Mattêuse 6:10 - Labrador Inuttitut Heritage Bible

¹⁰ Nâlegauvît ᴋailaule. Pijomajat piniartaule nuname sorlo ᴋilangme.

Mattêuse 6:10 Iomraidhean Croise

Nehemia 9:6

Nâlegak igvitôvotit, igvit ᴋilak pingortilaukpat, ᴋilaillo tamaita ᴋilangit, katimgajoksoangit illaliudlugit, nuna tamaitalo tapsomanêtut, immarbiksuit, tamaitalo tapᴋoa ilûanêtut. Igvillo tamaita pairivattit; ᴋilangmiugaseksuillo tuksiarvigivâtit.

Imgerut 2:6

Uvangale attanneᴋotiga mingoarlugo attanningortilaukpara ᴋaᴋᴋaᴋotimne ivsornaitome Zioneme.

Imgerut 40:8

Pijomajat Gudiga piniarânérivara, malligaksauᴋojattillo ômattimnêput.

Jesaiase 2:2

Uvluksat kingorlingine pijoᴋaromârpoᴋ imâk: Kaᴋᴋaᴋ, Nâlekab iglungata tungavia, ᴋaᴋᴋat ᴋângannẽtsomârpoᴋ poᴋtonersauvlune ᴋaᴋᴋârulangnit tamainit, nallojullo illunamasiatik akpangervigijomârpât.

Jeremia 23:5

Ahâk, uvlut naliutijomârput, oᴋarpoᴋ Nâlagaᴋ, tagva Dâvidemut makititsijomârama nutaijoᴋtomik idluartomik, tâmnalo nâlagauvlune ataniojomârpoᴋ silatudlartomik piniarlune, erᴋartuitsiaromârporlo idluarsaitsiarlunalo nuname.

Daniel 2:44

Atanillo tâpkoa uvlungini ᴋilaub Gûdingata ataniovik âᴋiksoromârpâ, issoᴋangitomut aglât assirortauniatsangitoᴋ, nâligauvioningalo inungita assinginut nûtuksautsangilaᴋ; siᴋalitsilârporli nungutsilunilo ataniovingnik makkoninga tamainik, issoᴋangitomulli itsainaromârpoᴋ.

Daniel 4:35

Silaᴋsoarmiullo ilûnamatsiatik sunaungitotun-ingmatta, issumaminik piniarami ᴋilangmiugasaksoarni, silaᴋsoarmiugasaksuillo akorngani; agganginiglo noᴋartitsijoᴋarungnangilaᴋ, oᴋarvigilugolônêt: Suvêt?

Daniel 7:13

Takotitjutini unnuarmi takovunga, ahâglo, ᴋilaub nuvujangini ᴋaijoᴋarpoᴋ inûb iningatun-itomik, tikiporlo uvlut inuᴋoartunganut, âpâllo tâpsoma sânganut.

Daniel 7:27

Atanioviglo nâlegaunilo ataniovîllo angijôningit ᴋilaub ilûnani atâni tunijaujomârput ᴋotsingnipângojûb ivsornaitungita inunginut; tâpsoma ataniovinga atanioviovoᴋ issoᴋangitoᴋ, nâligaunirillo ilûnatik kivgartoromârpât nâlaklugolo.

Saggaria 9:9

ᴋuviasudlarit, Zionib pania; ᴋaggudlarit, Jerusalemib pania; Ahâk, atanît ᴋaivok ilingnut: idluarpok ajugauvlunelo; sinaungaidlune, siuterᴋortojome iksivavlune, siuterᴋortojûblo nangmarpaktûb noggangata ᴋânganêdlune.

Mattêuse 12:50

Atâtama ᴋilangmêtub pijomajanganik maliktok, tâmna nukarivara, najagivaralo, anânagivaralo.

Mattêuse 16:28

Âhamarik oᴋautivapse: Nangertut ovane ilangita toᴋo ôngniangilât, Inûb Erninga nâlegaunermine aggertok takoᴋârnago.

