Mattêuse 5:19 - Labrador Inuttitut Heritage Bible

¹⁹ Mâna perᴋojat ukkua ilanganik mingnermik nâlengitok, inuit taimâk ajoᴋertorlugit, tâmna mingnerpaunerartaujomârpok nâlegauvingme ᴋilangmêtome. Nâlektorle taimaglo ajoᴋertuijok, tâmna angijônerartaujomârpok nâlegauvingme ᴋilangmêtome.

Mattêuse 5:19 Iomraidhean Croise

Imgerut 119:128

Tamanna pivlugo piniartauᴋojaujut illûnâne nâlamarikpakka, apᴋosinerlo tammarnartok tamât ômigivara.

Imgerut 119:6

Perᴋojattit illûnaita nautsertorupkit, tagva kangusuktitauniangilanga.

Daniel 12:3

Silatujullo ᴋibliromârput ᴋilaub issivisimajub ᴋaumaringningatut; unuktuniglo sâgiartitsijut idluanimut uvloriatutit issoᴋangitoᴋsoarmut.

Mattêuse 11:11

Ahâk, oᴋautivapse: Arnanit erniangojoᴋangilak Johannesemit baptiterijomit anginersaujomik; mingnerle Gûdib nâlegauviane anginersauvok tâpsomangat.

Mattêuse 19:28

Jêsusible oᴋautivait: Âhamarik oᴋaupapse, mâna malikapsinga, ilûnatik nutaujomârpatta, Inûblo Erninga iksivajomârpat iksivautamine ânanaunersoalingme, ilipsetauk iksivajomârivose iksivautane 12 ine, erᴋartorlugillo Israêlib kinguvângit ᴋitorngarêt 12 it.

Mattêuse 20:26

Ilipsele taimaituksaungitose, anginerojomajorle akunapsingne, kivgaulerle ilipsingnut.

Mattêuse 28:20

Ajoᴋertorsigiglo malerᴋovlugit tamainik perᴋojamnik ilipsingnut, Ahâglo, uvlut tamaita najutsainarniarpapse, silaksûb naggatânut.

Lukase 1:15

Nâlekab sângane angidlaromârmat; vainemik assianiglônêt imiksamik pitsartudlartomik imeromângilak. Anânangatalo timingata iluanêtilugo sulle Anernermik ajunginermik ilumertaulârpok.

Lukase 11:42

Kappianamêgle ilipse Farisêerit, tippitsiariksaullo makpatâvaillo sunatuinait tallimaujungit tunigapsigik, erᴋartuinerle (idluartok) naglingnerlo Gûdemik senerᴋopase (issumaginagiglo). Makkoa piniaraksarivase, ipkoalo iperarnagit.

Lukase 9:48

Oᴋautivlugit: Ominga nutakᴋamik illaliortub atimne, ilaliorivânga; uvamniglo ilaliortub, ilaliorivâ uvamnik tiliklertok. Ilipsingnele ilûnapsingne mingnerojok angijôjomârpok.

Apostelit Piniarningit 1:1

Oᴋautigijakka sivorlît pijarêralloarpakka, Teôfiluse, tamakkoninga tamainik Jêsusib piniartanginik, tamangnik, piniarlunelo ajoᴋertuivlunelo.

Rômiunut 3:8

Sôᴋ imailiungârajangilagût, sorlo mitautigijaugapta, sorlolo illangita oᴋautigingmatigut oᴋarnerarluta: Idluituliniarta, ajungitoᴋ tamattomangat perᴋovlugo? Taimaitut erᴋartortauningat idluarpoᴋ.

Rômiunut 6:1

Kanok tagva oᴋauseᴋartuksauvitâ? idluitulitsainartuksauvitâ saimaneᴋ anginersauᴋovlugô?

Rômiunut 6:15

Kanôᴋ tagvâ? Idluitulijuksauvitâ, perᴋojat kivgaringimatigut, saimaneruble pingmattigût? Taimainiarata!

Deuteronomy 12:32

Perᴋojijutigijakka tamaita ilipsingnut kamagijaksarivase piniarlugillo; ilajaksaringilatit ilangeraksaringilatillônêt.

Deuteronomy 27:26

Ominarsile perᴋojat makkoa oᴋausertanginik malingitok piniarnagillo. Inuillo ilûnatik oᴋartuksauvut: Taimaile.

I Timôteusemut 6:11

Igville, Gûdib inuᴋotinga, tamakkoa allakit; idluarnerle, Gûdemiglo nâlengnek, okpernerlo, naglingnerlo, ᴋenuersârnerlo, ningajuinerlo pinasuakit.

Titusemut 3:8

Tamadja oᴋausek okpernartoᴋsôjok. Pijomavunga tamakkoninga ajoᴋertuerᴋovlutit soᴋosijuilutit, okpertut Gûdemut ajungitulinernik ataruilerᴋovlugit. Tamakkoa idluarput atornarlarmiglo inungnut.

I Pêtrusib 5:4

Tagva pairsijoᴋsoaᴋ saᴋᴋeromârpat, niaᴋôtemik ᴋunorlijuitomik opinartomik pititaujomârpose.

I Johannesib 3:4

Idluitulijub piᴋojat tapagivait; ajornilo tapaniovoᴋ piᴋojanik.

Takotitaunermik 2:20

Mikijomigle erᴋartuijutiksaᴋarpunga ilingnut, arnâluk Jesabele nelautaijôvlune oᴋartok, inertinginangne, ajoᴋertuinerlugangat kivgakka uivêrivlugit assiniarᴋovlugit, nerritiniarlugillo tunergutinik Gûdeungitunut.

I Samuel 2:30

Tamanna pivlugo Nalegak Israelib Gudinga oᴋarpok: Oᴋalaukpunga, igloᴋotit atâtagijavillo iglunga agvertartuksaungmatta sâmne sorairatik. Mannale Nalegak oᴋarpok: Ungasigle uvamnit, opigosuktorle uvamnik, tamna opigijomagivara; uvamnigle nachojok, tamna nachogijaujuksaugivok.