Mattêuse 6:24 - Labrador Inuttitut Heritage Bible

²⁴ Angajoᴋângnut maggûngnut kivgartortokarungnangilak; aipâ ômigilârpâlônêt, aipâ nagligivlugo; ubvalo aipâ ungagilârpâ, aipanga nachogivlugo. Gûdelo nunab pingillo atautsikut kivgartorlugit saperpose.

Mattêuse 6:24 Iomraidhean Croise

Genesis 47:17

Tagva nergjuteᴋotitik tikkiutivait Josefemut; horsillo saukallo, tuktuvaillo siuterᴋortojullo, akkilerlugit Josefib nerᴋiksanik tunitjivigivait. Taimaglo nerᴋiksanik pitatserpait jâreme tamattomane, nergjuteᴋotingit tamaita akkilerlugit.

I Atannit 18:21

Tagva Eliab inugasaksuit ilûnnamasiangit nangeriartorvigivait, oᴋarlunelo: ᴋanok akkunêrtigijomik tussiarkise iglugêngne? Nâlegak Gûdeokpat, tagva tamna malliklugo agvertaritse; Baaleokpalle, tagva tamna malliklugo agvertaritse. Inugasaksuillo kiolungilât.

II Atannit 17:41

Taimak innuᴋattigêt tapᴋoa Nâlegak sivuragivat, kivgartorkassiutilaitalotauk Gûdingoakotitik. Taimailiorlaurivuttauk taipkoa ᴋitorngangit erngutingillo uvlok tamanna tikkilugo, sorlo atâtagilauktangit pinniarlaungmatta.

Hesekiel 20:39

Ilipsele, Israêlib ᴋitorngangit, imâk oᴋarpoᴋ Nâlegaᴋ Nâlegaujoᴋ: Aileritse, ilûnaselo atunit gudingoaliarimajase kivgartorsigik, kingornganelo, nâlegomangikupsinga, attera ivsornaitoᴋ ivsornaijungnaititaksaringilase tunergutipsingnut gudingoapsingnullo.

Sefania 1:5

Ipkoalo pâmaktertut iglut ᴋângine ᴋilaub uvlorianginut, ipkoalo pâmagveᴋartut Nâlekamik, angervigilugo, Malkamelo angervigiᴋasiutilugo;

Mattêuse 4:10

Jêsusib tagva oᴋautivâ: Sâtanase, uvamnit aularit, aglaksimangmat: Gûdingnut Nâlegarnut tuksiartuksauvotit kissianullo kivgartortuksauvotit.

Lukase 16:11

Nunab pinginik idluangitunik nalâgôngikupse, kia pimaklerᴋojomavâsê pijarialingmîk?

Lukase 16:13

Angajoᴋângnut maggûngnut Kivgartortoᴋarungnangilak; aipâ ômigilârpâlônêt, aipâ nagligilugo; ubvalo aipâ ungagilârpâ, aipanga nachogilugo. Gûdelo nunab pingillo atautsikut kivgartorungnangilase.

Lukase 16:9

Oᴋaupapselo: Ilannâksarsiniaritse nunab pinginut idluangitunut, ajoksarupse ilaliortauᴋovluse iglunginut nâksaungitunut.

Galâtsiamiunut 1:10

Tagva inuillônêt Gûdiblônêt ᴋuviagijanganut mâna oᴋâlavîk? Inungnullônêt ᴋuviagijaujomavlungâ? Inungnut sulle ᴋuviagijaujomaguma, Kristusib kivgarinajatsangilânga.

I Timôteusemut 6:17

Akluitut silaksoarme tamattomane oᴋautikit pimariuterᴋonagit, perᴋutimingniglônêt ᴋolarnartunik tatteᴋarᴋonagit, Gûdemigle ômajomik; tâpsoma tamainik angijomik tunitsivigingmatigut atoraksaptingnik;

II Timôteusemut 4:10

Dêmasib ᴋemangmanga, silaksûb tamattoma pinginik ungalernerame, Tessalônikamullo aularlune: Krêssense Galâtsiamut (aularivok), Tituse Dalmâtsiamut.

Jâkobusib 4:4

Nuliarêngnermik asseroijose, angutillo arnallo, ᴋaujimangilasê, silaksoarmiunik ilannâᴋarnek Gûdemik ômisungniongmât? Silaksoarmiunik ilannâᴋaromajok, Gûdemik ômisukteolerpok.

Josua 24:15

ᴋuviagijaungipalle illipsingnut, Nalegak kivgartorlugo, tagva uvlome annerosugitse kinamik kivgartoromangmangapse, Gudemik tapsominga, atâtagilauktapse kivgartorlauktanganik kôksuit akkiane, Amoriterillônet nunagijapse innungita Gudingoanginik. Uvangale iglomioᴋattimalo Nalegak kivgartoromavavut.

I Samuel 7:3

Samuele Israelib iglomiokotinginut illunamasianginut oᴋarpok: Omamut illunânut sâlerupse Nalekamut, tagva Gudingoat takkorngartat Astarotelo pêjarsigik illipsingnit, omattiselo torartisigik Nalekamut, kivgartortuarisiuglo; tagva piuliniarpâse Filisterit agganginit.