Mattêuse 5:16 - Labrador Inuttitut Heritage Bible

¹⁶ Taimâktauk nannergoase ᴋaumatisiuk inungnut, ajungitulinipsingnik takoᴋovlugit, Atâtase ᴋilangmêtok nakorijauᴋovlugo.

Mattêuse 5:16 Iomraidhean Croise

Exodus 34:35

Israêlikullo Mosesib kênanga ulernairpât, Mosesib kênangata aminga ᴋeblermat: Mosesiblo kênane tâlutserivâ iterᴋârane Gûde oᴋaᴋatigijomavlugo.

Salomob Okâl 4:18

Idluartulle apᴋotingat ᴋaumanerub keblarningatut ipok, sivumuartotut, ᴋaumaksaijotullo uvlok soᴋosijuitok tikkilugo.

Jesaiase 58:8

(Taimailioruvit), ᴋaumartiksat allakkaromârpoᴋ ᴋaub aupalungningatut, ikkillo mammisaraitsomârpoᴋ, idluarnit sivunikkut ingergajomârpoᴋ, Nâlekablo nertornartoᴋsôninga kingunikkut malligomârpoᴋ.

Jesaiase 61:3

Kiksartunut Zione pivlugo illijerᴋovlunga niaᴋôtemik, argjat pêrᴋârlugit, orᴋsumik ᴋuviasûtiksamik, kiksarneᴋ pêrᴋârlugo, annorânik nertordlerutiksanik, anerneᴋ sannikterijoᴋ pêrᴋârlugo. Taijaujomârpullo napârtunik idluarnerub pinginik, Nâlekab perorsianginik nertortaujutigijanginik.

Mattêuse 23:5

Suliaksatigle tamaita pivait, inungnut tautuktaujomavlutik. Erᴋaijutiksaᴋotitik siliksivait, annorâmiglo siningit angijorortilugit.

Mattêuse 23:9

Kinamiglo atâtamik taisijuksaungilase nuname: atausek atâtagigapsiuk, ᴋilangmêtok.

Mattêuse 5:45

ᴋitorngaulerᴋovluse Atâtapsingnut ᴋilangmêtomut. Tâpsoma seᴋinine nuerᴋongmago ajortunullo ajungitunullo, silaloᴋojilarmelo idluartunullo idluangitunullo.

Mattêuse 6:16

Nerritailijarangapse, annûtuksaungilase takkormôrtutitut; kênatik tautorluktingmatsuk nerritailijarangamik, inungnut tautuktaujomavlutik. Âhamarik, oᴋautivapse: Akkilertaujarêrput.

Mattêuse 6:9

Taimâk pivlugo imâk tuksiaritse: Atâtavut ᴋilangme! Attît nertortaule.

Mattêuse 9:8

Inuit tamanna takogamitsuk, tataminiarput, Gûdelo nakoridlarpât, inuit taimaitunik pitsartunernik tunitjivigilaungmagit.

Lukase 11:2

Oᴋautivaille: Tuksiarupse, imâk oᴋaritse: Atâtavut ᴋilangme! Atît nertortaule. Nâlegauvît ᴋailaule. Pijomajat piniartaule nuname sorlo ᴋilangme.

Johannese 15:8

Tamakutigûna Atâtaga nertortauniarpok, paungaᴋarnialerupse unuktunik, ilinniarteolerluselo uvamnut.

Apostelit Piniarningit 9:36

Joppemele ilinniartoᴋalaukpok arnamik Tabêamik atilingmik, Grîkit taijangannik Dorᴋasemik; tâmna ajungituliᴋattalaukpok pitsiarlunelo aklujunut.

I Korintemiunut 14:25

Taimaglo ômatingane ijersimajut sakᴋerajarput; pâmakterlunelo Gûde tuksiarviginajarivâ, kigligiutsinajarporlo Gûdemik nalâgut ilipsingnêtomik.

II Korintemiunut 9:13

Ajungitulineᴋ tamanna nelonairsimajoᴋ pivlugo Gûde nertorpât, oᴋautsinik tussarnertunik nâlekluse Kristûse oᴋautigigapsiuk, issumalingasuerdluselo tunitjivigigapsigik tâpkoalo ilûnaitalo;

Galâtsiamiunut 1:24

Gûdelo nertorpât pivlunga.

