Mattêuse 6:9 - Labrador Inuttitut Heritage Bible

⁹ Taimâk pivlugo imâk tuksiaritse: Atâtavut ᴋilangme! Attît nertortaule.

Mattêuse 6:9 Iomraidhean Croise

II Samuel 7:26

Tagva attit angijororniarpok issoᴋangitomut, oᴋartoᴋaromârᴋovlugo: Nalegak Zebaoth Gudeôvok Israelitinut. Kivgavillo Davidib iglunga soᴋᴋosijuijomârpok sângne.

I Atannit 8:43

Tagva igvit tusarit ᴋillangme inneme, innigijarne, pinniarlutillo tamainik takkorngartab nipliarutigijanganik illingnut; inuᴋatigêksuit nunametut ilûnnatik illitarksilerᴋovlugit aternik, sivoraᴋovlugittauk illingnik, inuᴋotititut Israelititut, tukkisilerᴋovlugillo atit malliklugo iglo tamânna igloliolauktara taijaungmat.

I Kronika 17:24

Ilâ mikesᴋârlit, attit angijororᴋovlugo isoᴋangitomut, oᴋartoᴋarᴋovlugo: Nalegak Zebaoth, Israelib Gûdinga Gûdeôvok Israelitinut, kivgavillo Davidib iglunga soᴋosijuile sângne.

II Kronika 20:6

Oᴋarlunelo: Nalegak atâtagijapta Gudingat, igvit Gudeungilatît ᴋillangme, aulatsijolungilatîllo innuᴋattigêksuit illunamasiatik attanniovingine? Aggangnelo pitsartuneᴋarpok sôngoneᴋarlunelo, kialonêllo akkerartorungnangilâtit.

Nehemia 9:5

Levitillo Jesua, Kadmiello, Banilo, Hasabenjalo, Serebjalo, Hodjalo, Sebanjalo, Petatjalo oᴋarput: Nikovititse, Nâlegarlo Gûdise nertorsiuk issoᴋangitomit issoᴋangitomut! Atillo ânanaudlartok, anginersaujok nertordlerutiksanit, nakosarnernillo tamainit, nertortaule!

Imgerut 111:9

Piuliklernek tillikliutivâ innuᴋotiminut; angerpok angersimaninga îtsainartuksaungmat issoᴋangitomut, Attinga ivsornaitoksôvok, opinartoksôlarmelo.

Imgerut 115:3

Gûdivulle ᴋillangmêpok; pingortitsijungnarpok issumagijaminik.

Imgerut 72:18

Nertortaule Gûde Nâlegak Israelib Gûdinga, tattamnartullitotôjok!

Jesaiase 37:20

Mãnale, Nâlegaᴋ Gûdivut, piulilauᴋtigut agganginit, attaniovît nunamẽtut illũnamatsiatik illitarsilerᴋovlugit, igvit kissivit Gûdetôgavit.

Jesaiase 57:15

Kotsiktomẽtoᴋ Nâlegaviksôjorlo, soᴋosijuitomik inneᴋartoᴋ, atteᴋartorlo ivsornaitoᴋsôjomik imâk oᴋarmat: Kotsiktome ivsornaitovingmelo inneᴋarpunga, taimaktauᴋ õmateᴋartune serᴋomisimajunik nallopᴋotijuniglo, nallopᴋotijut anerningat nakoᴋsititsomavlugo serᴋomisimajullo ômatingat nakoᴋsititsomavlugo.

Jesaiase 6:3

Kaigarsuvigijigêkpullo oᴋarlutik: Ivlernarpoᴋ, ivlernarpoᴋ, ivlernarpoᴋ ᴋilangmiugasaksuit Nâlegangat; nunat illũnatik illumertauvut tâpsoma nertornarninganik.

Jesaiase 63:16

Sullele igvit atâtagivaptigit; Abrahable ᴋaujimangilâtigut, Israêliblo illitaringilâtigut; igville, Nâlegaᴋ, atâtagivaptigit; piulijiptingnik — taimak atteᴋarpotit itsaᴋsoarnit.

Jesaiase 64:8

Mãnale, Nâlegaᴋ, igvit atâtagivaptigit; uvagut machauvogut, igvit machaliortigivaptigit; tamapta aggangnut sanajaumavogut.

Jesaiase 66:1

Nalegak oᴋarpoᴋ imâk: Kilak iksivautarivara, nunalo ittikkama ikkovrarivât; sunamik uvamnut iglolioromavisê. sunamiglo innilangaviksamnik?

Hesekiel 36:23

Ivsornaititsomârparalo atera angijoᴋ, inôᴋatigêksoarne ivsornartitaulauᴋtoᴋ, ilipse ivsornartilauᴋtase tâpkoa akorngane; inôᴋatigêksuillo ᴋaujijuksaulârput uvangaugama Nâlegaᴋ, oᴋarpoᴋ Nâlegaᴋ Nâlegaujoᴋ, ivsornaititauguma ilipsingne tâpkoa ijingita sângine.

Hesekiel 38:23

Angijôtidlaromârpungalo ivsornaitilungalo, uvamniglo ᴋaujijautitsomârpunga inôᴋatigêksuit unuktut ijingita sângine; ᴋaujijuksaulârpullo uvangaugama Nâlegaᴋ.

Leviticus 10:3

Mosesiblo Aron oᴋautivâ: Tamadja ila Nâlekab oᴋautigilauktanga, oᴋarlune: Ivsornaititaujomavunga uvamnik najorniktunut, inuillo ilûnatik sângane ânanausijaujomavunga. Aronalo niplingilak.

Habakûb 2:14

Nunaᴋsoaᴋ tatatsomârmat ilitarᴋsinermik Nâlekab opinartoᴋsôninganik, sôrlo imaᴋsuit imarbik ulingmatsuk.

