Mattêuse 5:34 - Labrador Inuttitut Heritage Bible

³⁴ Uvangale oᴋautivapse; Angermariktuksautsangilase, ᴋilaglônêt taiᴋassiutivlugo, Gûdib iksivautaringmago;

Mattêuse 5:34 Iomraidhean Croise

Imgerut 11:4

Nâlegak Tempeleᴋotiminêpok ivsornaitome; Nâlekab iksivautanga ᴋillangmêpok; ijigik tautukpuk, ijingminullo nautsertorpait Inuit ᴋittorngangit.

Okaluktok 9:2

Ilûnatik adsigêktomik illiorneᴋarput, pijoᴋarpaktut tikkiput adsigêktomik idluartomut Gûdeᴋangitomullo, ajungitomut ivsornaitomullo ivsornartomuttut, tâpsomunga tunnergutiksamik tunnijijomut, tunnergutiksamik tunnijilungitomuttut. Sôrlo ajungitok illiormat taimailingavoktauk ajortok. Sôrlo saglovlune angertok illiormat, taimâk illingavoktauk angernermik sivôrajok.

Jesaiase 57:15

Kotsiktomẽtoᴋ Nâlegaviksôjorlo, soᴋosijuitomik inneᴋartoᴋ, atteᴋartorlo ivsornaitoᴋsôjomik imâk oᴋarmat: Kotsiktome ivsornaitovingmelo inneᴋarpunga, taimaktauᴋ õmateᴋartune serᴋomisimajunik nallopᴋotijuniglo, nallopᴋotijut anerningat nakoᴋsititsomavlugo serᴋomisimajullo ômatingat nakoᴋsititsomavlugo.

Jesaiase 66:1

Nalegak oᴋarpoᴋ imâk: Kilak iksivautarivara, nunalo ittikkama ikkovrarivât; sunamik uvamnut iglolioromavisê. sunamiglo innilangaviksamnik?

Apostelit Piniarningit 7:49

Kilak iksivautarivara, nunalo itikama ikkoggarivât; sunamik uvamnut iglolioromavisê? Nâlegak oᴋarpok; nanelônêt merngoerserviksamnîk?

Jâkobusib 5:12

Angnerôjomigle (oᴋaupapse) ᴋatangutikka, angalungniarase, ᴋilangmiglônêt nunamiglônêt assinginiglônêt taisiluse angalungnermut. Ahailârangapse, ahailârnise taimaile, aukârangapse, aukârnise taimaile; takkormôrnermut kataᴋonase.