Mattêuse 8:26 - Labrador Inuttitut Heritage Bible

²⁶ Tagva oᴋautivait: Ilipse okpernikitose, sôk nangiarᴋisê? Makiporlo, anorelo imarlo inerterpak; ikubliamarilerpok tâva.

Mattêuse 8:26 Iomraidhean Croise

Imgerut 65:7

Imarbiksub iktullijaninginik saimarsaijotit, mallingita iktullijarninginik, innuᴋattigêksuillo perajarludlarninginik.

Imgerut 89:9

Igvit attaniotivotit imarbingmut aulajadlartomut; igvit mallingit saimarpâttit makkitalerangata.

Jesaiase 63:12

(Nanẽᴋâ) Môsesib tallerpiagut ingergatitsijoᴋ tallerminik nertornadlartomik, imaᴋsoarnik aviksijoᴋ taipkoa sânganne, erᴋaumanaromavlune issoᴋangitomut?

Nahum 1:4

Imarbik suakpâ panertilugolo, kôllo ilûnaita ipteriliktipait; Basan Karmelelo ᴋunolerpuk, nuvugulâllo Libanoneme ᴋunolerput.

Habakûb 3:8

Nâlekab kôksuit nakêlijutigilauᴋagît? Ningarnivît kôksuit pilauᴋagît, ningaumajârnivîllônêt imarbingmut tôᴋᴋâ, horseᴋotingne ikimavlutit ingeraravit, ᴋamutîngne piuliklerutinê?

Mattêuse 16:8

Jêsusib tamanna tukisigamiuk, oᴋautivait: Okpernikitose, sôk siaklerutigivisiûk ᴋakᴋôjamik neksanginisê?

Mattêuse 17:20

Jêsusible kiovait oᴋautivlugillo: Okpinginise pivlugo. Âhamarik oᴋautivapse: mustardib karngasûtiksatangatut okperneᴋarupse, ᴋakᴋamut ômunga oᴋatuinariaᴋarpose: Tagvangat nûtit taikunga, nûniarpok tâva, ajugaᴋarniaraselo.

Mattêuse 6:30

Iviksukat naternamêtut, uvlome perortut, ᴋaukpallo kiaksaumut egitaksaujut Gûdib taimâk pinnarnartinamigit, annorârtitsomanersaringilâsê? Okpernikitose tagva!

Mattêuse 8:27

Inuille tataminiarput, oᴋarlutiglo: Kina una angut, anoriblo imablo nâlektangak!

Lukase 4:35

Jêsusiblo inerterpâ oᴋarlune: Oᴋajuêrit, inungmit ômangat anît. Sâtanasiblo tagva ochotipâ akornganut, anilarmelo tâpsomangat, akᴋunarnagolo.

Rômiunut 4:20

Kolalunginame Gûdib angersimaninganik okpinginermut, okpernermele pitsartulerlune Gûde nertorpâ;

Takotitaunermik 10:2

Aglârsungnik makpersimajunik aggangminut tigumiartok itigangminullo talerpingminut imarbik tutivâ, saumingminut nuna tutilugo.