Mattêuse 8:11 - Labrador Inuttitut Heritage Bible

¹¹ Oᴋautivapsele: Inugasaksuit unangat pângallo tikitsomârput, Abrahalo, Isaarlo Jâkolo iksivaᴋatigijomârlugit nâlegauvingme ᴋilangmêtome.

Mattêuse 8:11 Iomraidhean Croise

Genesis 12:3

Illingnik saimausêjut saimauseromavakka, illingniglo oᴋarnerlûtjijut oᴋarnerlûtijomavakka, illikullo kinguvârêt ilûnamatsiatik nuname saimausertaujomârput.

Genesis 22:18

Kinguvâksakkullo inôᴋatigêksuit ilûnamatsiatik nuname saimausertaujomârput, nippiga nâlagangne.

Genesis 28:14

Kinguvâksatillo nunab sanningititut unuktigijomârput, siamaromârpotillo paunga taunungalo avungalo aungallo, illikkullo kinguvâksakullo kinguvârêt nunamêtut ilûnamatsiatik saimausertaujomârput.

Genesis 49:10

Attaniub ajaupianga Judamit pêraksaungilaᴋ, opigijautiksarlônêt ittigangita akornganit, Silo (ullapirᴋsaijoᴋ) tikkilerᴋârtinago; tâmnalo inôᴋatigêksuit nâlegaksarivât.

Imgerut 22:27

Erᴋaijomârput, sâleromârlutiglo Nâlekamut sillaksub issunginêtut, sângnelo tuksiaromârput nallojut kinguvârêngit illunatik.

Imgerut 98:3

Saimarveᴋarnine, mikseᴋârninelo erᴋarpak Israelib iglunga pitjutigellugo. Sillaksub issungita tamaita Gûdipta piuliklerninga takᴋovât.

Jesaiase 11:10

Taipsomane imaitsomârpoᴋ: Isaib amânga, napajotut kattilerutiksaujotut illingavlune nunaᴋatigêksoarnut, apperᴋutaujomârpoᴋ nallojunut, iksivautarijangalo nertornaromârpoᴋ.

Jesaiase 49:12

Ahâk, ukkoa ungasiktomit tikkitsomârput; ahâglo, ukkoa avangat imarbingmillo, ukkoalo Sinît nunangannit.

Jesaiase 49:6

Oᴋarporlo: Nãmangilaᴋ, kivgarigapkit kinguvarêt Jâkokkut makkitillugit torᴋortaumajullo Israêlikkunit uttertingmivlugit, ᴋaumaksaijungortipagittauᴋ nallojunut, piuliklerutigivlutit sillaᴋsûb kiglinganut.

Jesaiase 52:10

Nâlekab talline ivlernartoᴋ saᴋᴋertipâ, nallojut illũnamatsiatik tautuktillugit; sillaᴋsûblo issungit illũnatik Gûdipta piuliklerninganik takovut.

Jesaiase 59:19

Nâlekab attinga opigijaurᴋovlugo seᴋinerub nippivianit nertornarningalo nuivianit, kappianartut tikkilermatta kôksoatut, Nâlekab anerninganut aulatitaumajotut.

Jeremia 16:19

Nâlagaᴋ, sôngonerijara, serngnigijauviksaralo, ᴋemâvigijaralo kapiasungnima uvlungane, ilingnut inôᴋatigêksuit silaᴋsûb issunginit tikituksaulârput, oᴋarlutik: Atâtagilauᴋtavut kingormgutijatuaᴋalauᴋput saglonernik, ila, suksaungitunik, pingniglo idluarᴋutiksaulaungitunik.

Daniel 2:44

Atanillo tâpkoa uvlungini ᴋilaub Gûdingata ataniovik âᴋiksoromârpâ, issoᴋangitomut aglât assirortauniatsangitoᴋ, nâligauvioningalo inungita assinginut nûtuksautsangilaᴋ; siᴋalitsilârporli nungutsilunilo ataniovingnik makkoninga tamainik, issoᴋangitomulli itsainaromârpoᴋ.

