Migga 1:5 - Labrador Inuttitut Heritage Bible

⁵ Jâkob tapatoninga, Israêliblo ᴋitorngangita idluituliningit, pitjutauvut tamattomunga tamânut. Jâkob tapaninga sunauvâ? Samaria-ungilâᴋ? Jûdablo poᴋtoningit sunauvât? Jerusaleme-ungilât?

Migga 1:5 Iomraidhean Croise

I Atannit 11:7

Taipsomane Salomob poktojok sanavâ Kamos Moabiterit makkojungnartokotingat pivlugo, ᴋakᴋame Jerusalemib nellânetome, Molechelo Amoniterit makkojungnartoᴋotingat pivlugo.

I Atannit 13:32

Pijomârmat, sorlo ᴋaigarsulaungmat Altaremut Bethelemêtomut Nâlekab oᴋausingagut, pôktôjullo iglunginut ilûnnainut, Samariab iglugasaksoanginnêtunut.

I Atannit 16:24

ᴋakᴋarlo Samariamik atelik pissiariva Semeremit Tallentîngnut maggûngnut Silberemik, iglugaselliorlunelo ᴋakᴋab ᴋângane, iglugasaksuillo iglugasalliortane atserarpait ᴋakᴋab inuata Semerib atinga malliklugo Samariamik.

II Kronika 34:3

Attannionime Jaringita 8 ingane nukapiangôvlune sulle pigiarpok atâtagijame Davidib Gudinga ᴋennerlugo, Jaringitalo 12 ingane, pigiarpok Juda Jerusalemelo pêjaivigilugit poktojunik, nappartuniglo Gudingoalingnik, Gudingoaniglo, adsingoaniglo kovimajunik;

II Kronika 34:4

Najutitillugolo Baalit Altaringit asserorpait, adsingoallo ᴋollanêtut nakᴋarpait, nappartullo Gudingoaggit, Gudingoallo, adsingoallo serᴋomipait, sanningortilaitalo, ᴋângasorpaillo taipkoa, tunnergutinik tunnijilauktut tapᴋonunga, illuvingita ᴋânginut.

Jesaiase 7:9

Efraimiblo niaᴋorijaksanga tagva Samâria, Samâriablo niaᴋorijaksanga tagva Remaliab erninga. Soᴋᴋosijuitsangikupse (tattigivlunga), sôngoniangilase.

Jeremia 2:17

Tamanna pitilaungipiûk nangminernût, Nâlagaᴋ Gudit ᴋemakangne tasiornigomajoᴋ ilingnik apᴋomê?

Jeremia 2:19

Idluitulinivît sugialârpâtit, kingupiartornivîllo inertilârpâtit. Taimaimat ᴋaujimalerit tukkisilutillo idluitoᴋsôdlarmat kiksarnarlarmelo Nâlagaᴋ Gudît ᴋemakangne, sivôranarneralo ilingnêngimat, Nâlagaᴋ Nâlagak Zebaot oᴋarpoᴋ.

Jeremia 23:13

Silainermiglo takosimavunga nalautaijune Samâriame; nalautailauᴋput Baalib attingane, inuᴋotikka Israêlikut tamartidlarlugit.

Jeremia 23:14

Maᴋojungnartomiglo takosimagivunga nalautaijune Jerusaleme; assiniarput, arvertarpullo saglonerme, idluitulijullo aggangit pitsartutipait, sâgiartoᴋarᴋonago idluitulinerminit; uvamnut ilûnatik Sodomatut iput, inungillo Gomorratut iput.

Jeremia 4:18

Iluserijatit piniarnitillo tikititsivut tamakkoninga ilingnut; tagga idluitulinerijatit; piungitoᴋsôdlarmatta, ômatingnut ilingangmatta.

Jeremia 5:25

Idluitulinise sangutitsisimavut tâpkoninga ilipsingnit, ajorniselo tikitailititsivut ajungitunik ilipsingnut.

Jeremia 6:19

Igvillo nuna, nâlagit; ahâk, ogguarnartomik tikititsijomavunga inugasaᴋsoarnut ukkununga, issumangita kinguniksanginik, nâlalungimatta oᴋausimnik, naggomattalo perᴋojamnik.

Jeremiab Ogguarutigijangit 5:16

Niaᴋôtik kataksimavut niaᴋuptingnit. Kapianarmêk uvagut! Idluitulidlalaurapta.

Hesekiel 16:46

Angajuit tagva Samaria, saumikpit tungâne nunalik, tâmnalo paningillo; nukaillo, talerpikpit tungâne nunalik, tagva Sodoma paningillo.

Hosea 7:1

Israele, inûlijomagapko, Efraimib idluitoᴋsôninga naipitauvoᴋ, Samariablo ajortoᴋsôninga; saglotiksanik piniarmatta; tigliktorlo itârpoᴋ, arᴋtaijoᴋatigêllo opakput silame.

Amos 6:1

Kapianarmek ilimasungitut Zioneme, terliktullo Samariab ᴋakᴋangane, erᴋanartut inôᴋatigêksuit angajoᴋângit, Israêlib ᴋitorngangita aivigijangit.

Amos 7:9

Israêliblo poᴋtoningit sunairutijomârput, Israêliblo ivsornaitovingit asserortaulârput; saviksoalijarlungalo Jerobeamib ᴋitorngangit pigiaromârpakka.

Amos 8:14

Tâpkoa angermariktut Samariab ajorninga taivlugo, oᴋartut: Sorlo mikseᴋârtomik Gudit inôngmat, Dane; imâglo: Sorlo mikseᴋârtomik ilusiojok Bersabame inôngmat; tâpkoa ilâ oggolârput, makiniarungnailutik.

Migga 1:13

Lakiseme igloᴋartotit, pangaliktut sukalidlartut pitusârkit ᴋamutînut aksaloalingnut; tâmna sivorliovlune Zionib paninga idluitulitilauᴋpâ; Israêlib tapaningit nagvârtaulaungmatta ilingne.