Mattêuse 6:19 - Labrador Inuttitut Heritage Bible

¹⁹ Perᴋutinik pikuminartunik katersoijuksaungilase nuname, ᴋaurulillo mangertornerublo asseroiviginiartangine, tigliguillo itârviginiartangine tigligomavlutik.

Mattêuse 6:19 Iomraidhean Croise

Hiobe 24:16

Tâmna tâktome ittârpok iglunut. Uvlôtillugolo pallangairutivut, ᴋaumanerlo illeragivât.

Hiobe 31:24

Golde sungertutigilaukpigô, Goldemullo illaᴋangitomut Oᴋalauᴋîk: manigornerijara?

Imgerut 39:6

Tachaktut kissiane innuk arvertarpok, sunaungitotuinak pivlugo perajarneᴋartitsivut; kattersuivut ᴋaujimanatiglo kia piginiarmangâgit.

Imgerut 62:10

Aksorornermut aksârnigaujut sungertutiginiarassigik, tattekaraselo ivartaujunik. Akluinermik tunnitsiviogupse, ômattise ungaᴋoniarassigik tamattominga.

Exodus 22:2

Tigligomajok naipitaukpat itârasuartilugo, anaujaukpallo toᴋorᴋovlugo, aungmik kovijaujoᴋartuksaungilak tâmna pivlugo.

Salomob Okâl 11:4

Perᴋutit ikajungilet ningarnerub uvlungane; idluarnerle piuliklerpok toᴋomit.

Salomob Okâl 16:16

Pinasuarnek ilisimanermik nâmanersauvok Goldemit, silatuneᴋartitaunerlo pivianarnersauvok Silberemit.

Okaluktok 2:26

Inuk nâmagijane tunnitsivigingmago ilisimanermik sillatunermiglo ᴋuviasungnermiglo; ajortorle tunnitsivigivâ siorniornermik kattersuikovlugo ᴋallerêktitsilunelo, tunijaukovlugille sulle tâpsomunga Gûdib nâmagijanganut. Tamanna sullinginiogivok, ogguarnarniolunelo.

Sefania 1:18

Silbereᴋotingita goldeᴋotingitalônêt piulijungnaromângilait Nâlekab ningarnersoangata uvlungane; nunâle ilûnât ikitaujomârpok ilungertorningata ikoâlaninganut; ᴋeongominadlartomik nungutsomârmagit nunab inungit tamaita.

Mattêuse 19:21

Jêsusib oᴋautivâ: Idluartôjomaguvit, perᴋutitit tamaita niorvgotigijartokit, aklujunullo piliutigivlugit, tagva perᴋuteᴋarniarpotit ᴋilangme; ᴋailerillo malinga!

Mattêuse 6:20

Perᴋutinigle pikuminartunik katersoiniaritse ᴋilangme, ᴋaurulillônêt mangertornerublônêt asseroivigijungnangitangine, tigliguillo itârvigijungnangitangine tigligveᴋarungnangitanginalo.

Lukase 12:21

Taimâk ilingavut perᴋutinik katersoijut, akluinatiglo Gûdeme.

Lukase 12:33

Perᴋutise niorvgutigisigik tunergutigivlugillo. Pôksiniaritse pitoᴋauniangitunik, perᴋutitârniardluselo ᴋilangme asserojuitunik, tigliguillo sapertanginik, ᴋaurulillo asserorungnangitanginik.

Lukase 12:39

Tamannale nalojungnairaksarivase: Iglub inuata tigliktub tigligiartorvia ᴋaujimaguniuk, pigârajarpok, iglominut itertoᴋarᴋonago.

Lukase 18:22

Jêsusible tamanna tussaramiuk, oᴋautivâ: Atausek sulle pingilat. Perᴋutitit tamaita niorvgutiginiakit, aklujunullo piliutigilugit, tagva perᴋuteᴋatsiarniarpotit ᴋilangme; ᴋailerillo maliklunga.

Lukase 18:24

Jêsusible kiksartitaumajok takogamiuk oᴋarpok: Akluitut nâlegauvingmut ᴋilangmêtomut pilutik Sappernaᴋasakpok.

I Timôteusemut 6:17

Akluitut silaksoarme tamattomane oᴋautikit pimariuterᴋonagit, perᴋutimingniglônêt ᴋolarnartunik tatteᴋarᴋonagit, Gûdemigle ômajomik; tâpsoma tamainik angijomik tunitsivigingmatigut atoraksaptingnik;

Ebrêerinut 13:5

Iliornise pijomatudlarnermik illaᴋarniarane, pigijase tamâne nâmagisigik. Nangmineᴋ oᴋarmat: Kemangniatsangilagit allarniarnaglônêt.