Mattêuse 6:2 - Labrador Inuttitut Heritage Bible

² Taimâk pivlugo pilitsijomaguvit tunergutiksarnik, nipjausijarᴋojijuksaungilatit sivunerne, takkormôrtut ilusingititut katimavingne apᴋosineâlungnalo, nertortaujomavlutik inungnut. Âhamarik, oᴋautivapse: Akkilertaujarêrput.

Mattêuse 6:2 Iomraidhean Croise

Imgerut 112:9

Kangasuivok tunnijilunelo aklujunut; idluarninga îtsainarpok issoᴋangitomut; naksunga ᴋongmuartitauvok nertortauvlune.

Imgerut 37:21

Gûdeᴋangitok akkiliksarsivok akkilênanelo, idluartorle nâpkigosukpok aitugolunelo.

Salomob Okâl 19:17

Aklujomik napᴋiniktok, attartortitsivok Nâlekamik; tapsoma akkivigijomârpa ajungitullininginik.

Salomob Okâl 20:6

Inuit unuktut atunit ajungitullinitik nertorpait; kiale nallâgortomarik nachvârungnarᴋauk?

Okaluktok 11:2

Aitortuilerit 7 inut, 8 inullo; ᴋaujimanginavit ᴋanoêtut nelliat tikkiniarmangât nunamut.

Jesaiase 10:6

Tillijomavara nunaᴋatigênut nertornalungitunut, perᴋojomavaralo nunaᴋatigênut ningaumajutigijamnut, arᴋtaijaurᴋovlugit aᴋsârtaurᴋovlugillo tullerajartaurᴋovlugillo tâpsomunga aktalukutitut iglut akkornganne.

Jesaiase 58:7

Ammalo: Kâktoᴋ aitoruk nerᴋiksarnik, ajulertut inniksaᴋangitut iglomut itterᴋokit; annorâᴋangitomiglo takoleruvit, annorâᴋartileruk, uviniᴋaᴋatit allarniarnago.

Jesaiase 9:17

Taimaimat Nâlekab tâpkoa inôsuktoᴋotingit angutit ᴋuviagingilait, illiarsuᴋotingillo uigarneᴋotingillo nâpkigingilait, tâpkoa illunamasiatik tappatojôngmatta idluitullijôngmattalo, illũnatiglo ᴋaningit sillainartoᴋsoarmik oᴋauseᴋarmatta. Tamakkoalle tamaita Nâlekab ningausingata sorairutigingilait, aggangillo issamivut sulle.

Hosea 8:1

Tiptulaut ᴋanernut pileruk; nektoraliktut Nâlekab iglunganut pivoᴋ; angiᴋatigêngnera tapagingmatsuk, perᴋojakkalo nâlagungnailugit.

Mattêuse 15:7

Takkormôrtose, Jesaiase ilipsingnik nalautailauralloarpok, oᴋarlunalo:

Mattêuse 16:3

ᴋaujarangalle oᴋarpakpose: Akᴋunaliomidlarniarpok, ᴋilak aupallulilarmelo nuvujalermat. Ilipse takkormôrtose, ᴋilaub ᴋanoelijarianga ᴋaujimavase, sôkle naliutub tamattoma nalunaikutangit ᴋaujimanginivisigîk?

Mattêuse 22:18

Jêsusible pingitsertorningit tukkisileramigit, oᴋautivait: Takkormôrtose, sôk ôktorpisingâ?

Mattêuse 23:5

Suliaksatigle tamaita pivait, inungnut tautuktaujomavlutik. Erᴋaijutiksaᴋotitik siliksivait, annorâmiglo siningit angijorortilugit.

Mattêuse 23:6

Nerrimârvingme katimavingnalo issukliolutik iksivajomavut.

Mattêuse 24:51

Asserortiniarpâ tagva, akkiviginialâllo takkormôrtut illagivlugit. Tagvane ᴋeavaksoadlarneᴋaromârpok aglerulârneᴋaromârlunalo.

