Mattêuse 5:3 - Labrador Inuttitut Heritage Bible

³ Piloridlarput aklujut anernerme: nâlegauvik ᴋilangmêtok pigileramitsuk.

Mattêuse 5:3 Iomraidhean Croise

II Kronika 33:12

Kappianartomênamelo ᴋennuvok Nalekamut Gudiminut mannigotitilunelo Nalekab atâtagijame Gudingata sângane.

II Kronika 33:19

Tuksiarningillo, ᴋannorlo tussartauninga, ajorningillo, idluitulliningillo, innillo sannavigilauktangit poktojunik, nappartuniglo Gudingoalingnik, Gudingoaniglo, manigotitiᴋârtinago, ahâk, tamakkoa aglaksimavut takkojut unipkausingine.

II Kronika 33:23

Manigotitilaungilarlo Nalekab sângane, Manassetut atâtangatut; tamna Amon idluitullingmat unnuktunik.

II Kronika 34:27

Tamanna pivlugo omattit auksititaumangmat, manigotitilauravillo Gudib sângane, oᴋausingit tussarlaurangne, iglugasaksuit makkoa pivlugit, innungillo pitjutigellugit, manigotitilauravillo sâmne annoraᴋotitit allilaurangne, ᴋugviolauravillo sâmne, tagva uvanga tussarlaurivagittauk, Nalegak oᴋarpok.

II Kronika 7:14

Innuᴋotikkalo attera malliklugo atserarsimajut nikkanarsarpatta, tuksiarpattalo, kênaralo ᴋennerlugo pikpatta, sagiarlutiglo apᴋotigijamingnit idluitomit; tagva ᴋillangmit tussaromavunga, issumagijungnailugillo ajorningit, nunangallo innulilugo.

Hiobe 42:6

Tamanna pivlugo passijaksaunerarpunga, ᴋakᴋialerlungalo sannerne arsannelo.

Imgerut 1:1

Pilloringmek tâmna arvertarlungitok Gûdeᴋangitut ᴋajusimakattigêngningat malliklugo, tullerajarilungitorlonêt ajortullijut apᴋutânnik, iksivalungitorlonêt mittauteartut iksivavigijanginne;

Imgerut 112:1

Hallêluja. Pillorikpok Nâlekamik sivôrajok, ᴋuviasuteᴋadlartok tâpsoma perᴋojanginnik.

Imgerut 128:1

Pillorikpok tâmna Nâlekamik sivôrajok, arvertartorlo tâpsoma apᴋosiningane.

Imgerut 146:5

Pilloringnarmêk, ikajorteᴋartok Jakob Gûdinganik, sungertuteᴋartok Nâlekamik Gûdiminik;

Imgerut 2:12

Ernek kunnissiuk, ningarᴋonago, nungutauᴋonaselo apᴋome; ningarninga ikkoalasarainiarmat; pilloridlarpulle illunatik tatteartut tapsominga.

Imgerut 34:18

Nâlegak ᴋannipok serᴋomisimajunnik ômattelingnut, ikajorpaillo issumamikut kappiasuktut.

Imgerut 41:1

Pillorikpok ajoksartomik ikajorte; Nâlekab piuliniarpâ nalliunerluktome.

Imgerut 51:17

Tunnergutit Gûdib ᴋuviagijangit, annerniôvut serᴋomisimajok; ômamik kappiasuktomik serᴋomisimajomiglo igvit Gûde nachoniangilatit.

Imgerut 84:12

Nâlegak Zêbaot, pillorikpok innuk sungertuteᴋartok illingnik.

Salomob Okâl 16:19

Nâmanersauvok annerneᴋarlune nikkanarsartomik pattangajut ilagilugit, aitortuinermit aksarnigaujunnik pingijaitut ilagilugit.

Salomob Okâl 29:23

Inuk pingijainerminut kattaktitauniarpok; piojorijuitorle opigijauniarpok.

Salomob Okâl 8:32

Taimaimat Nâleksinga mânna ᴋitorngakka; pilloridlarput apᴋotimnik ivlersijut.

Jesaiase 30:18

Taimaimat Nâlegaᴋ utaᴋᴋijomârpoᴋ saimarvigijomavluse, ᴋannitsomângilaᴋ nâpkigijomavluse, Nâlegaᴋ Gûdeongmat erᴋartuijoᴋ. Pillorikput illũnatik tâpsominga nerriuktut.

Jesaiase 57:15

Kotsiktomẽtoᴋ Nâlegaviksôjorlo, soᴋosijuitomik inneᴋartoᴋ, atteᴋartorlo ivsornaitoᴋsôjomik imâk oᴋarmat: Kotsiktome ivsornaitovingmelo inneᴋarpunga, taimaktauᴋ õmateᴋartune serᴋomisimajunik nallopᴋotijuniglo, nallopᴋotijut anerningat nakoᴋsititsomavlugo serᴋomisimajullo ômatingat nakoᴋsititsomavlugo.

Jesaiase 61:1

Nalekab Gûdib anerningata ᴋollangiarpânga, Nâlekab mingoarmanga, oᴋautsinik tussarnertunik oᴋâlarᴋovlunga ajulertunut; tillivânga, serᴋomisimajunik õmatelingnik mangipsêrᴋovlunga, parngnanairsimavingnẽtunik ᴋaujititserᴋovlunga anniviksangannik ᴋellaᴋsortaujullo ᴋellarutjârtauniksangannik,

Jesaiase 66:2

Aggama tamakkoa tamaita sanavait, taimaglo tamakkoa illũnatik pingulerput, oᴋarpoᴋ Nâlegaᴋ. Imaitoᴋ takunârpara: ajulertoᴋ, serᴋomisimajomik anernilik, oᴋausimnik sivorajoᴋ.