Mattêuse 26:42

Aipanganik ama tuksiariartorpok, oᴋarlunalo: Atâtak, ajornarpat, ermgusiârsuk pêrlugo uvamnit, imingikupko, tagva pijomajat pile.

Mattêuse 3:2

Oᴋarlunalo: ᴋaᴋialeritse, nâlegauvik ᴋilangmêtok ᴋanitomut tikisimangmat.

Mattêuse 4:17

Naliutomit tamattomangat Jêsuse ajoᴋertuilerpok, oᴋarlunalo: ᴋaᴋialeritse, nâlegauvik ᴋilangmêtok ᴋanitomut tikisimangmat.

Mattêuse 7:21

Ilûnatiungitok uvamnut oᴋartut: Nâlegak, Nâlegak! Nâlegauvingmut ᴋilangmêtomut iterniarput, Atâtamale ᴋilangmêtub perᴋojanginik nâlektut kissimik.

Markuse 11:10

Atâtapta Dâvidib nâlegauvia, Nâlekab attingane tikitoᴋ, nertortaule! Hosianna ᴋotsingnerme!

Markuse 3:35

Gûdible perᴋojanganik maliktoᴋ nukarivara, najagivaralo, anânagivaralo.

Lukase 19:11

Nâlengmatsuglo, amalo adsiujomik oᴋautivait, Jerusalemut ᴋaglilerame, Gûdiblo nâlegauvia tuavidlune sakᴋerniarasugingmatsuk.

Lukase 19:38

Oᴋarlutiglo: Nertortaule tikitok, atanersoak Nâlekab atingane! Ullapirsauteᴋarle ᴋilangme, Nakudlartoᴋarle ᴋotsingnerme!

Lukase 22:42

Oᴋarlunelo: Atâtak, pijomaguvit ermgusiarsuk una pêruk uvamnit; pijomajaraungitorle, pijomajat pile!

Johannese 4:34

Jêsusib oᴋautivait: Tamadja nerᴋiksara, tilijima pijomajanga piniarutigilugo, piniarningalo pijarêrlugo.

Johannese 6:40

Tamadjale tâpsoma tilijima pijomajanga, Erninganik takojok okperivlugolo nungusuitomik inôguteᴋarᴋovlugo; uvangalo ômartitsomârpara uvlut naggatiksangane.

Johannese 7:17

Tâpsoma pijomajanganik piniaromajoᴋarpat, tukkisiniarpoᴋ, ajoᴋertûseᴋ tamanna Gûdemit pingmangât, ubvalo uvamnik oᴋâlamangârma.

Apostelit Piniarningit 13:22

Tâmnalo atanioᴋojungnairamiuk, Dâvide ataningortipâ tâpkonunga, tâpsominga kigligiutjivok imâk: Dâvide nagvârpara, Jessib erninga, angut ômatima idluarijanga, tâpsoma perᴋojakka tamaita maligomârpait.

Apostelit Piniarningit 21:14

Inertertaujomangimalle, sorairpogut oᴋarlutalo: Nâlekab pijomajanga pile!

Apostelit Piniarningit 22:14

Oᴋarporle: Atâtagijapta Gûdingata anerivâtit pijomajanganik ᴋaujititauᴋovlutit idluartotuamiglo takoᴋovlutit, nipemiglo tusarᴋovlutit, ᴋaninganit.

Rômiunut 12:2

Silaᴋsûblo tamattoma inungit adsiginiarasigik, ablatsauleritsele issumapsigut nutângordluse; nautsertorᴋovluse, sunaungmangât Gûdib pijomajanga ajungitoᴋ ᴋuviagijaujorlo nâmamariktorlo.

Efêsusemiunut 6:6

Kivgartorneᴋ inuit takoane, inungnut idluarijaujomavluse, pinago; Kristusible kivgangititut pititse, ômamut Gûdib pijomajanga nâleklugo, ᴋunutuidluse.

