Mattêuse 7:5 - Labrador Inuttitut Heritage Bible

⁵ Takkormôrtotit, ikâk ijingnit pêrᴋâruk; kingorngagut ᴋatangutivit sukkiutâ pêrasuaruk.

Mattêuse 7:5 Iomraidhean Croise

Mattêuse 22:18

Jêsusible pingitsertorningit tukkisileramigit, oᴋautivait: Takkormôrtose, sôk ôktorpisingâ?

Mattêuse 7:3

ᴋatangutivit ijingata sukkiutâ sôk takoviûk, ikak ijingnêtok maluginagô?

Mattêuse 7:4

ᴋanorlo ᴋatangutit oᴋautsomaviûk: Ovatsiaro, sukkiut ijingnit pêromavara? Ahâglo, ikâk ijingnêpok.

Mattêuse 7:6

Ivsornaitok tunijaksaringilase ᴋingminut, sappangaselo egitaksaringilase kuingênginut; itigamingnut tullerajarlugit, sangulutiglo aliktoriarluse perᴋonagit.

Lukase 12:56

Takkormôrtose, nunalo ᴋilaglo ᴋanoeniarmangângnik ilisimavase; sôkle neliutok tamanna ilisimangipisiûk?

Lukase 13:15

Tagva Nâlekab kiovâ oᴋarlune: Takkormôrtotit, ilipse tamapse tuktuvaᴋotise, siuterᴋortojullo pitûdjârpangilasê nerᴋevinginit, aluktitsartorlugillo sabbatemê?

Lukase 4:23

Oᴋautivaillo: Oᴋausiovaktomik oᴋautiniaralloarpapsinga imaitomik: “Inûliklerte, ilingnik piulidlarit.” Angijunik Kapernaume tatamnartitarnik tussaumalaurapta, taimailiorit ovanetauk inugoijauvingne.

Lukase 6:42

ᴋanorlo ᴋatangutingnut oᴋarungnarᴋêt: Ovatsiaro, ᴋatangutiga, sukkiut ijingnit pêromavara; igvillo nangminek ikâk ijingnêtok malugingipiûk? Takkormôrtotit, ikâk ijingnit pêrᴋâruk; kingorngagut ᴋatangutivît sukkiutâ pêrasuaruk!

Apostelit Piniarningit 19:15

Anernerle ajortoᴋ kiovok oᴋarlunelo: Jêsuse ilitarivara, Pauluselo nalunginivara; ilipsele kinauvisê?