Efêsusemiunut 2:10

Sanamajigigaptigo, pingortitauvluta Kristuse Jêsuseme ajungitulerᴋovluta, Gûdib sivorngagut âᴋiksulaungmatigut, taimailiorᴋovluta.

Efêsusemiunut 5:8

Mattoma sivorngane târmiolaurapse, mânale ᴋaumaniovose Nâlekame.

I Tessalônikamiunut 2:12

Kigligiutjigaptalo Gûdib nâmagijanganut arvertarᴋovluse, ᴋaiᴋojilauᴋtub ilipsingnik nâlegauvingminullo ânanauvingminullo.

I Timôteusemut 2:10

Arnalle, Gûdemik nâlektut, pijariaᴋarningititut, ajungitulinermut.

I Timôteusemut 5:10

Piloriktoᴋutaungmijok ajungitulinermik, ᴋitornganik perorsailaurune, siniktarviogajuklune, ivsornaitut (okpertut) itiganginik ubvalauklune, ajoᴋsartuniglo pitsialauᴋlune, ajungitunik tamainik pinasualauklune.

I Timôteusemut 5:25

Taimâktauk ajungitulinerit ilangit sivorngagut nelonangilat; assingillo taimaingitut ijerartortaujungnanginivut.

I Timôteusemut 6:18

Pitsiarnerᴋovlugit, ajungitulinermiglo akluiᴋovlugit, ᴋununatik tunijerᴋovlugit ikajorᴋovlugillo assimingnik;

Titusemut 2:14

Ingminik tunnilauktub pivluta, piulijomavluta idluitunit tamainit, ivsornaititsijomavlunelo nagminek inoᴋutiksaminik, ataruilijinik piniarnernut ajungitunut.

Titusemut 2:7

Ilûnânele nangminek igvit takotilerit ajungitulinermik igjaraksauvlutit, illaᴋangitomik ajoᴋertûseᴋardlutit opinarlutillo,

Titusemut 3:14

Okpertoᴋativulle ilinniarlît, ajungitulijungnarᴋovlugit pijarialingnik ikajorlutik, sulingitôlerᴋonagit.

Titusemut 3:4

Gûdible piulijipta ilannâᴋaringa nagligosungningalo Sakᴋijârmânik,

Ebrêerinut 10:24

Nangminiptingniglo udjartortigêkta, kajungersartigêngnermut, naglerᴋovluta ajungitulerᴋovlutalo.

I Pêtrusib 2:12

Nelojullo akorngane, ajungitomik arvertaritse: ilipsingnik terliaᴋataijut idluitulinerarluse, ajungitulinipsingnik takoᴋovlugit, Gûdemiglo nertordlerᴋovlugit kiglisiniarviub uvlungane.

I Pêtrusib 2:9

Ilipsele inuᴋatigêngovose anerimajut, ajoᴋertuijut ataniviksôlutik inuit ivsornaitut, tâpsoma inuᴋotingit; ilipsingnik ᴋairᴋojijub piniarningit ajungitut oᴋautigilugit pijuksauvose, tâᴋtomit ᴋairᴋongmase ᴋaumanerminut tatamnartomut.

I Pêtrusib 3:1

Taimaktauk arnat uitik nâlegaᴋsarivait; taipkoatauᴋ (Gûdib) oᴋausinginik okpingitut arnat ilusinginut oᴋausiungitunut kajungertitauᴋovlugit,

I Pêtrusib 3:16

Kenûêdluse udjertorluselo, passijaksaungitomik ilumiuteᴋarluse; ilipsingnik terliarᴋataijut idluitulijionerartise kangusoᴋovlugit, Kristuseme ajungitulinipsingnik mitauteᴋaramik.

I Pêtrusib 4:11

Oᴋâlajoᴋarpat, Gûdib oᴋausingititut oᴋâlatigivlugit pile. Kivgartortoᴋarpat, Gûdib tunijanga ajungijutigilugo piniarle. Gûde piniarnernut ilûnainut nertortauᴋovlugo Jêsuse Kristusikut; tâmna nertortaule pitsartunerôlunelo issoᴋangitomit issoᴋangitomut. Amen.

I Pêtrusib 4:14

Piloridlarpose, mitautaugupse Kristusib attinga pivlugo; Gûdib Anerningata ânanauniliksûb inigingmase. Tamna mitautigijaujoᴋ taipkonane, ilipsingnele nertortauvoᴋ.