Mattêuse 6:13 - Labrador Inuttitut Heritage Bible

¹³ Oktortaulungnermut pitinata. Piulitigulle ajortomit. Nâlegaunek, pitsartunerlo, ânanaunerlo pigigangne issoᴋangitomut. Amen.

Mattêuse 6:13 Iomraidhean Croise

Genesis 22:1

Mattoma kingorngagut Gûdib Abraha ôktorpâ oᴋarvigivlugo: Abraha! Kiovâle: Mânêpunga.

I Atannit 1:36

Tagva Benajab Jojadab erningata atannek kiova, oᴋarlunelo: Amen, Nâlegak Nâlekama Gûdinga oᴋarletauk taimâk!

I Kronika 16:36

Nalegak Israelib Gûdinga nertortaule isoᴋangitomit isoᴋangitomut, inugasaksuillo ilûnatik oᴋarlit: Amen, Nalegarlo nertorlitsuk.

I Kronika 29:11

Igvit, anginek, pitsartunerlo ânanaunerlo, sâlaᴋarnerlo, ussornarnarnerlo pigivattit. Ilûnaita ᴋilangmêtut nunamêtullo nangminerigangne. Igvit Nalegak nalegaunek pigivat, pôktojovaksôvotit angajoᴋaksoangolutillo ilûnainut.

I Kronika 4:10

Jabezelo niplialaukpok Israelib Gûdinganut, oᴋarlunelo: Pitsartutilaungatôk, kiglilervigalo anginersautilugo, aggakpîllo ilaginiarlinga, ᴋanoêtomullo tikkitautailitilunga, ânertauᴋonnanga tapsomunga. Gûdiblo tuksiararijanga tikkerᴋovâ.

Imgerut 10:16

Nâlegak attanniotsainarpok issoᴋangitomut; nallojut nunanganit nungutaujomârput.

Imgerut 106:48

Nertortaule Nâlegak Israelib Gûdinga issoᴋangitomit issoᴋangitomut; innugasaksuillo illûnamasiatik oᴋarlît: Amen Halleluja.

Imgerut 22:28

Nâlegak nâlegauveᴋarmat, attanniotilunelo nallojut akkorngane.

Imgerut 41:13

Nertortaule Nâlegak Israelib Gûdinga issoᴋangitomit issoᴋangitomut. Amen. Amen.

Imgerut 47:2

Nâlegak ᴋotsingnerpângojok kappianadlarmat, attanersoangovlune nunaksoarmut illunânut.

Imgerut 47:7

Gûde attanniôngmat nunaksoarme illunâne; imgerutinnik imgervigissiuk.

Imgerut 72:19

Nertortaule attinga ânanaudlartok issoᴋangitomut; nunallo illunaita nâmalerlit nertortauninganik, Amen, Amen.

Imgerut 89:52

Nâlegak nertortaule issoᴋangitomut, Amen, Amen.

Exodus 15:18

Nâlegak ataniovok isoᴋangitomit isoᴋangitomut.

Salomob Okâl 30:8

Nellangainek, saglonerillo ungasiktikit uvamnit; aklunermiglo, akluinermiglo tunnitsiviginiarnanga; nâmatuinartomigle nerᴋikseᴋatsainarlangatôk.

Jeremia 15:21

Piulijomavagillo idluitut agganginit; ᴋelujomavagillo erᴋsinartut agganginit.

Jeremia 28:6

Jeremialo nalautaijoᴋ oᴋarpoᴋ: Amen, Nâlagaᴋ taimailiorle; Nâlakab oᴋautsitit nalautaijutigijatit nalautsitiligit, Nâlakab iglungata perᴋutingit, tamaitalo aularutijaujovinit tamaungautitsomavlugit Babilonemit.

Daniel 4:25

Inungnit ajaktortaulârpotit, natinaublo nigjutingit ilagilârpatit, tuktuvaktut iviksukatolârpotit, ᴋausititaulârpotillo ᴋilaub mitsuksoanganut, naliunirit 7nit ᴋângiutilârput ilingnik; ᴋaujimaᴋârtinak ᴋotsingnipângojub aulangmago inuit ataniovingat, tunilugolo pijomajaminut.

Daniel 7:18

Kotsingnipângojûbli ivjornaitoᴋotingita ataniovik pigilârpât, piᴋutigitsainarlugolo, ilâ, issoᴋangitoᴋsoarmut aglât.

Numbers 5:22

Imerlo tamanna ôminarsijutiksaᴋ pullarle erᴋavingnut, nâllo publertilugo, ᴋoktoraillo uvinêrutiliuk; arnarlo oᴋartuksauvoᴋ: Amen, amen.

Mattêuse 26:41

Pigârluselo tuksiaritse, ôktortaulungnermut perᴋonase. Anernek pijomagalloarpok, uvinigle sangêpok.

Mattêuse 28:20

Ajoᴋertorsigiglo malerᴋovlugit tamainik perᴋojamnik ilipsingnut, Ahâglo, uvlut tamaita najutsainarniarpapse, silaksûb naggatânut.

Mattêuse 5:37

Oᴋausise imailerlit: Âhailâ, âhailâ, aukak, aukak; ununersat idluitomit pivut.

Mattêuse 6:10

Nâlegauvît ᴋailaule. Pijomajat piniartaule nuname sorlo ᴋilangme.

Johannese 17:15

Tuksiangilanga nûtserᴋovlutit tâpkoninga, silaksoarmit, saputserᴋovlutille tâpkoninga idluitunit.

I Korintemiunut 10:13

Assianut ôktorluktaungilase sulle, inuit atorpaktanginut kisiane; Gûdible nertornarlune ôktortaukoniangilâse ajortapsingnik; ôktorlungnartorle imâk naggaserniarpâ asserortauᴋonase.

