Migga 1:4 - Labrador Inuttitut Heritage Bible

⁴ Kaᴋᴋârsuillo augomârput tâpsoma atâne, naᴋsallo ᴋoplugomârput, sorlo kutsuᴋ aungmat ikomame, sorlo imeᴋ ᴋorlormat aksangajokut.

Migga 1:4 Iomraidhean Croise

Imgerut 46:6

Nallojut perajalukput, attaniovîllo aulavut; nuna auksilerpok tâpsoma nippine tussaktauᴋoguniuk.

Imgerut 68:2

Pêjarkit, sorlo isserluk pêjartaungmat; sorlo igupsaujârtut orksungita tangit auksilermatta ikkomamut, taimak Gûdeᴋangitut nungutaujuksauvut Gûdib sângane.

Imgerut 97:5

ᴋakᴋat auksilerput igupsaujârtut orksungita tangititut, Nâlekab sângane, nunab illunât attannertangata sângane.

Amos 9:5

Nâlekab Gûdib Zebaotib nuna aktormago, aukporlo tagva, tagvanelo nunalit ilûnatik kiksadlalârput; kôksoatullo kutjilârpok; kôkililermivlunelo Egiptenib kôksoangatut;

Nahum 1:5

ᴋaᴋaksuit sajukput sângane, ᴋaᴋallo auksivut; tâpsoma najorningane nuna aulajâdlarpok, ilâ, silaksoak, tamaitalo tagvane ineᴋartut.

Habakûb 3:10

Takolutit ᴋaᴋaksuit ôlikput; imersuit iktulijartut ᴋângerput: itinersûb nipinne anivâ, agganelo ᴋongmuartipait.

Habakûb 3:6

Nangilauᴋpoᴋ nunaᴋsoarlo ôktorpa; taᴋosarpoᴋ, inôᴋatigêksuillo siamartipait; ᴋaᴋaksuillo isoᴋangitomit isoᴋangitomut pijut serᴋalijauvut, ᴋaᴋallo nungusuitut okᴋovut; tâpsoma apᴋotingit soᴋosijuitôvut.

Saggaria 14:4

Itigangillo tungalârput uvlorme tâpsomane ᴋaᴋame orᴋsuktalingme, Jerusalemib kitânêtome, ᴋaᴋarlo orᴋsuktalik ᴋeterᴋamigut ᴋopijomârpok kitâmullo kangimullo, kôroᴋsoaᴋalârporlo; ᴋaᴋablo abvanga avunga nûtsomârpok, abvangalo aunga.

Takotitaunermik 20:11

Iksivautaksoarmiglo ᴋaᴋortamik takogivunga, tâpsomanelo iksivajomik; tâpsoma kênanganit nunalo ᴋilaglo ᴋemâvuk, tâpkungnungalo iniksamik nagvârtoᴋangilak.

Idluarsaijut 5:4

Nâlegak Seiremit annilauktillutit, pitillutillo Edomib naternanganit, tagva nuna sajukpiludlalaukpok, ᴋilak kusidlalaukpok, nuvujallo kusidlalaukput imermik.