Mattêuse 5:22 - Labrador Inuttitut Heritage Bible

²² Uvangale oᴋautivapse: ᴋatangutiminut nâmaksingitok (pitjuteᴋarane) idluarsaivingmut pijaksautipok ingminik; ᴋatangutiminulle oᴋartok: Koinangnadlâluᴋên? kiglisiniarᴋatigêngnut pijaksautipok ingminik; oᴋartorle: Ominauteâluᴋotse, ingminik pijaksautipok ᴋôrᴋub piunginelukoviub ikomanganut.

Mattêuse 5:22 Iomraidhean Croise

Genesis 37:4

Katangutingitale malugigamitsuk atâtanganut nagliginersarijaujoᴋ katangutinginit tamainit, omigilerpât illanârnartomiglo oᴋarvigivlugo sapperpât.

Genesis 37:8

Tagva ᴋatangutingata oᴋautivât: Igvit attanerijaksarigalloarpitigît nâlagaksarivlutillo? Sugaluluartomiglo omigilerpât sinnaktômaningit pivlugit oᴋausingillo pivlugit.

II Samuel 16:7

Imâgle Simei oᴋarpok, oᴋarnerlutjilune: Annit, annit, kingmiôjotit aungmik nerrijok, anguteâlôjotit!

II Samuel 6:20

Davidele uttermat iglomioᴋotine saimartitsomavlugit, tagva Michalib Saulib panningata pachreartorpa, oᴋarlunelo: ᴋannok ânanaudlalaukpok uvlome Israelitit attanningat, kivgame kivgangita arnat sângine anorairsimalauktok, sorlo innuit illuserluktut annorairpangmatta.

I Atannit 21:4

Tagva Ahabe angerarpok ningaumajarlune oᴋausek tamânna pivlugo, Nabotib Jesreelemiub oᴋauserilauktanga tapsomunga, oᴋarlunelo: kingormgutijara atâtagijamnit tunnijomangilara illingnut. Innarporlo sinigvingminut, kênanelo ᴋeviartipâ, ᴋakᴋojaktoranelo.

II Kronika 16:10

Assable takkojok ningarvigiva, pitilâlo parngnanêrsimavingmut; oᴋalokivigivalo pijoᴋartok tamanna pivlugo. Assablo nalliutome taipsomane innugasaksuit illangit nênerpait.

II Kronika 19:5

Idluarsaijoᴋartitsivorlo nuname Judakut iglugasaksoangine sôngojune illunaine.

Nehemia 5:8

Oᴋautivakkalo: Uvagut ᴋatangutivut Judit nellojunut niovgutigijaumalauktut pissiarilugit kippalutjarlaukpavut, ajugaringitaptingnit; ilipselo ᴋatangutisse niorvgotigijomavisigik, uvagut pissiarilauktavut? Tagva nippangerput, kiogutiksarsijungnaratiglo.

Imgerut 109:3

Illumavânga oᴋautsinnut ômisungnelingnut, akkerartorpângalo pitjuteᴋaratik.

Imgerut 14:1

Sillaitut ômattimingne oᴋarput: Gûdeᴋangilak! Piungilet, makkojungnartôlutiglo pinniarninginnut; tagvane ajungitullijoᴋangilak.

Imgerut 25:3

Illunatik illingnik nerriuktut kangusuktitaungimatta, kangusuktitaujariaᴋarpulle pitjuteᴋaratik nertornangitomik piniartut.

Imgerut 35:19

ᴋuviasuᴋoniarnagit pivlunga, sullinatik ômigijikka; ijinginnullo allêkutekarkoniarnagillo uvamnik, pitjuteᴋaratik ômisuktut uvamnik.

Imgerut 37:8

Ningarnek allaruk, ᴋaningarnerlo ipperaruk; ningarnak idluitullerᴋonak!

Imgerut 49:10

Takkogame sillatôjut toᴋᴋomattatauk sillaitutitut illissimaitutitullo, perᴋutitiglo ᴋemagariaᴋarmagit assimingnut.

Imgerut 69:4

Pitjuteᴋaratik illuluktut ômisuktut uvamnik, tâpkoa unnurnersauvut nutjânit pigijamnit niaᴋumne. Sullinatik ômisuktut uvamnik asseroijullo, pitsartojoksôvut. Akkilêjariaᴋarpunga aksârnerilaungitamnik.

Imgerut 7:4

Idluitomik akkililaurupkit taipkoa ullapirsauteᴋarlutik inuᴋattigilauktakka; taipkoalonêt pitjuteᴋaratik ômisulauktut uvamnik akkunarlaurupkit:

Imgerut 92:6

Sillaitub tamanna ᴋaujimangilâ illissimaitublo mallugingilâ.

