Mattêuse 7:21 - Labrador Inuttitut Heritage Bible

²¹ Ilûnatiungitok uvamnut oᴋartut: Nâlegak, Nâlegak! Nâlegauvingmut ᴋilangmêtomut iterniarput, Atâtamale ᴋilangmêtub perᴋojanginik nâlektut kissimik.

Mattêuse 7:21 Iomraidhean Croise

Mattêuse 12:50

Atâtama ᴋilangmêtub pijomajanganik maliktok, tâmna nukarivara, najagivaralo, anânagivaralo.

Mattêuse 16:17

Jêsusiblo kiovâ oᴋautivlugolo: Pilorikpotit, Sîmon, Jônasib erninga; uvingub aublônêt mattominga nalojungnaitingilâtit, Atâtamale ᴋilangmêtub.

Mattêuse 18:10

Kamatsialeritse, makkoarârsuit ilangat nachoginasiuk! Oᴋaupapsele: Engelingita ᴋilangmêtut Atâtama ᴋilangmiub kênanga takotsainarpât.

Mattêuse 18:19

Ama oᴋautivapse: Maggûk nuname illagêkunik, sumiglônêt tuksiaromavlutik, pijomajatik pilârpâk Atâtamnit ᴋilangmêtomit.

Mattêuse 18:3

Oᴋarlunalo: Âhamarik, oᴋautivapse: Uteromangikupse, nutakᴋatitun-ingikupse, nâlegauvingmut ᴋilangmêtomut pijomângilase.

Mattêuse 18:35

Taimâktauk Atâtama ᴋilangmiub pijomârivâse, ômatipsingne ᴋatangutipse tammarningit issumagijungnainiangikupsigik.

Mattêuse 19:24

Ama oᴋautivapse: Ajornanginarsauvok nergjutsoak kamêle merᴋutib ijingagut pilune, akluitub iterniarninganit Gûdib nâlegauvianut.

Mattêuse 25:10

Pisiniariartortilugillo, uiksak tikipok: opalungairsimajullo iterᴋatigivât nerrimâᴋatiginiardlugo; upkuarlo parngnanairtauvoᴋ tâva.

Mattêuse 25:21

Tagva ataningata oᴋautivâ; Nâmagivagit, issumagiktotit nertornartotillo kivgak, ikitunik nertornardlutit atulauravit; pimajingortitsomavagit unuktunik: Nâlekavît ᴋuvianarninganut iterit!

Mattêuse 26:39

ᴋanitomullo aivok, pâmakterlunalo tuksiarpok, oᴋarlunalo: Atâtak, ajornangipat, ermgusiarsuk una pêrle uvamnit; pijomajaraungitorle, pijomajat pile.

Mattêuse 26:42

Aipanganik ama tuksiariartorpok, oᴋarlunalo: Atâtak, ajornarpat, ermgusiârsuk pêrlugo uvamnit, imingikupko, tagva pijomajat pile.

Markuse 3:35

Gûdible perᴋojanganik maliktoᴋ nukarivara, najagivaralo, anânagivaralo.

Markuse 9:47

Ijivîllo sinaungatikpatit, pêruk egidlugolo. Ilingnut ajunginersauvoᴋ, igluinarmik ijeᴋarlutit Gûdib nâlegauvinganut iteruvit, maggûngnik ijeᴋarnernit, âniatitsiviublo ikomanganut egitaunernit.

Lukase 11:28

Kiovâle: Ila, piloridlarput Gûdib oᴋausinginik tussartut torᴋorlugillo.

Lukase 13:25

Taimangat, iglub inuata nikovidlune upkuak parngnanairpago, tagva ilipse silatâne nangernialerivose, avilortarluselo upkuamut, oᴋarluselo: Nâlegak, upkuêrutitigut! Kiojomârpâsele oᴋautivluse: Nakit pingmangâpse, ilitaringilapse.

Lukase 18:25

Ajornanginersauvok Kamêle merᴋutib ijingagut pilune, akluitub iterniarninganit Gûdib nâlegauvinganut.

Lukase 6:46

Sôk Nâlekamik, Nâlekamik taivisingâ, nâlengnagillo oᴋausikkâ?

Johannese 14:7

Ilitarigupsinga, Atâtaga ilitarinajarivase. Mânamillo ilitarivase takolaukpaselo.

Johannese 15:23

Uvamnik ômisuktub Atâtaga ômigigivâ.