Migga 6:8

Unertutjivigivâtit, inuk, suna ajungitomangât; sunamiglo Nâlegaᴋ pijomavâ ilingnît? Imaitomik kissiane ilâ: idluarsaitsiarᴋovlutit, nâpkigosudlarᴋovlutillo, nikanarsârlutillo arvertarᴋovlutit Gudît ilagilugo.

Mattêuse 11:25

Taipsomane Jêsuse oᴋalerpok: Atâtak, ᴋilaublo nunablo nâlegangak, nakorivagit, ilisimajunut silatujunullo tamanna angigutjutigigangne, nutaᴋᴋatitun-itunullo nalojungnaitijutigigangne.

Mattêuse 11:6

Piloridlarporlo sinaungajuteᴋalungitok uvamnik.

Mattêuse 13:16

Piloridlarpulle ijise, tautukamik, siutiselo, tussâgamik.

Mattêuse 19:14

Jêsusele oᴋarpok: Nutakᴋat uvamnut pilit, inerterasigiglo, tâpkoa, Gûdib nâlegauvinga pigingmatsuk.

Mattêuse 24:46

Kivgaᴋ tâmna piloridlarpok, taimailiortok, ataningata tikipago.

Mattêuse 25:34

Tagva Nâlekab talerpingme tungânêtut oᴋautijomârpait: ᴋaititse, Atâtama nagliktangit, nâlegauvik kingormgutilersiuk, ilipsingnut pijarêrsimajok silaksûb pigiarninganit.

Mattêuse 3:2

Oᴋarlunalo: ᴋaᴋialeritse, nâlegauvik ᴋilangmêtok ᴋanitomut tikisimangmat.

Mattêuse 8:11

Oᴋautivapsele: Inugasaksuit unangat pângallo tikitsomârput, Abrahalo, Isaarlo Jâkolo iksivaᴋatigijomârlugit nâlegauvingme ᴋilangmêtome.

Markuse 10:14

Jêsusible tamanna takogamiuk, idluaringilâ, oᴋautivlugillo: Nutaᴋat uvamnut pilit, inerterasigiglo; tâpkoa Gûdib nâlegauvinga pigingmatsuk.

Lukase 11:28

Kiovâle: Ila, piloridlarput Gûdib oᴋausinginik tussartut torᴋorlugillo.

Lukase 18:14

Oᴋaupapse: tâmna aipaminit ajornerminit issumagijaujungnainersauvlune atersârpok iglominut. Ingminik angijorortitok miklilertitaujomârpok, ingminiglo miklilertitok angijorortitaujomârpok.

Lukase 22:29

Nâlegauviglo tunijomavara ilipsingnut, sorlo Atâtama ᴋailaungmago uvamnut.

Lukase 22:30

Nerriluselo imertuksauvose nerrimârvimne nâlegauvimnêtome, iksivaluselo iksivautane, Israêlib kinguvângit ᴋitorngarêt 12 it erᴋartorlugit.

Lukase 4:18

Nâlekab Anerningata najorpânga, taimaimat mingoalaukpânga, tililarmalo oᴋautsinik tussarnertunik oᴋâlaᴋovlunga aklujunut, inûliklerᴋovângalo serᴋomisimajunik ômatilingnik, parngnanairsimavingmêtullo aniviksanginik ᴋaujitilugit, tautungitullo tautulerᴋovlugit, kappiasuktullo kappiasugungnairᴋovlugit ajorungnairᴋovlugillo,

Johannese 20:29

Jêsusib oᴋautivâ: Takogamga, Tômase, okperpotit. Piloridlarput takolugatik okpertut!

Deuteronomy 8:2

Erᴋaijuksauvotillo apᴋomik ilûnânik Nâlekab Gûdivît tesiorvigijanganik ilingnik jârit makkoa 40 nâvlugit sunaᴋajuitome, nikanarsârtitsomavlutit ôktoromavlutillo, ᴋaujijomavlune sunamik ômamiutaᴋarmangârpit, perᴋojat malingniarmangângne malingniangimangângnelônêt.

Jâkobusib 1:10

Akluitorlo nikanarnerminik nertôtile: asseroromârame iviksukab nuvugolângatut.

Jâkobusib 1:12

Piloridlarpok angut ôktortaunermik ᴋenuersârtok; ôktugaudlarame, tagva niaᴋôtemik ômanartomik pijomârpok Gûdib angerutigijanganik nagliktiminut.

Jâkobusib 2:5

Nâlagitse, nagliktakka ᴋatangutikka: Silaksoarme mattomane aklujut, okpernermik akluilutik Gûdib anerilaungilagît, kingormgujeᴋovlugit nâlegauvingmik, nagliktiminut angerutigijaminîk?

Takotitaunermik 19:9

Oᴋarvigivângalo: Aglagit: Piloridlarput ᴋairᴋojaujut Saugârsûb Kommunioninganut katititauviksangane. Oᴋarvigigivânga: Tamakkoa Gûdib oᴋausingit mikseᴋârtôjut.

Takotitaunermik 22:14

Piloridlarput perᴋojanginik nâlektut, pitsartuneᴋarᴋovlugit napârtomut ômanartomut, itertarvikullo iterᴋovlugit iglogasaksoarnut.

Takotitaunermik 3:17

Imâk oᴋauseᴋarpotit: Akluipunga pitaᴋadlarpungalo, ajoksatsangitunga; nalovlutillo ajudlaravit, takominaidlalarpullo, aklujoksôlarpillo, tautungitôlarpillo, annorâᴋarnaglo.