Migga 2:10 - Labrador Inuttitut Heritage Bible

¹⁰ Nikovigitse aularluselo; tamanna merngoêrserviksaulungimat, ivsornarneᴋ asserorsaijoᴋ pitjutigilugo, ilâ, asserorsainermut sugaluluartomut.

Migga 2:10 Iomraidhean Croise

I Atannit 9:7

Tagva Israelitit pêjarniarpakka nunamit tunnilauktamnit tapᴋonunga; iglolo ivsornaiviotilauktara atimnut, pêjaromavara kênarma sânganit; Israelitillo oᴋausiovaktungoromârput, oᴋangoarutingorlutiglo inuᴋatigêksoarnut ilûnnainut.

II Atannit 15:29

Pekab Israelitit atanningata nalliuningane, Tiglat Pilesser Assiriamiut atanningat tikkipok, tigulaitalo Hion, Abel, Bethmaecha, Janoha, Kedes, Hazor, Gilead, Galilialo, Naftalikullo nunangat ilunnât, aularutivaillo Assiriamut.

II Atannit 17:6

Hoseablo Jâringita 9 ingane Assiriamiut atanningata Samaria salagivait, Israelitillo aularutivait Assiriamut, nunakartipaillo Halame, Haboremelo Gosanib kôngane, Mederillo iglugasaksoangine.

II Kronika 7:20

Tagva nutsungniarpakka nunaᴋotimnit, tunnilauktamnit tapᴋonunga, iglolo tamna ivsornaiviotilauktara attimnut, eginiarpara kênama sânganit, oᴋausiovaktungortiniarparalo oᴋangoarutingortiniarlugolo innuᴋattigêksuit illunatik akkorngane.

Imgerut 106:38

Auglo passijaksaungitok kovilaukpât, ernimik pannimiglo aungit, tunnergutautilauktamik Kanaanemiut Gûdingoanut, nuna akkiliksannut aungmik ulliktaulaungmat;

Imgerut 95:11

Ningarlunga oᴋamarilaurama: Merngoêrservimnut tikkituksaungilat.

Jeremia 10:18

Imâk Nâlagaᴋ oᴋarmat: Ahâk, naliutome tamattomane nunab inungit illuerearomavakka, siorniortitsomavakkalo, ikpigiᴋovlugit tamattominga.

Jeremia 3:2

Ijikik uitatikik ᴋaᴋᴋanut merᴋoᴋangitunut, takolerlutillo; nane ajortuliviᴋalaungilatît? Utaᴋilugit iksivalauᴋpotit apᴋosinerne, sorlo Arâbiamioᴋ sunaᴋajuitome; nunalo ivsornartipat ajortulinernut idluitulinernullo.

Jeremia 9:19

Nippe ogguadlartoᴋ tusartaungmat Zionemit: Adjai! asserortaumadlarpogut! Sunairudjaudlarpogut, nunab ajaktorpâtigut, iglupta pingujarpâtigut.

Hesekiel 36:17

Inûb erninga, Israêlib ᴋitorngangit nunamingne nunaᴋalaungmatta, nuna ivsornartipât iluserijamingnut piniarnerijamingnullo; iluserijangit sâmne ilingalauᴋput arnab ivsornarningatut neliuneᴋarnermine.

Hesekiel 36:19

Siamartilauᴋpakkalo inôᴋatigêksuit akornganut, siamartilauᴋpullo nunanut: apᴋutingit piniarningillo maliklugit erᴋartulauᴋpakka.

Deuteronomy 12:9

Tikiutilunginapse sulle merngoerserviksamut kingormgutijaksamullo Nâlekab Gûdivît tunijanganut ilingnut.

Deuteronomy 30:18

Kigligiutjivigivapse uvlome nungutaulârapse, uvluse unuksitiniangilase nuname Jordanekut ikârdluse itervigijartortapsingne pigijomavlugo.

Deuteronomy 4:26

ᴋilak nunalo kigligiutjingorᴋovâka ilipsingnut uvlorme tamattomane, mânakut pêjartaudlamarilârapse, nunamit, Jordan ikârdlugo, aivigijapsingnit pigijomavlugo; uvluse tagvane unuksitiniangilase, nungutaumarilârposele.