Salomob Okâl 14:16

Ilisimajok sivôravok, idluinerlo attortailiva; silaitorle iktoriktailune kamatsengilak sumiglonêt.

Salomob Okâl 18:6

Silaitub kangasinâgik ilingasaraipuk aivanermut, ᴋaningalo anaulertaunermik ᴋairᴋojivok.

Jeremia 17:11

Sorlo aᴋigeᴋ ivangmat manninik mannerilungitaminik, taimailingavoᴋ akluinernik katersoijoᴋ, idluartoku-ungitoᴋ; uvluksame ᴋeterᴋangine ᴋemagaksarijomârpait, naggatiksaminalo salaitôjomârpoᴋ.

Jeremiab Ogguarutigijangit 3:52

Akkerama unangmidlalaukpânga angijomik tingmiatut, pitjuteᴋaratigle.

Daniel 3:13

Tagva Nebukadnezarib ningadlarnimini ilungitudlarniminilo, Sâdraki, Mîsakilo, Abednigolo ᴋaitauᴋovait. Angutillo tâpkoa âtauvut ataniub sânganut.

Daniel 3:19

Tâva Nebukadnezar ilumitauvoᴋ ningadlarnimik, kênangatalo tautua ablatsangolipoᴋ Sâdrakimut, Mîsakimullo, Abednigomullo; taimaimallo oᴋarluni piᴋojivoᴋ kiaksauteâluk 7ertorlugo ônarnisautitaksaringmatsuk ilusirivaktanganit.

Obadia 1:10

Idluitulinerilauᴋtatit nukarnut Jâkomut pitjutigivlugit kangusungnerub ulilârpâtit, kipijaulârpotillo issoᴋangitomut.

Obadia 1:12

Nukavikpîllo uvlunga takonârniarnago pît, uvlorme ajaktortauvingane, Jûdablo ᴋitorngangit ᴋuviasûtiginiarnagit kapiasungningita uvlungane; pingijainartuniglo oᴋauseᴋarniarnak uvlorme kapianartovingme.

Mattêuse 10:17

Inungnigle ilimasugitse; kiglisiniarvingmingnut âtsomârmase, issaᴋavluselo ilinniarvingmingne.

Mattêuse 10:28

Erᴋsiginiarasigiglo timinik toᴋotsijut, tarninigle toᴋotsijungnangitut. Anginersamigle taimna erᴋsigisiuk, timiniglo tarniniglo asserortitsijungnartok ânianartovingme.

Mattêuse 12:24

Farisêerille, tamanna tussaramitsuk, oᴋarput: Sâtanasit anitipait, Beelzebubib, Sâtanasit ataningata, pitsartuninganut kissianut.

Mattêuse 17:5

Sulle taimâk oᴋartilugo, ahâk nuvujab ᴋaumajub ullikpait. Ahâglo, nippe nuvujamit oᴋarpok: Tagga ernera nagliktara, ᴋuviagijara, tâmna nâleksiuk!

Mattêuse 18:21

Tagva Pêtrusib aperijartorpâ, oᴋarlunalo: Nâlegak, ᴋatangutiga idluitulijok uvamnut, ᴋapsertorlunga issumaᴋarvigijungairaksarivigô? 7 ertorlunga nâmakᴋâ?

Mattêuse 18:35

Taimâktauk Atâtama ᴋilangmiub pijomârivâse, ômatipsingne ᴋatangutipse tammarningit issumagijungnainiangikupsigik.

Mattêuse 23:15

Kappianamêk ilipse aglangnik ilisimajut Farisêerillo, takkormôrtose. Nunakullo imakullo ingergagapse, illaksarsiorluse Judioᴋatiksapsingnik! illagigupsiuglo, tâᴋtomut ᴋitorngautipase, maggûertorlugo ilipsingnit.

Mattêuse 23:33

Kuglugiangojârtose, ᴋuglugiarâlôjârtose, ᴋanok ilivluse erᴋartortaumaneᴋ kappianartolik ᴋemâjomavisiûk?

Mattêuse 25:41

Saumingmêtunullo oᴋarniarivok; Idluitoâlôjose, uvamnit aularitse, ikomamut ᴋamitsuitomut pijarêrsimajomut Sâtanasemut Engelinginullo.

Mattêuse 26:59

Ajoᴋertuijoksuille angajoᴋâllo ᴋaggimiojullo ilûnatik saglutiksarsiorput Jêsuse pivlugo, toᴋotsomavlugo.

Mattêuse 3:17

Ahâglo, nippe ᴋilangmit oᴋarpok: Tagva ernera nagliktara, tâmna ᴋuviagijara.

