ogguaromârpunga erinaluaᴋilungalo, annorairlunga usingavlungalo arvertaromârpunga; ᴋingmeujârtotut nujoartotut miagôromârpunga, tingmiaᴋsoatullo ᴋatigarᴋortojotut âlajomârlunga.

Migga 2:10

Nikovigitse aularluselo; tamanna merngoêrserviksaulungimat, ivsornarneᴋ asserorsaijoᴋ pitjutigilugo, ilâ, asserorsainermut sugaluluartomut.

Habakûb 2:6

Tâpkoa ilûnnatik adsiujomik atorniangilât tâmna pivlugo, oᴋausiovaktomiglo mitauteᴋartomik tâmna pivlugo, oᴋarlutik: Kapianarmêk pigingitaminik piᴋangârniartoᴋ! ᴋanoᴋ sivitutigijomîk? Kalerêktitsijorlo satoraksanik ingminut.

Sefania 1:2

Tamaitaksuit nunab ᴋânganêtut nungumarigomârpakka, oᴋarpok Nâlegak.

Numbers 23:18

Imgerutinelo isuᴋsivâ, oᴋarlunelo: Makitit, Bâlak, tusarlutillo: nâlalaunga, Zipporib erninga;

Numbers 23:7

Imgerutinelo issuᴋsivâ, oᴋarlunelo: Aramemit tikiutitipânga Bâlakib, Moabib ataningata, ᴋaᴋᴋanit unanêtunit; ᴋaigit, pivlunga Jakokut ôminarsijauᴋokit, ᴋaigit, Israêlikut oᴋarnilutigikit.

Numbers 24:15

Imgerutinelo isuᴋsivâ, oᴋarlunelo: Bâlaam, Beorib erninga, oᴋarpoᴋ, angutelo, uitajûngnik ijilik, oᴋarpoᴋ:

Numbers 24:3

Imgerutinelo isuᴋsilugo, oᴋarpoᴋ: Bâlaam, Beorib erninga, oᴋarpoᴋ, angutelo, uitajunik ijilik, oᴋarpoᴋ:

Markuse 12:12

Tigunasuaralloarpâllo, (inuille erᴋsigivait) malugigamitsuk, adsuijomut matomunga oᴋautigingmagit; ᴋemaklugolo tâva aularput.

Deuteronomy 28:29

Tapsiᴋâlârpotillo uvlub ᴋeterarningane, sorlo tautungitok tapsikârmat tâᴋtome, piloringniangilatillo apᴋotingne; oᴋumaiksartitautsainalârpotillo aᴋsârtautsainarlutillo, piuliklertuksaᴋarniangilarlo ilingnik.