Mâlaki 1:11

Tagva seᴋerngûb nuivianit nipivia tikidlugo attera angijôniarpoᴋ nelojut akorngane; ininelo tamaine tipigiksaivut attera pivlugo, nerᴋiksaniglo tunerguserput ivsornaitunik; attera angijôdlarmat nelojut akorngane, oᴋarpoᴋ Nâlegaᴋ Zebaot.

Mattêuse 21:41

Kiovât: Idluitulijoksuit ukkua toᴋoniarpait, perorsêvinalo perorsêvilerijut assinginut, paunganik ᴋaitsiniartunut, inerviat naliutikpat, pimajauᴋojomârpâ.

Mattêuse 24:31

Engelinalo tilijomârpait tiptulautilijartut nipperᴋortojunik; anerijangillo katitilugit anorenit sitamanit, ᴋilaub issuanit issuanut.

Mattêuse 3:2

Oᴋarlunalo: ᴋaᴋialeritse, nâlegauvik ᴋilangmêtok ᴋanitomut tikisimangmat.

Mattêuse 8:10

Jêsusible tamanna tussaramiuk, tataminiarivâ, maliktinalo oᴋautivait: Âhamarik oᴋaupapse, taimâk angitigijomik okpernermik nagvâlaungilanga Israêlitine.

Lukase 12:37

Kivgat taimaitut piloridlarput, Nâlekab tikipagit, pigârtut. Âhamarik oᴋaupapse: nerrimârvingme iksivaᴋojomârpait, sailitserlunelo, nangminerlo kivgartoromarpait.

Lukase 16:22

Aklujorlo toᴋungmat, Engelit âpât Abrahab sânganut. Akluitorle toᴋogivok, iluvertauvorlo.

Apostelit Piniarningit 10:45

Okpertullo kipimajut, Pêtruse ilagilugo tikilauktut, tataminiarput, Anernerub ajunginerub tunergutâ nalojunuttaukᴋ kovijaungmat.

Apostelit Piniarningit 11:18

Tamanna tusaramitsuk nipangerput, Gûdelo nertorpât, oᴋarlutiglo: Tagva Gûdib nalojuttauk tunitgivigilaukpait isumatârnermik inôtsemut.

Apostelit Piniarningit 14:22

Ilinniartut tarningit nakoᴋsitipait, kaiblalaitalo okpernermik sorairᴋonagit, kappianartullo unuktut atorlugit Gûdib nâlegauvinganut pijuksaugapta.

Apostelit Piniarningit 14:27

Tagvungale pigamik, ilagêktut katersorᴋolerpait, unipkârlutiglo Gûdib piniarnersoanganik tâpkungnûna, ᴋanorlo nalojunut okpernerub upkuanga angmartilaungmago.

I Korintemiunut 15:20

Mânale Kristûse toᴋungajunit makisimavok, sivorlerpângovorlo sinisimajut akornganit.

I Korintemiunut 6:9

ᴋaujimangilaselônêt, idluangitut Gûdib nâlegauvinga kingormgutiniangimatsûk? Uivêrijauniarase; ajortulijullônêt, Gûdeungituniglônêt kivgartortut, nuliarêngnermiglônêt asseroijut, ikliguktullônêt, nukapitjaniglônêt uivêriklertut,

Efêsusemiunut 3:6

Tamadja, nalojut kingormgujeᴋataungmatta timeᴋataularmiglo, illangiuteᴋataularmiglo angersimaninganik Kristuseme, oᴋautsitigut tussarnertutigut,

Kolossamiunut 3:11

Tamattomane pitsangilat Grîᴋillo, Jûdillo, kipimajullo, kipimangitullo, Grîᴋiungitullo, Skitillo, kivgallo, kivgaungitullo: Kristûsele tamaitaksoarnik tamaine pitôvok.

II Tessalônikamiunut 1:5

Tamanna nalunaikutauvoᴋ, Gûde idluartomik erᴋartuijomârmat, ilipselo Gûdib nâlegauvinganut âniatitaujutigijapsingnut (iterungnarluse) sapingititaujomârapse.

Takotitaunermik 7:6

Asserib kinguvânginit 12,000 it naᴋitjutisimajut; Naftalib kinguvânginit 12,000 it naᴋitjutisimajut; Manassib kinguvânginit 12,000 it naᴋitjutisimajut;