Mattêuse 5:34

Uvangale oᴋautivapse; Angermariktuksautsangilase, ᴋilaglônêt taiᴋassiutivlugo, Gûdib iksivautaringmago;

Mattêuse 5:44

Uvangale oᴋautivapse: Akkerartortise nagligisigik; ilipsingnut oᴋauserluktut saimartisigik; ômigijise ajungituliviginiarsigik; ilipsingnik kiksartitsijut unangmiklertullo tuksiarutisigik.

Markuse 14:55

Ajoᴋertuijoᴋsuille ᴋaggimiojullo ilûnatik pasitiksarsiorput Jêsuse pivlugo, toᴋotsomavlugo, nagvângilallo.

Markuse 15:1

Kaulermallo erinesuklutik ajoᴋertuijoᴋsuit, angajoᴋâllo, aglangniglo illisimajut, kiglisiniarpaktullo ilûnatik ᴋaggimiolerput, Jêsuselo ᴋelaᴋsorlugo aularutivât, Pilatusemullo unertujutigivât.

Lukase 12:5

Sivôragijaksapsingnigle oᴋautijomavapse: Tâmna erᴋsigisiuk, toᴋotsijarêrune, pitsartuneᴋarmijok egitsinermik ânianartovingmut. Ilâ oᴋaupapse, tâmna erᴋsigisiuk.

Lukase 22:66

ᴋaulermallo, inuit angajoᴋângit, ajoᴋertuijoksuillo aglangniglo ilisimajut ᴋaggimiolerput, kiglisiniarviksoamingnullo âpât.

Johannese 11:47

Tagva ajoᴋertuijoᴋsuit Farisêerillo ᴋaggimiojunik katimatitsivut, oᴋarlutiglo: Sumik piniartuksauvitâ? Inuk taimna tatamnartitsivoᴋ unuktunik.

Johannese 15:25

Oᴋautsille nelautsilerᴋovlugit aglaksimajut perᴋojangine: Pitjuteᴋaratik ômigivânga.

Johannese 7:20

Inuit kiovut oᴋarlutiglo: Sâtanaseᴋarpotit; kia toᴋonasuarpâtît?

Johannese 8:48

Tagva Jûdit kiovât oᴋautivlugolo: Nelâgut oᴋangilagût, Samâriamiogavit, Sâtanaseᴋarlarpillô?

Apostelit Piniarningit 17:18

Epikurêerillo ilangit Stoikerillo Filosôfit (ilisimaneksiortit) akkerartorpât; ilangillo oᴋarput: Kaneᴋadlartok una ᴋanok oᴋauseᴋarᴋâ? Ilangille oᴋarivut: Sorlo Gûdinik takorngartanik oᴋâlajomajok; oᴋautsinik tusarnertunik Jêsusemik makitoᴋaromârtomiglo oᴋautilaungmagit.

Apostelit Piniarningit 22:30

Uvlub aipangane tusaromamarilerame, sôᴋ pasijaungmangât Jûdinut, ᴋelarutjartauᴋovâ, ajoᴋertuijoksuillo kiglisiniartuksallo ilûnaita ᴋaiᴋolerpait, Pauluselo sakᴋertipâ, pitilugolo tâpkoa akornganut.

Apostelit Piniarningit 23:1

Paulusible kiglisiniartut takonârpait oᴋarlunelo: Ilipse angutit ᴋatangutigêt, idluartomik isumaᴋarlunga Gûdib sângane arvertalaukpunga, uvlok tamanna tikidlugo.

Apostelit Piniarningit 24:20

Ukualônêt nangminek oᴋarlit, sumik idluangitimok malungnarmangârma, kiglisiniartut sângane nangertilunga;

Apostelit Piniarningit 4:15

Anerᴋovakillo kiglisiniarvingmit, isumaksarsioᴋatigêᴋârdlutiglo oᴋarput:

Apostelit Piniarningit 5:21

Tamanna tusaramitsuk uvlârorlutik katimaviksoarmut ajoᴋertuijartorput. Ajoᴋertuinerojuble ilagijangitalo ᴋailutik katimaᴋolerpait kiglisiniarpaktut Israêliblo ᴋitorngangita angajoᴋângit tamaita, parngnanairsimavingmullo tiliklerput aijauᴋovlugit tâpkoa.

Apostelit Piniarningit 5:27

Tikiutigamigillo, kiglisiniartunut pitipait. Ajoᴋertuinerojublo apersorpait,

Apostelit Piniarningit 6:12

Inuillo pikablâtipait, angajoᴋâllo, aglangniglo ilisimajut; tikidlugo tassigoarpât, kiglisiniartunullo âpât.

Apostelit Piniarningit 6:15

Takunârpâllo kiglisiniarvingme iksivajut ilûnatik kênangalo takovât, sorlo Engelib kênangatut.

Apostelit Piniarningit 7:37

Tâmnauvok Môsese, Israêlib ᴋitornganginut oᴋalauktok: Nâlekab Gûdipse nalautaijomik tunitjivigijomârpâse ᴋatangutipsingnit, uvaptun-itomik; tâmna tusâgôraksarivase.

