Mattêuse 5:7 - Labrador Inuttitut Heritage Bible

⁷ Piloridlarput nâpkiniktut; nâpkigijaujomârmatta.

Mattêuse 5:7 Iomraidhean Croise

II Samuel 17:28

Aumitinik, pôgutaniglo, illulerᴋuteniglo macharnik, Weizenik, Gerstenik, sannaukamiglo, Gersteniglo jarasimajunik, Bohneniglo, Linsiniglo, Grützeniglo,

II Samuel 22:26

Heiligeôjune heiligeôvotit, idluartunelo idluarpotit.

Imgerut 112:4

Idluitailijut nuiviôvut ᴋaumajomik târtome, saimarveᴋarosuktomit nâpkoarosuktomillo idluartomillo.

Imgerut 112:9

Kangasuivok tunnijilunelo aklujunut; idluarninga îtsainarpok issoᴋangitomut; naksunga ᴋongmuartitauvok nertortauvlune.

Imgerut 18:25

Hailigeôjunne hailigeôvotit, idluartunelo idluarpotit,

Imgerut 37:26

Uvlut tamaita pillitsivok attarksiakititsilunelo, kinguvângillo saimartisimavut.

Salomob Okâl 11:17

Angut naglingniktok timiminut ajungitullivok; takopsoajuitorle kiksartitsivok uviniminik.

Salomob Okâl 11:25

Tarne, nakoksititsiᴋattartok kuininiarpok; nâmaktomiglo imertitsijok, nâmaktomik imertitauniarpok.

Salomob Okâl 14:21

Idluitullijub inûᴋattine nachogiva; pilloridlarporle pattangajunnik nâpkigosuktok.

Salomob Okâl 19:17

Aklujomik napᴋiniktok, attartortitsivok Nâlekamik; tapsoma akkivigijomârpa ajungitullininginik.

Jesaiase 57:1

Idluartok perlerpoᴋ, õmammiutarᴋsijoᴋangilarlo; inuit idluitailijut pêrtaulerput, mallugosuktoᴋangilarlo, idluartut pêrtaungmatta kappiasugvingmit.

Daniel 4:27

Tamanna pivlugo, ataniᴋ, atanituinira idluariuk, ajornitillo sattôtigikit idluarnimik, idluitulinitillo nâpkiningnimik aklujunik; ulapirᴋsautît sivitonisaunajangimangât.

Hosea 1:6

Taimnalo singailerivoᴋ, paningmiglo ernivoᴋ. Nâlekablo oᴋautivâ: Atseraruk Lo-ruhamamik: Israêlib ᴋitorngangit nâpkigojomairapkit, issumagijungnaivigijomangimarikpakkalo.

Hosea 2:1

Katangutise angutit imailiorvigisigik: Ammi, tamadja: Inuᴋotikka; ᴋatangutiselo arnat: Ruhama, tamadja: Nâpkigijauvose.

Hosea 2:23

Tâmnalo karngasoromârpara uvamnut nuname; tâmnalo nâpkigijaulaungitoᴋ nâpkigijomârpara; ipkoalo inuᴋutaulaungitut uvamnut oᴋautitsomârpakka: Inuᴋotigivapse; tâpkoalo oᴋaromârput: Gudigivaptigit.

Migga 6:8

Unertutjivigivâtit, inuk, suna ajungitomangât; sunamiglo Nâlegaᴋ pijomavâ ilingnît? Imaitomik kissiane ilâ: idluarsaitsiarᴋovlutit, nâpkigosudlarᴋovlutillo, nikanarsârlutillo arvertarᴋovlutit Gudît ilagilugo.

Markuse 11:25

Nangerluselo tuksiarupse, assipsingnut patsitiksase issumagijungnaisigik, Atâtase ᴋilangmêtoᴋ issumagijungnainerᴋovlugo tamarnipsingniktauᴋ.

Lukase 6:35

Tamanna pivlugo ômigijise naglingniarsigik; pitsiarluselo attarsiaᴋisititse, sumik nerriugutiginago; akkiksase angidlaromârpok tagva, ᴋotsingnerublo ᴋitorngarijomârpâse. Tâpsoma avagingmagit ᴋujalingitut kasêtullo.

Rômiunut 11:30

Sorlo ilipsetauᴋ itsaᴋ okpingitôlaurapse Gûdemut, mânale nâpkigijaulerdluse, taipkoa okpingimatta,

I Korintemiunut 7:25

Uigasuille pivlugit perᴋojaᴋsilaungilanga Nâlekamit; issumagale anipara, Nâlekamut nâpkigijaulaurama, nelâgôrᴋovlunga.

II Korintemiunut 4:1

Taimaimat, taimaitomik kivgartôteᴋarapta, nâpkoarijaunivut maliklugo merngortorniangilagut;

Efêsusemiunut 4:32

Inôtsiaritsele illanârêkluse nâpkigosukluselo, issumagijungnaitigêgitselo, sorlotauᴋ Gûdib issumagijungnaivigilaungmase Kristuseme.

Kolossamiunut 3:12

Taimaimat, Gûdub anerimajangititut ivsornaitutitullo, naglingnartutitullo, atinialeritse ômamut nâpkigosungnermik, inôtsiarnermiglo, piojoringinermiglo, ᴋenuênermiglo, kamangitsertornermiglo;

I Timôteusemut 1:13

Sivorngagut mitauteᴋartoksôjunga (Gûdemik) unangmiklertoksôlarmalo, oᴋauserluktiolarmalo; nâpkigijaulertungale, nalovlunga okperneᴋarnangalo taimailiulaurama.

I Timôteusemut 1:16

Taimaimalle nâpkigijaulerpunga, Jêsuse Kristûse sakᴋertitserᴋovlugo ᴋenuersârnerminik, piluartomik uvamne, igjaraksaulerᴋovlunga okperomârtunut tâpsomunga inôseᴋarniardlutik issoᴋangitomik.

Ebrêerinut 4:16

Taimaimat sivôralugata iksivautaᴋsoaᴋ saimarvigijauvik nellipsarlavut, nâpkigijaulerᴋovluta, saimarsaumiglo nagvârᴋovluta piulijaujariaᴋarniptingne.

Ebrêerinut 6:10

Gûde idluitôngimat, puigorniarlugit piniarnise senaniselo naglingnermut, tâpsoma attingane pijase, ivjornaitut kivgartulaurapsigik, sullelo kivgartorapsigik.

Jâkobusib 2:13

Nâpkigosujuitorle nâpkigosujuitomik erᴋartortaujomârmat; nâpkigosungnerle nertôtivok erᴋartuinermut pijaunane.

Jâkobusib 3:17

Silatunerle pângat pijok sivorlermik ikliguktailivok, taimâktauk ullapirsausêjok, ᴋenuêtok, oᴋautsarêngitok, nâpkigosuktoksôjok ajungituliᴋattarlune, adsigêktitsijok, takkormôjuitok.

I Pêtrusib 2:10

Ilipse sivorngane inuᴋatigêlaungitose; mânale Gûdib inuᴋotigivâse; itsarlo saimarsauteᴋangitose, mânale saimautjauvose.