Mattêuse 6:5 - Labrador Inuttitut Heritage Bible

⁵ Tuksiaruvit, takkormôrtutitun-ituksaungilatit. Taipkoa nangerput tuksiarlutiglo katimavingne, iglullo sângane, tautuktaujomavlutik inungnut. Âhamarik, oᴋautivapse: Akkilertaujarêrput.

Mattêuse 6:5 Iomraidhean Croise

Imgerut 5:2

Niplianera tussalauruk, attanîk, Gudîklo! sângne tuksiaromagama.

Imgerut 55:17

Unnuktillugo uvlangotillugolo ᴋetterartillugolo ârusugomavunga ᴋêajomalungalo; tagva nippiga tussarniarpâ.

Salomob Okâl 15:8

Gûdeᴋangitut tûnnergutingit Nâlekab makkojugivait, idluitailijulle tuksiarningit ᴋuviagivait.

Salomob Okâl 16:5

Omat piojorijok Nâlekab makkojugiva, pitlartautailiniangilarlo, taimaitut ilûnatik ilagêlerpattalonêt.

Jesaiase 1:15

Aggaselo uvamnut issagalloarapsigik, kênara ijerpara illipsingnut; tuksiaᴋattaralloarapse, tussangilapse, aggase auliksôngmatta.

Jeremia 29:12

Nipliavigijomârpapsingalo, tuksiarvigijartorniarpapsingalo, uvangalo tusaromârpapse.

Daniel 6:10

Danielilo ᴋaujilirami aglait nalonaikusitauninginik, majuarpoᴋ iglominut, (igalângit taima iglominêtut Jerusalimut sângajut upkoêrput) siᴋortorporlo pingasuitorluni uvloinaᴋ, tuksiarlunilo Gudine ᴋujagivâ, sorlo sivorngani ilusiᴋarami.

Mattêuse 21:22

Kenuarijaselo tamaita tuksiarnipsingne, okperupse, pilârpase tâva.

Mattêuse 23:13

Kappianamêk ilipse, aglangnik ilisimajut Farisêerillo, takkormôrtose! Nâlegauvik ᴋilangmêtok parngnanairapsiuk, inuit iterᴋonagit! Ilipse itertuksaunase, iteromajulle iterᴋongilase.

Mattêuse 23:5

Suliaksatigle tamaita pivait, inungnut tautuktaujomavlutik. Erᴋaijutiksaᴋotitik siliksivait, annorâmiglo siningit angijorortilugit.

Mattêuse 23:6

Nerrimârvingme katimavingnalo issukliolutik iksivajomavut.

Mattêuse 6:1

Udjertoritse ajungitulerᴋonase inuit sângane, tautuktaujomavluse tâpkonunga; taimailiorupse, akkilertauniksaᴋangilase atâtapsingnut ᴋilangmêtomut.

Mattêuse 6:16

Nerritailijarangapse, annûtuksaungilase takkormôrtutitut; kênatik tautorluktingmatsuk nerritailijarangamik, inungnut tautuktaujomavlutik. Âhamarik, oᴋautivapse: Akkilertaujarêrput.

Mattêuse 6:2

Taimâk pivlugo pilitsijomaguvit tunergutiksarnik, nipjausijarᴋojijuksaungilatit sivunerne, takkormôrtut ilusingititut katimavingne apᴋosineâlungnalo, nertortaujomavlutik inungnut. Âhamarik, oᴋautivapse: Akkilertaujarêrput.

Mattêuse 9:38

Tamanna pivlugo katitaksat inuat tuksiarvigisiuk, sanajuksanik tiliklerᴋovlugo katersivingminut.

Markuse 11:25

Nangerluselo tuksiarupse, assipsingnut patsitiksase issumagijungnaisigik, Atâtase ᴋilangmêtoᴋ issumagijungnainerᴋovlugo tamarnipsingniktauᴋ.

Markuse 12:38

Ajoᴋertorpaillo oᴋautivlugit: Aglangnik illisimajunik udjertoritse! annorânik angijoᴋtanik atoromavut, niuvervingmelo salutitaujomavut.

Lukase 11:43

Kappianamêk ilipse Farisêerit, katimavingne issukliovluse iksivajomagapse, salutitaujomavluselo inungnut niuvervingme.

Lukase 18:1

Adsiujomigle oᴋautivait, soraijuitomik tuksiariaᴋarnivut pitjutigilugo, inertuinata.

Lukase 18:13

Pimaklertele ᴋaninane nangerpok, ᴋilangmullônêt ârloromangitok; sagvingminulle patiksimajok oᴋarlune: Gûde, nâpkigilaunga idluitoksôjunga.

Lukase 20:47

Uigarnerit pingit nungutipait, takijuniglo tuksiarutinik tuksiarutsomavlugit oᴋarput. Taimâk pivlugo pitlartaunersaujomârput.

Lukase 6:24

Kiglormut, kappianamêk akluitose; manigortiksaᴋarungnairapse.

Johannese 16:24

Mâna tikilugo tuksialaungilase sumik atimne. Tuksiaritse, tigusiniarpose tagva, ᴋuviasungnise nâmakserᴋovlugo.

Efêsusemiunut 6:18

Tuksiatsainaritse ilûnainik pijarialingnik, anernikut tuksiarluse ᴋenuluselo; taimailiorᴋovluse sorairase pigârmititse tamât, ivsornaitut tamaita tuksiulugit;

I Tessalônikamiunut 5:17

Sorairase tuksiaritse.

Jâkobusib 4:6

Anginersamigle saimarsaumik tunijidlarpok. Taimaimat aglait oᴋarput: Piojorijut Gûdib akkerartorpait, piojorijuitullo saimauserpait.