Mattêuse 6:20 - Labrador Inuttitut Heritage Bible

²⁰ Perᴋutinigle pikuminartunik katersoiniaritse ᴋilangme, ᴋaurulillônêt mangertornerublônêt asseroivigijungnangitangine, tigliguillo itârvigijungnangitangine tigligveᴋarungnangitanginalo.

Mattêuse 6:20 Iomraidhean Croise

Jesaiase 33:6

Uvluksatillo terlingnaromârput, piulijaujutiksat, illisimanartullo, illitarsijutiksallo amigaromângimatta; nâlengneᴋ Nâlekamik pituarijomârpâ.

Mattêuse 19:21

Jêsusib oᴋautivâ: Idluartôjomaguvit, perᴋutitit tamaita niorvgotigijartokit, aklujunullo piliutigivlugit, tagva perᴋuteᴋarniarpotit ᴋilangme; ᴋailerillo malinga!

Mattêuse 6:19

Perᴋutinik pikuminartunik katersoijuksaungilase nuname, ᴋaurulillo mangertornerublo asseroiviginiartangine, tigliguillo itârviginiartangine tigligomavlutik.

Markuse 10:21

Jêsusiblo takusarpâ, nagligilugolo oᴋautivâ: Atauseᴋ sulle pigingilat. Perᴋutitit tamaita niorvgotigijartokit, aklujunullo piliutigilugit, tagva perᴋuteᴋatsiarniarpotit ᴋilangme; ᴋailerillo maliklunga, oᴋumaitiksarniglo ilingnut pît.

Lukase 12:33

Perᴋutise niorvgutigisigik tunergutigivlugillo. Pôksiniaritse pitoᴋauniangitunik, perᴋutitârniardluselo ᴋilangme asserojuitunik, tigliguillo sapertanginik, ᴋaurulillo asserorungnangitanginik.

Lukase 18:22

Jêsusible tamanna tussaramiuk, oᴋautivâ: Atausek sulle pingilat. Perᴋutitit tamaita niorvgutiginiakit, aklujunullo piliutigilugit, tagva perᴋuteᴋatsiarniarpotit ᴋilangme; ᴋailerillo maliklunga.

I Timôteusemut 6:17

Akluitut silaksoarme tamattomane oᴋautikit pimariuterᴋonagit, perᴋutimingniglônêt ᴋolarnartunik tatteᴋarᴋonagit, Gûdemigle ômajomik; tâpsoma tamainik angijomik tunitsivigingmatigut atoraksaptingnik;

I Timôteusemut 6:19

Taimailiordlutik ingmingnut tungaviksautsiartunik perᴋutiksarsiniarᴋovlugit naliutuksamut, inôtsemik nâksaungitomik tigusijungnarᴋovlugit.

Ebrêerinut 10:34

Ilapsugilaurapsinga ᴋelaksorsimajunga, ᴋuviasukluse aglât ᴋenuersâlaurapse perᴋutipsingnik aᴋsârtaugapse; ilipse ᴋaujimajose, ajunginersamik nunguniangitomiglo nangminipsingne perᴋutiksaᴋarapse ᴋilangme.

Ebrêerinut 11:26

Mitautaunerlo Kristuse pivlugo akluijutaunasugiluarpâ Egiptenib perᴋutivaksoanginit: akkiksaᴋ issumagigamiuk.

Jâkobusib 2:5

Nâlagitse, nagliktakka ᴋatangutikka: Silaksoarme mattomane aklujut, okpernermik akluilutik Gûdib anerilaungilagît, kingormgujeᴋovlugit nâlegauvingmik, nagliktiminut angerutigijaminîk?

I Pêtrusib 1:4

Asserojuitomik, ivsornangitomiglo, ᴋunulijuitomiglo kingormgutijaksaᴋarᴋovluta, ᴋilangme ᴋumergutaumajomik.

I Pêtrusib 5:4

Tagva pairsijoᴋsoaᴋ saᴋᴋeromârpat, niaᴋôtemik ᴋunorlijuitomik opinartomik pititaujomârpose.

Takotitaunermik 2:9

Piniarnitit ᴋaujimavakka, kappiasungnîllo aklunîllo (akluigalloartotit), mitautaunîllo oᴋartunut Jûdionermingnik taimainatiglo, Sâtanasible ajoᴋertuivinganut ilingavut.