Mattêuse 6:28 - Labrador Inuttitut Heritage Bible

²⁸ Sôklo annorât siaklerutigivisigîk? Paunaujaujârtut naternamêtut, ᴋanok perortut takunârsigik; sanangilat, pergaingilallônêt.

Mattêuse 6:28 Iomraidhean Croise

Hosea 14:5

Mitsuksoatut ilingajomavunga Israêlemut, nuvugulâᴋtâlârpoᴋ paunaujaujârtotut, amânelo siamartilârpait Libanonetut.

Mattêuse 10:10

Taᴋoaᴋauteᴋarniaraselo ingergaluse, annorâlijarniarasetauk maggûngnik, itigagutipsâlijarniaraselo, ajaupialijarniaraselo. Sanajok nerᴋiksanganik tunitjiviojariaᴋarpok.

Mattêuse 6:25

Tamanna pivlugo oᴋautivapse: Inôsise pivlugo siaklernairase, nerᴋiksapsingniglônêt imiksapsingniglônêt, timipselônêt annorâksanginik. Inôsise anernarnersaungilât nerᴋemît? Timiselo anernarnersaungilât annorânît?

Mattêuse 6:27

Nelise ingminik uiguksarsijungnarᴋâ tallertut atautsitut takitigijomik, siaklerutigigalloaruniûk?

Mattêuse 6:31

Taimâk pivlugo issumanerluktuksaungilase oᴋarluse: Sumik nerriniarᴋitâ? Sumiglo imerniarᴋitâ? Sumiglônêt Annorâksaᴋarniarᴋitâ?

Lukase 10:41

Jêsusible kiovâ oᴋautivlugolo: Marta, Marta, siaklerneᴋarpotit suliaksaᴋalarpillo unuktunik;

Lukase 12:11

Katimavingmingnulle, atanersoarnullo ataniojunullo âpase issumajâruteᴋarniarase ᴋanok sumiglônêt oᴋausiksaᴋarniarmangâpse kigusiksaᴋarmangâpselônêt.

Lukase 12:22

Ilinniartinele oᴋautivait: Tamanna pivlugo oᴋaupapse: Inôsise pivlugo siaklerniarase, nerᴋiksapsingniglônêt, timipselônêt annorâksanginik.

Lukase 12:27

Paunaujaujârtut naternamêtit, ᴋanok perortut takunârsigik; sanangilat, pergaingilallônêt. Oᴋaupapsele, Salomolônêt ânanaunermine ilûnâne annorârsimalaungilak taipkoa ilangatitut.

Lukase 3:11

Kiovait oᴋautivlugit: Maggûngnik annorâlik tunijilerle peᴋangitomut, nerᴋiksaliktauk taimailiormile.

Filippimiunut 4:6

Issumajârase sumiglônêt; ilûnainigle pijomajapsingnik Gûdemut nalonaijaileritse, tuksiarluselo ᴋenuvluselo ᴋujalivluselo.

I Pêtrusib 5:7

Siardlernise tamaita tâpsomunga pitisigik, tâpsoma issumagitsainarmase.