I Korintemiunut 14:16

Saimartitsiguville anernikut, ᴋanok illisimangitok tagvanêtok Amenemik oᴋarungnarᴋâ ᴋujalitiksatit pitjutigilugit, oᴋautsitit tukkisinginamigît?

II Korintemiunut 1:20

Ilûnatik Gûdib angersimaningit tâpsomane âhailauvut Ameneovlutiglo tâpsomane, Gûde nertortauᴋovlugo uvaptingnut.

Galâtsiamiunut 1:4

Tâmna ingminik tunilauᴋpoᴋ ajornivut pivlugit, piulijomavluta silamit mattomangat ajortomit, Gûdib Atâtapta pijomajanga maliklugo.

Deuteronomy 8:16

Nerrititsijigijat sunaᴋajuitome mannanik, atâtagijavit ilitarilungitanginik; nikanarsârtitsomavlutit, ôktoromavlutillo, ajungitulivigijomavlutit kingorngane;

Deuteronomy 8:2

Erᴋaijuksauvotillo apᴋomik ilûnânik Nâlekab Gûdivît tesiorvigijanganik ilingnik jârit makkoa 40 nâvlugit sunaᴋajuitome, nikanarsârtitsomavlutit ôktoromavlutillo, ᴋaujijomavlune sunamik ômamiutaᴋarmangârpit, perᴋojat malingniarmangângne malingniangimangângnelônêt.

I Tessalônikamiunut 1:10

Erningalo nerriugivlugo ᴋilangmit, toᴋungajunit tupaktilauᴋtanga, Jêsuse, piulijigijavut ningautsemit pijomârtomit.

II Tessalônikamiunut 3:3

Nâlegarle nitornarpoᴋ, tâpsoma nakoᴋsitiniarpâse saputiluselo ajortunit.

I Timôteusemut 1:17

Gûdele, atanivik issoᴋangitok, nungusuitorlo, takuksaungitorlo silatujotôjorlo nâlengnarsile nakoridlartaulunelo issoᴋangitoksoarmut. Amen.

Ebrêerinut 11:36

Illangit mitautaudlalauᴋput nerᴋersortidlarauvlutiglo, ᴋelaksugauvlutiglo, parngnanairutjaumavlutiglo.

I Pêtrusib 5:8

Silatuniaritse erᴋomavluselo; akkerartortise Sâtanase arvertarmat loevetut nipliajoᴋsoatut, êjaksarsiorlune nelianik.

II Pêtrusib 2:9

Tagva Nâlekab Gûdemik nâlektut piulidlarungnarpait ôktortaunermit, idluitulle ᴋumergusiudlugit erᴋartuiviksamut, pidlartauᴋovlugit;

I Johannesib 3:8

Idluitulijoᴋ Sâtanasimit pivoᴋ; pigiarninganit Sâtanasi idluitulingmat. Tamanna pivlugo Gûdib Erninga saᴋᴋisimavoᴋ, assioiᴋovlugo Sâtanasib piniarninginik.

Takotitaunermik 1:18

Omavlungalo. Toᴋolaukpunga, ahâk, inôvunga issoᴋangitomit issoᴋangitomut, tâᴋtoksoarmullo (anernerit ininganut) oᴋomullo pêruteᴋarpunga.

Takotitaunermik 19:1

Tamakkoa kingorngatigut inugasaksuit nippersoanginik ᴋilangme tussarpunga, oᴋartunik: oᴋartunik: Hallêlaja! piuliklerneᴋ, nakorijaunerlo, nâlengnarnelo, pitsartunerlo pigiligit Nâlekab Gûdipta.

Takotitaunermik 19:4

Angajoᴋaunerôjullo 24 it, ômajullo sitamat ipkoa pâmakterput Gûde tuksiarvigivlugo, iksivautaksoarme iksivajok, oᴋarlutiglo: Amen, Hallêluja!

Takotitaunermik 2:10

Sivôraginiarnagit nelîllônêt kappianartut ilingnut neliutuksat. Ahâk Sâtanasib illapse illangit parngnanairsimavingmut pititsomârpait, ôktortauᴋovluse kappiasuktitauᴋovluselo uvlunik 10 nik. Soᴋosijuilerille toᴋo tikidlugo, tagva niaᴋôtemik ômanartomik tunitjivigijomagapkit.

Takotitaunermik 21:4

Kugviornerillo tamaita Gûdib allarterniarpait ijinginit, toᴋolo itsungnairpok, kiksarnermiglônêt, niplianermiglônêt, ânianarnermiglônêt pijokarungnainiarpok; sivorliojut itsungnairmatta.

Takotitaunermik 3:10

Torᴋulaurangne oᴋausek ᴋenuersârnimnik, uvangatauk saputijomavagit neliutomit ôktorlungnartomit, silaᴋsoarmiunut tamainut tikitsomârtomit, ôktorlugit nuname nunaᴋartut.

Takotitaunermik 3:14

Illagêt Laodiseamiut Engelingat aglagvigiuk: Tamadja oᴋautigivâ Ameneojub, nalâgôrlunelo mikseᴋârtôvlunelo kigligiutsijub, Gûdib pingortitangita pigiarningata:

Takotitaunermik 5:13

Pingortitallo ilûnamasiatik, ᴋilangmiullo nunamiullo nunab atânêtullo, imarbiublo iluanêtut tamaita tussarpakka oᴋauseᴋartut: Iksivautaksoarme iksivajok Saugârsuglo ᴋujanarsilîk nâlengnarsilutiglo nertornarsilutiglo, ajugauviojotôvlutik issoᴋangitomit issoᴋangitomut.