Kolossamiunut 1:13

Piulilaungmatigullo tâktub pitsartuninganit, nuktertilutalo Ernerme erdligijame nâlegauvinganut.

Kolossamiunut 1:9

Tamanna pivlugo uvaguttauk uvlormit taimangat tussaumalaurapta tamattominga, soraijunata tuksiarpogut pivluse, ᴋenuvlutalo, ilumertaukovluse ilitarsinermik pijomajanganik, ilisimavalliavluselo silatuvalliaᴋovluse taimainik anernilingnik.

I Tessalônikamiunut 4:3

Tamadja Gûdib pijomajanga: ivjornaituksaunise, assiniarneᴋ ulloreagivlugo.

I Tessalônikamiunut 5:18

Tamainik ᴋujalititse: tamadja Gûdib pijomajanga ilipsingnut Kristûse Jêsuseme.

Ebrêerinut 1:14

Taipkoa ilûnatik anerniongilât kivgartortuksauvlutik; tilijaumajut kivgartorᴋojauvlutik piulijaunermik kingormgujijomârtût pivlugît?

Ebrêerinut 10:36

Kenuersârnermigle pijariaᴋarpose, Gûdib pijomajanganik atutsiarᴋovluse, angerutigijaumajomiglo illangiutititaulerᴋovluse.

Ebrêerinut 10:7

Tagva oᴋarpunga: Ahâk, aggerpunga, aglangne aglaksimavoᴋ uvamnik, Gûde pijomanît nâmaksititaksarigapko.

Ebrêerinut 13:21

Tâpsoma idluarsarlise, ilûnâne ajungitulijungnarᴋovluse perᴋojangit piniarlugit, senalunelo ilupsingne ᴋuviagijaminik, Jêsuse Kristusikut; tâmna nâlengnarsile issoᴋangitomit issoᴋangitomut. Amen.

I Pêtrusib 2:15

Tamadja Gûdib pijomajanga, ilipse ajungitulinermut oᴋausiksairotitserᴋovluse inuit silaitut nelojoᴋsôninginik.

I Pêtrusib 4:2

Kingorngane inôniarnermine sulle uviningme, inuit ikliguninginu-ungitoᴋ, Gûdible pijomajanganut inôniarlune.

Takotitaunermik 11:15

Engelillo 7 ingat tiptulausijarpok. Nippersuit tagva tussartauvut ᴋilangme oᴋartut: Silaksûb ataniovingit perᴋutautitaumavut Nâlegaptingnut Kristûsinganullo, tâmnalo nâlegaviksôniarpok issoᴋangitomit issoᴋangitomut.

Takotitaunermik 12:10

Nippersoarmiglo tussarpunga imâk oᴋartomik ᴋilangme: Mâna piuliklernek, pitsartunerlo, nâlegaunerlo, ajugaᴋanginerlo Gûdipta Kristûsingatalo pigivait, ᴋatangutiptingnik passiklertok kataktitaungmat, tâpkoninga passiklertok Gûdib sângane uvlôtilugolo unnuamelo.

Takotitaunermik 19:6

Inugasaksuillo nippingit tussarpakka, kôksûb nippingatut, kallûblo angijoksûb nippingatut oᴋartut: Hallêluja! Gûdib ajugaᴋangitovitôjub nâlegauvik pigingmago.

Takotitaunermik 20:4

Iksivautaniglo takogivunga; tâpkununga ingilerput, erᴋartuinermiglo perᴋojauvut. Niaᴋoêrtaulauktullo Jêsusemik kigligiutsinek Gûdiblo oᴋausinga pitjutigilugik, nergjumiglo adsingoanganiglônêt tuksiarveᴋalaungitut, nelunaikutanganiglônêt tigusilaungitut ᴋaungmikut aggangmikullo, tâpkoa tarningit takogivakka: tâpkoa ômarput ataniotivlutiglo Kristûse illagilugo jârit tausendit nâvlugit.