Mattêuse 6:16 - Labrador Inuttitut Heritage Bible

¹⁶ Nerritailijarangapse, annûtuksaungilase takkormôrtutitut; kênatik tautorluktingmatsuk nerritailijarangamik, inungnut tautuktaujomavlutik. Âhamarik, oᴋautivapse: Akkilertaujarêrput.

Mattêuse 6:16 Iomraidhean Croise

II Samuel 12:16

Davidiblo Gude tuksiarvigiva nukapiarârsuk pivlugo, nerritaililunelo itterporlo, pamangalunelo unnuak nâlugo netterme.

II Samuel 12:21

Tagva kivgangita oᴋautivât: Sunauva tamanna piniartat? Nutarak innôtillugo nerritaililaukpotit kêalutillo; mannale tokkungalermat makkipotit nerrilutillo?

I Atannit 21:27

Ahabible oᴋautsit taimaitut tusaramigit, annorane allikpait, pôngmiglo tapserusêvok timiminut, nerritaililunelo, sinnilarmelo pôngme, sukᴋailisarlunelo pisukpok.

Nehemia 1:4

Oᴋautsille taimaitut tussarapkit, iksivalerpunga ᴋêalungalo, ogguarlarmalo uvlut ᴋapsit nâvlugit, nerritaililungalo tuksiarlungalo ᴋilaub Gûdingata sângane,

Ester 4:16

Ailerit Jûdillo Susanemêtut ilûnaita katterᴋokit nerritailijutigissingalo, nerriᴋonase immerᴋonaselo uvlune pingasune, uvlotillugolonêt unnuarmelonêt; uvanga uigasukotikkalo, nerritailijomavoguttauk taimâk. Taimâglo atannermut itteromavunga, perᴋojak akkerartorlugo; tokᴋotauniaruma, tagva tokᴋotauvunga.

Imgerut 109:24

Sêrᴋûka nukkingerôtivuk nerritailinermut; uvinigalo sallukpok ᴋuinijungnairlune.

Imgerut 35:13

Uvangale ᴋanimalaurangatta annorângmik pôksaijamik attilaukpunga, oᴋumaitilungalo nerritailinermut, tuksiatsainalauktungalo illungertorlunga.

Imgerut 69:10

ᴋêajungalo nerritaililungalo illapsungnartomik; mittautigijauvungalo tappilugo aglât.

Daniel 9:3

Tagva kênara sâtipara Nâlekamut Gudemut, tuksiarlunga ᴋinuvlungalo, nirritailivlunga, pôᴋsajamik attisivlunga, argjanullo sauvlunga.

Mâlaki 3:14

Oᴋarpose: Gude kivgartorlugo tukkeᴋalungilaᴋ: sumiglo piksarsivitâ perᴋojangit malikuptigîk, arvertarlutalo kiksarluta Nâlekab Zebaotib sânganê?

Mattêuse 6:1

Udjertoritse ajungitulerᴋonase inuit sângane, tautuktaujomavluse tâpkonunga; taimailiorupse, akkilertauniksaᴋangilase atâtapsingnut ᴋilangmêtomut.

Mattêuse 6:2

Taimâk pivlugo pilitsijomaguvit tunergutiksarnik, nipjausijarᴋojijuksaungilatit sivunerne, takkormôrtut ilusingititut katimavingne apᴋosineâlungnalo, nertortaujomavlutik inungnut. Âhamarik, oᴋautivapse: Akkilertaujarêrput.

Mattêuse 6:5

Tuksiaruvit, takkormôrtutitun-ituksaungilatit. Taipkoa nangerput tuksiarlutiglo katimavingne, iglullo sângane, tautuktaujomavlutik inungnut. Âhamarik, oᴋautivapse: Akkilertaujarêrput.

Markuse 2:18

Jôhannesiblo Farisêerillo illiniartingit nerritailivakput akulaitomik. Illangitalo tikipât, oᴋarlutik: Sôᴋ Jôhannesiblo Farisêerillo illiniartingit nerritailivakkât akulaitomik, illiniartitille nerritailivangilât?

Lukase 18:12

Vogeme maggoertorlunga nerritailivakpunga, perᴋutimalo ilûnatik tallimaujoanik tunijivunga.

Lukase 2:37

Mânale uigarniojok jâreᴋalerdlune 84 nik, katimavingmit nûlungimariktok, tuksiarnermullo nerritailinermullo Gûde kivgartorpâ uvlullo unnuallo tamaita.

Apostelit Piniarningit 10:30

Korneliuselo oᴋalerpok: Uvlut sitamat nâvlugit stunde tamanna tikilugo nerrilaungitunga, stundillo 9 ingane tuksialaukpunga iglumne. Ahâglo, tagva sâmne sakᴋertoᴋalaukpok angutemik ᴋeblertamik annorâlingmik.

Apostelit Piniarningit 14:23

Ilagêktullo ilûnaita ajoᴋertuijunik pitipait, tuksiarlutiglo nerritailivlutiglo, Nâlekamut okperijanganut saputijauᴋovait.

I Korintemiunut 7:5

Avisârtoᴋarniarane aiparminit; kissiane tamaptik sivikitomik pijomavlutik issumaᴋaᴋatigêkuptik, nerritailinermut tuksiarnermullo piviksaᴋarᴋovlutik; ama katingmigitik, Sâtanasemut ôktorluktaukonatik, ikliguktailinek ajorapsiuk.

II Korintemiunut 11:27

Oᴋumaitunik unuktunik tukkiseᴋattalauᴋpunga senanermelo, pigârnermelo, kângnermelo imerungnermelo, nerritailiᴋattarnermelo, ᴋeujanermelo, annorâᴋanginermelo.

II Korintemiunut 6:5

Annaulertaujarangaptalo, parngnanairsimavingmêtarangaptalo, pikablâjaujarangaptalo, senajarangaptalo, pigârangaptalo, êsingitarangaptalo;