Rômiunut 12:10

Ilungertordluse ᴋatangutigêktutitut nagliktigêngniaritse. Opigijigêleritse sivorliortigêkluse.

I Korintemiunut 6:10

Tigliguillônêt, pijomatudlartullônêt, tallatullônêt, oᴋauserludlartullônêt, arᴋtaijullônêt Gûdib nâlegauvinganik kingormgujiniangilat.

I Korintemiunut 6:6

ᴋatangulle akkerartorpok ᴋatangutiminut, okpingitut takoane aglât.

Deuteronomy 15:11

Aklujokarungnainiangimat nuname, tamanna pivlugo perᴋovagit, oᴋarlunga: Aggatit issivitaksarivatit ᴋatangutingnut ajoksartomut, aklujomullo nunangne.

Deuteronomy 16:18

Idluarsaijunik aulatsijuksaniglo ilijijuksauvotit ilingnut itertarvingne tamaine Nâlekab tunijangane ilingnut, kinguvângoᴋatigêngnitit maliklugit; tâpkoalo idluarsainermut nelâgôrtomut inuit idluarsaraksarivait.

I Tessalônikamiunut 4:6

Neliselo ᴋatangutiminik oᴋumaititsitailile uivêrinagolo sumut; Nâlegaᴋ tamakkoninga tamainik akkiniarteongmat, sôrlo oᴋarvigilaurapse ipsomane kigligiutigivlugo.

Titusemut 3:2

Kimiglônêt mitauteᴋaratik, akkerartortaililutik, inôtsiarlutik, ningarosujuinermik sakᴋertitsilutik inungnut tamainut.

Ebrêerinut 12:25

Udsertoritse, oᴋâlajomik tapatoᴋonase, Taipkoa, nuname oᴋâlatilugo tapatôlauᴋtut, ᴋemâjungnalaungimatta, tagva uvagut piluartomik ᴋemâjungnangilagut ᴋilangmit oᴋâlajoᴋ tapagiguptigo.

Ebrêerinut 5:9

Tamaitalo nâmaksitinamigit, nalektiminut ilûnainut piulijaujutaumalerpoᴋ nâksaungitomik;

Jâkobusib 2:20

Inugle atungitôjotit, nalojungnairomavêt, okpernek ajungitulinermik ilaᴋangikune toᴋungangmât?

Jâkobusib 3:6

Oᴋaktauk ikomauvok, silaksoangolarmelo idluitoksoarnik tattadlune. Taimaidlune oᴋab avatipta akornganêtub time ilûnât ivsornartipâ, ikilugolo inôsivut ilûnât, ikitaugame Sâtanasib ikomanganut.

I Pêtrusib 2:23

Tâmna suaktaujarangame, suangilaᴋ; âniatitaugame, silungilaᴋ; idluartomigle erᴋartuijomut tamanna perᴋovâ.

I Pêtrusib 3:9

Ajorneᴋ ajortomut akkiniartaililugo, suagosungnerillônêt suangnermut; ajungitulititsele, ᴋaujimagapse, ᴋairᴋojaumagapse, saimanartolingmik kingormgutijaksaᴋarᴋovluse.

I Johannesib 2:9

Kaumajomêdluni oᴋartoᴋ, ᴋatangutiminiglo ômisuktoᴋ, tâmna tâᴋtomêpoᴋ sulli.

I Johannesib 3:10

Tamattomangat nalonarungnairpoᴋ, Gûdib ᴋitorngangit, Sâtanasiblo ᴋitorngangit nalîngongmangâta: idluartomik pingitoᴋ Gûdemit pingilaᴋ, ᴋatangutiminiglo naglingitoᴋ.

I Johannesib 5:16

Naliata ᴋatangutini idluitulitilugo takoguniuk, idluitulingipat toᴋonartomik, tâmna tuksiarli; tagva (Jêsuse) tunijiniarpoᴋ inôtsimik taipkonunga, toᴋonangitomik idluitulilauᴋtunut. Idluiniᴋarpoᴋ toᴋonartomik, tamanna pivlugo tuksiartoᴋarᴋovlugo oᴋangilanga.

Jûdasib 1:9

Miggailible, Engelit angajoᴋângata, Sâtanase akkerartoramiuk, oᴋautjudlarlugo Môsesib timinga pivlugo, erᴋartorlugo sapperpâ oᴋautsit mitautelît atorlugit, oᴋarporle: Nâlekab pidlarniarlitit!

Takotitaunermik 20:14

Toᴋolo tâᴋtoksoarlo egitauvuk ᴋôrᴋumut ikomaᴋsoalingmut. Tamadja toᴋub aipanga.