Migga 1:11 - Labrador Inuttitut Heritage Bible

¹¹ Kângerit, Safireme igloᴋartotit, usingavlutit kangunadlarlutillo; Saname igloᴋartoᴋ anilungilaᴋ; ogguarnerub Bet-eseleme aᴋsârpâse ikajorninganik.

Migga 1:11 Iomraidhean Croise

Jesaiase 16:2

Tingmiatitullo niviortutitut, auktortamingnit ᴋemâtitaujutitut taimailingajomârput Moabib panningit Arnonib ikârtorvingine.

Jesaiase 20:4

Taimak Assiriamiut attaningata aulartitsomârpait Egiptenemiut tigujaujut Etiopiamiullo aularᴋojaujut, inôsuktullo inutoᴋaujullo, annorâᴋartinnagit ittigaguteᴋartinnagillo, nullungit ussingatillugit, Egiptenemiut kangusûtigijaksangit.

Jeremia 13:22

Omatingnalo oᴋaruvit: Suna pivlugo tamakkoa tikisimavât uvamnût? idluitulinivit unurningit pivlugit annorâtit ᴋongmuartitauvut, kingmitillo aksorornermut usingatitauvlutik.

Jeremia 48:6

Kemâleritse, inôsise piulisigik, paungaᴋutitullo inuᴋangitomêtotut ileritse.

Jeremia 48:9

Moabe tunitjivigisiuk esarungnik, tingilune aularungnarᴋovlugo; iglugasaksoangillo inuêrutjaujomârput inuktaᴋarungnairlutik.

Hesekiel 16:37

Tamanna pivlugo, ahâk, katersoromavakka ajortuliᴋatigijatit tamaita ᴋuviasuluᴋatigijatit, ungagijatillo tamaita ilagilugit; ila, ilingnut katersoromavakka avatingnit tamainit, kangunarnîllo ulêromavara tâpkonunga, takoᴋovlugit kangunarnernik tamainik.

Hesekiel 23:29

Tâpkoalo ômigidlarlutit iliorvigilârpâtit, katersortatillo tamaita tigulârpait, ussingalutillo sunairutilutillo ᴋemalârpâtit: assiniarnivillo kangunarninga, kangunartulinitillo, assiniartitillo saᴋᴋertitaujomârput.

Migga 1:8

Tamanna pivlugo ogguaromârpunga erinaluaᴋilungalo, annorairlunga usingavlungalo arvertaromârpunga; ᴋingmeujârtotut nujoartotut miagôromârpunga, tingmiaᴋsoatullo ᴋatigarᴋortojotut âlajomârlunga.

Nahum 3:5

Ahâk, sâvigijomârpagit, oᴋarpok Nâlegak Zebaot, annorâtit ᴋongmuartitsomârpakka, kênarnut pitilugit; ussinganîllo takojautitsomârpara inôᴋatigêksoarnut, kangunarnîllo atanioviᴋatigêngnut.

Saggaria 14:5

ᴋemâjomârposelo ᴋaᴋaksoama naksangagut; ᴋaᴋaᴋsûb naksanga Azelemut kigleᴋaromârmat; ilâ, ᴋemâjomârpose sorlo ᴋemâlaurapse nunab sajukpiludlarninganit Usiab Jûdab ataningata uvlungine; Nâlegarlo Gudît tikitsomârpok, ivsornaitullo tamaita ilagijomârpatit.

Josua 15:37

Zenan, Hadasa, Migdal-Gad,