Johannese 3:5

Jêsusib kiovâ: Âhamarik, âhamarik oᴋaupâgit: Erniangongitok imermut Anernermullo, Gûdib nâlegauvinganut pijungnangilak.

Johannese 5:17

Jêsusible kiovait: Atâtaga mânamut tikidlune piniarpok uvangalo piniarivunga.

Johannese 6:40

Tamadjale tâpsoma tilijima pijomajanga, Erninganik takojok okperivlugolo nungusuitomik inôguteᴋarᴋovlugo; uvangalo ômartitsomârpara uvlut naggatiksangane.

Johannese 7:17

Tâpsoma pijomajanganik piniaromajoᴋarpat, tukkisiniarpoᴋ, ajoᴋertûseᴋ tamanna Gûdemit pingmangât, ubvalo uvamnik oᴋâlamangârma.

Apostelit Piniarningit 14:22

Ilinniartut tarningit nakoᴋsitipait, kaiblalaitalo okpernermik sorairᴋonagit, kappianartullo unuktut atorlugit Gûdib nâlegauvinganut pijuksaugapta.

Rômiunut 12:2

Silaᴋsûblo tamattoma inungit adsiginiarasigik, ablatsauleritsele issumapsigut nutângordluse; nautsertorᴋovluse, sunaungmangât Gûdib pijomajanga ajungitoᴋ ᴋuviagijaujorlo nâmamariktorlo.

Rômiunut 2:13

(Perᴋojanik tussatuinartut idluangimatta Gûdeme; perᴋojanigle maliktut idluarsititaujomârput.

Efêsusemiunut 6:6

Kivgartorneᴋ inuit takoane, inungnut idluarijaujomavluse, pinago; Kristusible kivgangititut pititse, ômamut Gûdib pijomajanga nâleklugo, ᴋunutuidluse.

Kolossamiunut 4:12

Salutipâse Epafrasib, ilapse ilangata, Kristûsib kivgangata; tâmna ilungertordlune tuksiatsainarpoᴋ pivluse, nâmakserᴋovluse aulajungnangerdluse ilumertauᴋovluselo Gûdib pijomajanginik tamainik.

I Tessalônikamiunut 4:3

Tamadja Gûdib pijomajanga: ivjornaituksaunise, assiniarneᴋ ulloreagivlugo.

I Tessalônikamiunut 5:18

Tamainik ᴋujalititse: tamadja Gûdib pijomajanga ilipsingnut Kristûse Jêsuseme.

Titusemut 1:16

Gûde illitarivlugo oᴋarput, piniarnermingnulle missiarutigivât; Gûdemut makᴋojungnaramik, tapatojoᴋsôlarmiglo, sappertoksôvut ajungitulinernut tamainut.

Ebrêerinut 13:21

Tâpsoma idluarsarlise, ilûnâne ajungitulijungnarᴋovluse perᴋojangit piniarlugit, senalunelo ilupsingne ᴋuviagijaminik, Jêsuse Kristusikut; tâmna nâlengnarsile issoᴋangitomit issoᴋangitomut. Amen.

Ebrêerinut 4:6

Neliuniksame sulle tamattomunga itertuksaᴋarmat, taipkoalo tamattominga oᴋautjauᴋârtut iterᴋojaungimatta, okpinginingat pivlugo:

Jâkobusib 1:22

Oᴋauserle nâletsiarsiuk, tussatuinarlugo pinase, taimailiornermut nangminipsingnik uivêrigapse.

I Pêtrusib 2:15

Tamadja Gûdib pijomajanga, ilipse ajungitulinermut oᴋausiksairotitserᴋovluse inuit silaitut nelojoᴋsôninginik.

I Pêtrusib 4:2

Kingorngane inôniarnermine sulle uviningme, inuit ikliguninginu-ungitoᴋ, Gûdible pijomajanganut inôniarlune.

Takotitaunermik 2:27

Mianeriniarpaillo ajaupiamut kikiangmut, machaliortiblo iluleᴋutingititut serᴋomitsomârpait, sôrlo uvangatauk Atâtamnut perᴋojaugama;

Takotitaunermik 22:14

Piloridlarput perᴋojanginik nâlektut, pitsartuneᴋarᴋovlugit napârtomut ômanartomut, itertarvikullo iterᴋovlugit iglogasaksoarnut.

Takotitaunermik 3:5

Sâlaᴋartok ᴋaᴋortanik annôrârtitauniarpok, atingalo pêrniangilara aglangnit ômanartunit, atingalo oᴋautigijomavara Atâtamnut Engelinginullo.