Mattêuse 6:12 - Labrador Inuttitut Heritage Bible

¹² Idluinivut issumagijungnaikit, sorlo uvagut idluitulivigijivut issumagijungnaivigigaptigik.

Mattêuse 6:12 Iomraidhean Croise

I Atannit 8:30

Taimâk tagva tusalaurit kivgavit inuᴋotivillo Israelitit ᴋenuninginik ᴋenuneriniartanginik mâne; tusalerit tamattominga inneme, innigijarne ᴋillangme, tusalaurit isumagijungnailugillo ajornerit.

I Atannit 8:34

Tagva igvit tusalaurit ᴋillangme, isumagijungnailugillo inuᴋotivit Israelitit ajorningit, uttertiniarlaitalo nunamut atâtagilauktanginut tunnilauktarnut.

I Atannit 8:39

Tamânna igvit tusalauruk ᴋillangme, inneme inigijarne, isumagijungnainilutillo, pinniarlutillo, tunnijilutillo nellianut, agvertarnerilauktanga tamât malliklugo, sorlo omatinga illitarigangne; igvit kissivit inuit ᴋitorngangita ilûnnatik omatingit illitarigangne;

I Atannit 8:50

Inuᴋotitillo isumagijungnaivigikit idluitullininginik illingnut, tappaninginiglo tamainik, tappajutigilauktanginik illingnik; napkiningneksilaulillo sâlagijimingne, napkiningniᴋovlugit tapᴋoninga.

Imgerut 130:4

Illingne issumagijaujungnaineᴋarmat, sivôragijauᴋovlutit.

Imgerut 32:1

Pillorikpok tappanernit issumagijungnaiviôjok, ajortunnik mattoviôjok.

Exodus 34:7

Naglingnermik soᴋosertailitsijok tausendeoᴋatartunut, idluitulinernik tappatonerniglo ajornerniglo isumagijungnainiktok, pidlartailitsingitorle ᴋaᴋialerneᴋangitunik; atâtat idluitulininginik pidlarniktok ᴋitorngane, ᴋitorngallo ᴋitorngangine, ernerêt kingorlerêt pingajungit sitamangillo tikidlugit.

Jesaiase 1:18

Tagva ᴋaititse erᴋartortigêklutalo, Nâlegaᴋ oᴋarpoᴋ: Idluinise aupaluktotut-igalloarmatta, aputitut ᴋaᴋorsititaujomârput; aupaloriktotut aupalugalloarmatta, saukab merᴋungititut-itsomârput.

Daniel 9:19

Nâlegaᴋ, tusalaurit; Nâlegaᴋ, issumagijungnainilaurit; Nâlegaᴋ, naipitolaurit piniarlutillo; akunêdlarnak; nangminît pivlutit, Gudiga, iglugasaksoaᴋotitit inuᴋotitillo taijaungmatta attinut.

Mattêuse 26:28

Tagva auga, Testamentitâb (aunga), kovijauniartok unuktut pivlugit, ajornerit issumagijaujungnairutiksanginut.

Mattêuse 9:2

Ahâglo, tâpsomunga âtsivut tumângajomik, aumitine nelajomik. Jêsusib oᴋperningit takogamigit, tumângajok oᴋautivâ: Ernera, ᴋuviasugit, ajornitit issumagijaujungnairput.

Markuse 11:25

Nangerluselo tuksiarupse, assipsingnut patsitiksase issumagijungnaisigik, Atâtase ᴋilangmêtoᴋ issumagijungnainerᴋovlugo tamarnipsingniktauᴋ.

Lukase 11:4

Idluinivut issumagijungnaikit, sorlo uvagut idluitulivigijivut issumagijungnaivigigaptigik. Oktortaulungnermut pitinata. Piulitigulle ajortunit.

Lukase 13:4

Ipkoalônêt 18 it nuvugoseksûb Siloamêtub ochovigijangit toᴋodlugillo, inungnit assinginit tamainit Jerusalemêtunit ajornersaunasugivisigîk?

Lukase 6:37

Pasiklerniarase, tagva pasijaunianginivose. Erᴋartuiniarase, tagva erᴋartortaunianginivose. Issumaᴋarveᴋarungnairitse, tagva issumaᴋarviojungnairivose.

Apostelit Piniarningit 13:38

Mânale angutit ᴋatangutigêt, ᴋaujilersiuk, tâpsomûna ajornernit isumangnarungnaitomik oᴋautjaulerapse, tamainillo Môsesib perᴋojanginut idluartitaujungnanginipsingnit.

Efêsusemiunut 1:7

Tâpsomane piulijauviksaᴋarapta aunganut, tamadja ajornernit issumagijaujungnainermik, saimarsaumik akluiningagut;

Efêsusemiunut 4:32

Inôtsiaritsele illanârêkluse nâpkigosukluselo, issumagijungnaitigêgitselo, sorlotauᴋ Gûdib issumagijungnaivigilaungmase Kristuseme.

Kolossamiunut 3:13

Ilipsingnut ilannârêkluse, issumagijungnaitigêgitse, nalise erᴋartuitiksaᴋarune assiminut; sorlo Kristûsib issumagijungnaivigilaungmase, taimaktauk ilipse pititse.