Mattêuse 5:18

Âhamarik oᴋautivapse: ᴋilaglo nunalo nungoᴋârtinagik, perᴋojane (aglaksimajune) mingnek, tittârsuglônêt nunguniangilak, tamakkua ilûnaita nâmakserᴋârtinagit.

Mattêuse 6:16

Nerritailijarangapse, annûtuksaungilase takkormôrtutitut; kênatik tautorluktingmatsuk nerritailijarangamik, inungnut tautuktaujomavlutik. Âhamarik, oᴋautivapse: Akkilertaujarêrput.

Mattêuse 6:3

Tunergutiksanik pilitsiguvit, saumît aggaktit nalolaulit tallerpikpît tunergutânik,

Mattêuse 6:5

Tuksiaruvit, takkormôrtutitun-ituksaungilatit. Taipkoa nangerput tuksiarlutiglo katimavingne, iglullo sângane, tautuktaujomavlutik inungnut. Âhamarik, oᴋautivapse: Akkilertaujarêrput.

Mattêuse 7:5

Takkormôrtotit, ikâk ijingnit pêrᴋâruk; kingorngagut ᴋatangutivit sukkiutâ pêrasuaruk.

Markuse 12:39

katimavingmelo nerrimârvingmelo isukliovlutik iksivajomavut.

Markuse 7:6

Kiovaille oᴋautivlugit: Ilipse takkormôrtose, Jesaiasib oᴋautigitsiaralloarpâse, sorlo aglaksimangmat: Inuit ukkua ᴋangasinâmingnut nertorpânga, ômatingitale ungasikpânga.

Lukase 11:41

Ahâk, perᴋutipsingnit tunijiniaritse (Aklujunut), ilûnatik sujungaijutiksauniarput tagva ilipsingnut.

Lukase 11:43

Kappianamêk ilipse Farisêerit, katimavingne issukliovluse iksivajomagapse, salutitaujomavluselo inungnut niuvervingme.

Lukase 12:33

Perᴋutise niorvgutigisigik tunergutigivlugillo. Pôksiniaritse pitoᴋauniangitunik, perᴋutitârniardluselo ᴋilangme asserojuitunik, tigliguillo sapertanginik, ᴋaurulillo asserorungnangitanginik.

Lukase 12:56

Takkormôrtose, nunalo ᴋilaglo ᴋanoeniarmangângnik ilisimavase; sôkle neliutok tamanna ilisimangipisiûk?

Lukase 13:15

Tagva Nâlekab kiovâ oᴋarlune: Takkormôrtotit, ilipse tamapse tuktuvaᴋotise, siuterᴋortojullo pitûdjârpangilasê nerᴋevinginit, aluktitsartorlugillo sabbatemê?

Lukase 20:46

Aglangnik ilisimajunik ilimasugitse! Annorânik angijoktanik atoromadlarput, niuvervingmelo salutitaujomadlarput; katimavingmelo nerrimârvingmelo issukliolutik iksivajomadlarput.

Lukase 6:24

Kiglormut, kappianamêk akluitose; manigortiksaᴋarungnairapse.

Lukase 6:42

ᴋanorlo ᴋatangutingnut oᴋarungnarᴋêt: Ovatsiaro, ᴋatangutiga, sukkiut ijingnit pêromavara; igvillo nangminek ikâk ijingnêtok malugingipiûk? Takkormôrtotit, ikâk ijingnit pêrᴋâruk; kingorngagut ᴋatangutivît sukkiutâ pêrasuaruk!

Johannese 13:29

Ilangit isumavut, Jûdase pôksalijarmat, Jêsusib oᴋautingmago imâk: Pisiniarit ajortaptingnik uvloᴋsiorvingmut! Ubvalo, tunijerᴋovlugo aklujunut sumik.

Johannese 5:41

Inungnut nertortaunasuangilanga.

Johannese 5:44

ᴋanok okperungnarᴋisê, nertortaujomautigupse ilipsingnût? Nertornarnerlo Gûdemit kissianit pijok ᴋenernagô?

