Mattêuse 7:14 - Labrador Inuttitut Heritage Bible

¹⁴ Iterviglo nerrokipok, apᴋosinerlo amipok, inôgumut sangmijok, ikitullo nagvârpât.

Mattêuse 7:14 Iomraidhean Croise

Imgerut 16:11

Igvit innôtsib apᴋosininganik nallojungnaitiparma; ᴋuviasungneᴋadlarpok arklingnartomik kênavit sângane, illiorneᴋalunelo inerᴋonartomik tallerpit sanniane issoᴋangitomut.

Salomob Okâl 8:20

Arvertarpunga apᴋome idluartome, idluarnerub apᴋosiningita ᴋerᴋâne.

Jesaiase 30:21

Siutîkiglo tussaromârpuk oᴋauseᴋartomik tunnungnit imâk: Apᴋutiksaᴋ tagga; tâmna attorsiuk! — tallerpiata tungânut saumiatalõnêt tungânut pilerangapse.

Jesaiase 35:8

Tagvanelo apᴋosineᴋaromârpoᴋ apᴋutiksamik. Apᴋomik ivsornaitomik taijaujomârpoᴋ taimna. Ivsornartomut pissugviksaungilaᴋ, taipkonungale attoraksaujomârpoᴋ. Ingergajut tagvûna, sillaitut aglât tammaromângilat.

Jesaiase 57:14

Oᴋartoᴋaromârporlo: Apᴋosinelioritse, apᴋosinelioritse, apᴋut âᴋiksorsiuk, agviarutiksat tamaita inuᴋotima apᴋutigijaksanginit pêjarsigik.

Jeremia 6:16

Imâk Nâlagaᴋ oᴋarpoᴋ: Nangeriartoritse apᴋosinerne, takonârluselo, apᴋosineolauᴋtullo apertsûtigilugit, apᴋutit naliat idluarnerpaumangât, tâpsomanalo arvertaritse, merngoerserviksarsilârpose tagva tarnipsingnut; tâpkoale oᴋarput: Tâpsomane arvertaromangilagut.

Mattêuse 20:16

Taimâk kingorlît sivorliojomârput, sivorlîllo kingorliojomârput. ᴋaiᴋojaujut unudlarmatta, anerimajulle ikidlarput.

Mattêuse 22:14

ᴋaiᴋojaumajut unudlarmatta, anerimajulle ikiput.

Mattêuse 7:13

Itervikitokut iteritse. Itervik nerrotongmat, apᴋosinerlo silingmat, asserorsimanermut sangmijok; unuktoᴋsuillo tamanna atorpât.

Mattêuse 7:15

Ulloreasugitse nalautainerluktunik; taipkoa saugat aminginik annorâᴋardlutik tikipâse; ilumikulle amarôvut kêsuktoksuit.

Markuse 8:34

Inuillo illiniartinelo ᴋaiᴋovait ingminut, oᴋautivlugit: Uvamnik maligomajoᴋ issumaminik piniarane, seningajoliksaminik (kappiasûtiksaminiglônêt) nangmarle maliklungalo.

Lukase 12:32

Erᴋsiniarase, ilagêktuarsuit: Atâtapse idluaringmago tunitsivigivluse nâlegauvingminik.

Johannese 16:2

Ilagêngnermingnit avitsomârpâse. Neliutijomârporle toᴋotsijut ilipsingnik isumaᴋarvingat, tamattomunga Gûde kivgartorasugilugo.

Johannese 16:33

Tamattominga oᴋautilaukpapse, ulapirsauteᴋarᴋovluse uvamne. Silaksoarme kappiasungneᴋarpose; manigoritsele, silaksoak sâlagivara.

Apostelit Piniarningit 14:22

Ilinniartut tarningit nakoᴋsitipait, kaiblalaitalo okpernermik sorairᴋonagit, kappianartullo unuktut atorlugit Gûdib nâlegauvinganut pijuksaugapta.

Rômiunut 12:2

Silaᴋsûblo tamattoma inungit adsiginiarasigik, ablatsauleritsele issumapsigut nutângordluse; nautsertorᴋovluse, sunaungmangât Gûdib pijomajanga ajungitoᴋ ᴋuviagijaujorlo nâmamariktorlo.

Rômiunut 9:32

Sôᴋ? Okpernermut pinasualaunginamik, perᴋojalle piniarᴋojangit pitjutigigamigit. Ujarᴋamut aporvingmut aporamik.