Saggaria 14:9

Nâlegarlo ataniojomârpok nunamut tamaitaᴋsoarmut; uvlorme tâpsomane Nâlegak atausiojomârpok, atingalo atausiojomârpok.

Mâlaki 1:11

Tagva seᴋerngûb nuivianit nipivia tikidlugo attera angijôniarpoᴋ nelojut akorngane; ininelo tamaine tipigiksaivut attera pivlugo, nerᴋiksaniglo tunerguserput ivsornaitunik; attera angijôdlarmat nelojut akorngane, oᴋarpoᴋ Nâlegaᴋ Zebaot.

Mattêuse 10:29

Kutsertak maggûk kênaujârsungmik atautsemik akkeᴋarpangilâk? Ukkoa ilangallônêt nunamut katangniangilak, Atâtapse perᴋungipago.

Mattêuse 23:9

Kinamiglo atâtamik taisijuksaungilase nuname: atausek atâtagigapsiuk, ᴋilangmêtok.

Mattêuse 26:29

Oᴋaupapse: Mattoma kingorngagut imerniarungnairpunga ôminga napârtub vaineliksab iptinganik, uvlok tâmna naliuterᴋârtinago, nutâmik imileromârupko illagivluse Atâtama nâlegauviane.

Mattêuse 26:42

Aipanganik ama tuksiariartorpok, oᴋarlunalo: Atâtak, ajornarpat, ermgusiârsuk pêrlugo uvamnit, imingikupko, tagva pijomajat pile.

Mattêuse 5:16

Taimâktauk nannergoase ᴋaumatisiuk inungnut, ajungitulinipsingnik takoᴋovlugit, Atâtase ᴋilangmêtok nakorijauᴋovlugo.

Mattêuse 5:48

Tamanna pivlugo nâmaksileritse, sorlo Atâtase ᴋilangmêtok nâmamaringmat.

Mattêuse 6:14

Inuit idluituliningit issumagijungnairupsigik, Atâtapsetauk issumagijungnainiarivait idluitulinise.

Mattêuse 6:6

Igville tuksiaromaguvit, iglungnut iterit, upkuangalo parngnanairlugo, Atâtallo sagvangitome tuksiarvigiuk. Atâtavillo, sagvangitomik tautuktub, akkileromârpâtit sagvartome.

Mattêuse 7:11

Ilipsele, piungitôgalloartose, ᴋitorngase tuntijivigijungnarapsigik tunergutinik ajungitunik, anginersamik ilâ Atâtapse ᴋilangmêtub tuksiartine tunitjiviginiarpait ajungitunik.

Lukase 15:18

Parngnaileromavunga, atâtamnullo aijomavlunga oᴋautivlugolo: Atâtak, idluitulilaukpunga Gûdemut ᴋilangmêtomut ilingnullo,

Lukase 15:21

Erningatale oᴋautivâ: Atâtak, idluitulilaukpunga Gûdemut ᴋilangmêtomut ilingnullo; mattoma kingorngane ernernik taijaunermik nelopᴋotivunga.

Lukase 2:14

Gûde ᴋotsingnermêtok nakoridlartaule, ullapirsauteᴋarle nuname, inungnelo ᴋuvianartoᴋarle!

Johannese 20:17

Jêsusib oᴋautivâ: Aktorniarnanga, takpaungarsimanginama sule Atâtamnut. Ailerille ᴋatangutimnut oᴋautilugillo: Takpaungarniarpunga Atâtamnut Atâtapsingnullo, Gûdimnut Gûdipsingnullo.

Rômiunut 1:7

Rômamêtunut tamainut, Gûdib nagligijanginut ivjornaitunullo ᴋaiᴋojaumajunut: Gûdib Atâtapta Nâlekablo Jêsusib Kristusib saimarsautingata ulapirsautingatalo illagilisetôᴋ!

Rômiunut 8:15

Kivgaujotut anerneᴋartitaunginapse, ama sivôrariaᴋarluse, ᴋitorngaujotulle Anernermik tunitsiviovose, tapsomûna nipliavogut: Abba, Atâtak!

Galâtsiamiunut 1:1

Pauluse Aposteliotitaujoᴋ (inungni-ungitoᴋ, inungnu-ungitorlônêt, Jêsuse Kristusemulle Gûdemullo Atâtamut, tâpsominga tupaktitsijomut toᴋungajunit;)

Galâtsiamiunut 4:6

Kitorngaugapsele, Gûdib Ernerme Anerninga ômatipsingnut pitipâ, tâmna nipliajoᴋ: Abba Atâtak!

I Timôteusemut 6:16

Toᴋosuitotôjok tâmna, ᴋaumajome tikiviksaujungnangitomêtok; inûb atautsiblônêt takolaungitanga takojungnangitangalo, tâmna nertortaunermik pile nâlegauvingmiglo issoᴋangitomik! Amen.

I Pêtrusib 1:17

Atâtalo nipliavigigapsiuk, inungnik adsigêngititsinane erᴋartuijoᴋ, ilûnainigle piniarningit maliklugit, tagva arvertaritse kuksasukluse nunamênipsingne.

Takotitaunermik 4:11

Nâlegak, igvit nelopᴋotingivitôjotit pigilugit nertornarnerlo nâlengnarnerlo pitsartunerlo; igvit tamaitaᴋsuit pingortilaurangne; igvillo perᴋogangne, ilerput pingortisimavlutiglo.

Takotitaunermik 5:12

Nippersoarmullo oᴋarput: Saugârsuk toᴋotaujok nelopᴋotingivitôjok pigivlugit pitsartunerlo, akluinerlo, silatunerlo, sôngonerlo, nâlengnarnerlo, nertornarnerlo, nakorijaunerlo.