Johannese 7:18

Ingminik oᴋâlajok nertortauniksaminik ᴋenerpok; tâpsomale tilijime nertornarninganik pinasuartok, tâmna mikseᴋârtôvok, idluineᴋangilarlônêt tâpsomane.

Apostelit Piniarningit 10:2

Isumagidlarlune opigosulaukpok Gûdemik iglomioᴋatine ilagilugit aitûsianiglo tunijeᴋattarpok inungnut, tuksiatsainartorlo Gûdemut.

Apostelit Piniarningit 10:31

Oᴋarporlo: Kornêliuse, tuksiarnitit tusartauvut, aitûtitillo isumagijauvut Gûdib sângane.

Apostelit Piniarningit 10:4

Takosarpâle ᴋoaksârlarmelo oᴋarpok: Nâlegak, sunâ? Tâpsomale oᴋautivâ: Tuksiarnitit pikungardlutik Gûdib tusarpait, aitûtitillo isumagivait.

Apostelit Piniarningit 11:29

Iliniartulle ilûnatik kajusivut, pimingnit tujoromavlugit ajungitamingnik ᴋatangutigêt Jûdêamêtut.

Apostelit Piniarningit 24:17

(Mânale), jârit atauseungitut nângmatta, inuᴋatima tujûsianginik tunergutiniglo (Gûdemut) âtsilunga tikigama;

Apostelit Piniarningit 9:36

Joppemele ilinniartoᴋalaukpok arnamik Tabêamik atilingmik, Grîkit taijangannik Dorᴋasemik; tâmna ajungituliᴋattalaukpok pitsiarlunelo aklujunut.

Rômiunut 12:8

Naliat kaiblartuigune, kaiblartuitsiarle. Tunijijoᴋ, issumalingasuerlune pile. Ataniotijoᴋ kuksasuklune pile. Nâpkiniktoᴋ ᴋuviasuklune pile.

I Korintemiunut 13:3

Pikkalo tamaita piliutigigalloarupkit aklujunut, timigalo ikomamut nungutautigalloarupko, naglingneᴋarnangalo, atorajangimarikpoᴋ uvamnut.

Galâtsiamiunut 2:10

Kissiane aklujut issumagijauᴋovlugit uvaptingnut; tamattomingalo ataruililunga pinialauᴋpunga.

Efêsusemiunut 4:28

Tiglilauᴋtoᴋ tigligungnairle, sanalunele aggangminut ajungitomik piniarle, tunijaksaᴋarᴋovlugo ajoᴋsartunut.

I Tessalônikamiunut 2:6

Nertortaunasualaunginivogut inungnut, ilipsingnullônêt, assipsingnullônêt.

I Timôteusemut 6:18

Pitsiarnerᴋovlugit, ajungitulinermiglo akluiᴋovlugit, ᴋununatik tunijerᴋovlugit ikajorᴋovlugillo assimingnik;

Filemônemut 1:7

Naglingnîlle ᴋuviasûtigivavut angijomik manigortigilugolo; ivsornaitut ômatingit nakoᴋsititaungmatta ilingnut, ᴋatangutiarsuvut.

Ebrêerinut 13:16

Avâgosungneᴋ aitortuinerlo puigorniarasigik; tunergutit taimaitut Gûdib ᴋuviagingmagit.

I Pêtrusib 4:11

Oᴋâlajoᴋarpat, Gûdib oᴋausingititut oᴋâlatigivlugit pile. Kivgartortoᴋarpat, Gûdib tunijanga ajungijutigilugo piniarle. Gûde piniarnernut ilûnainut nertortauᴋovlugo Jêsuse Kristusikut; tâmna nertortaule pitsartunerôlunelo issoᴋangitomit issoᴋangitomut. Amen.

I Samuel 15:30

Tamnale oᴋarpok: Idluitullilaukpunga; opigilaungale mana innuᴋotima angajoᴋangita Israelitillo sângine; utterᴋattigilungalo, Nalegak Gudit tuksiarvigilugo piᴋovlunga.