Migga 2:3 - Labrador Inuttitut Heritage Bible

³ Tamanna pivlugo imâk Nâlegaᴋ oᴋarpoᴋ: Ahâk, ᴋitorngarêngnut ukkununga idluitomik issumaksarsiorpunga, mattomangallo ᴋongesise nûgungnarniangilase, piojoriluselo arvertarniangilase; naliuneᴋ tamanna ajormat.

Migga 2:3 Iomraidhean Croise

Jesaiase 29:20

Attanionerdluktut nungutaukpatta, mittauteᴋartoᴋarungnairpallo, piungitullijullo illũnatik pêjarsimakpatta,

Jesaiase 3:16

Nâlegarlo oᴋarpoᴋ: Zionib panningit piojoridlarmatta pissungmattalo ᴋongasertusârlutik ijingmiklutiglo ablornekidlutiglo ittigamikkullo tajaujat sivanertillugit,

Jesaiase 5:19

Oᴋauseᴋartut imâk: Tuavilune piniasârle, piniaraksaminik takkurᴋovluta, ivlernartitublo Israêlikkune kajusijutigijanga ᴋaglilerle tikkisarailunelo, tukkiserᴋovluta tamattominga.

Jeremia 18:11

Taimaimat, attê, oᴋâlalerit Judamiunut Jerusalemiunullo, oᴋarlutit: Imâk Nâlagaᴋ oᴋarpoᴋ: Ahâk, âᴋiksoivunga idluitomik ilipsingnut, kajusimaneliorlungalo ilipse pivluse; uteritse mâna ilûnase atunit apᴋutipsingnit idluitunit, ilusiselo piniarniselo âᴋiksorlugit.

Jeremia 27:12

Zedekialo, Judab ataninga, oᴋarvigivara oᴋautsit tamakkoa tamaita maliklugit, oᴋarlunga: Kongesise ilisârsigik Babilonib ataningata nangmautinganut, kivgartorlugolo, tâmnalo inuᴋotingillo, inôvluselo.

Jeremia 34:17

Taimaimat imâk oᴋarpoᴋ Nâlagaᴋ: Nâlaksimanginapsinga ᴋaujititsiluse kipalûtjârinermik ilûnase atunit ᴋatangutiminik, ilûnaselo atunit inôᴋatiminik; ahâk, ᴋaujititsivunga ilipsingnik kipalûtjârinermik saviksoarmut, oᴋarpoᴋ Nâlagaᴋ, nusilingnartomullo, kângnartoᴋsoarmullo; egiorᴋartautitsomârpapselo nunaᴋsûb ataniovingita ilûnatik akorngane.

Jeremia 36:23

Pijoᴋarporlo, Jehudib ingmigolingajut pingasut sittamallônêt atuarêramigit, ataniub aglait sêkpait saviarsungmut, egilugillo ikomamut kiaksautemêtomut, immûmajoᴋ ilûnane nungutauᴋârtinago ikomamut kiaksautemêtomut.

Jeremia 43:2

Tagva Asaria, Hosaiab erninga, Johananalo, Kareab erninga, angutillo iktoriktaitut ilûnatik oᴋarput Jeremiamut: Saglovotit, Nâlakab Gudipta tililungilâtit oᴋarᴋovlutit, Egiptenaliartuksaungilase taikane nunaᴋaromavluse;

Jeremia 8:3

Toᴋolo annerijaungâromârpoᴋ inôtsemit ᴋitorngarêt makkoa idluitut amiakunginut, amiakôjunut nunane tamaine ajaktortauvigijangine uvamnut, Nâlagaᴋ Zebaot oᴋarpoᴋ.

Jeremiab Ogguarutigijangit 1:14

Tapatonima nangmautinga ᴋelaksortauvok tâpsoma agganginut; pergaijauvut, ilijauvullo ᴋongesimnut; nukkeᴋarungnaitipânga. Nâlekab pitisimavânga ipkoa sâlagijungnangitama agganginut.

Jeremiab Ogguarutigijangit 2:17

Nâlekab kajusijutigilauktane piniarpâ; oᴋausine, itsaksoarme oᴋautigilauktane, nâmaksitipâ; asseroivok naiperᴋutigosulugane; ômisuktorlo ᴋuviasuktilaukpâ pivlutit, ômigijivît nakjunga ᴋagvertipâ.

Jeremiab Ogguarutigijangit 5:5

Udlartivut kinguniptingnêput ᴋanitaptingne; merngortudlarpogut, merngoerserᴋojaungilagullo.

Daniel 4:37

Mânalo uvanga Nebukadnezar ᴋilaub ataninga nitorpara angijôtilugolo opigilugolo; tâpsoma piniarningit ilûnamatsiatik miksiᴋârtôngmatta, apᴋotingillo idluartoᴋsôngmatta; piojorinimilo arvitartut tâpsoma miklilititsungnarpait.

Amos 2:14

Sukalisôngojorle assiojilârpok sukalinerminik, pitsartujorlo nukkiksainiarungnaipok nukkiminik, sôngojorlo piuliniangilak nangminerminik;

Amos 3:1

Tusarsiuk oᴋausek mânna, Nâlekab oᴋauserijanga ilipsingnut Israêlib ᴋitornganginut, ᴋitorngarêksoarnut tamainut majorartitamnut nunamit Egiptenemit, oᴋarlunga:

Amos 3:2

Ilipse kissipse ᴋitorngarêksoarnit tamainit nuname ilitarijatuarivapse: tamanna pivlugo idluitulinise tamaita akkiniarutigijomavakka ilipsingnut.

Amos 5:13

Tamanna pivlugo silatojok nipangertuksauvok naliutome taimaitome; neliumiongmat idluitok.

Migga 2:1

Kapianarmeᴋ idluituliniksamik issumaksarsiortut idluitomiglo kajusijut inangavingmingne: Uvlâkut ᴋaulerpat piniaromavât, sapilunginamik.

Rômiunut 16:4

Tâpkua niaᴋoêrtautitsomalauᴋpuk inôsera piulijomavlugo, tâpkoa ᴋujagivâkka pitônangale, okpertulletauᴋ ilûnatik nalojunit pijut.

Efêsusemiunut 5:16

Atutsiarlugolo nelliutoᴋ, (angijomik) ajormatta uvlut.

Deuteronomy 28:48

Taimaimat ômigijitit, Nâlekab tililârtangit ilingnut, kivgartoraksarilârpatit, kângnerme, imerungnermelo, usinganermelo, ajoksarnermelo tamainik; nangmautarmiglo kikiangojomik ilijilârpok ᴋongasingnut, nungutsiᴋârtinago ilingnik.

Jâkobusib 2:13

Nâpkigosujuitorle nâpkigosujuitomik erᴋartortaujomârmat; nâpkigosungnerle nertôtivok erᴋartuinermut pijaunane.