Mattêuse 5:12 - Labrador Inuttitut Heritage Bible

¹² Alliatitse, sivôraniaraselo, akkilertautsiaromârapse ᴋilangme. Taimâktauk nalautaijut sivorlise unangmigingmatigik.

Mattêuse 5:12 Iomraidhean Croise

Genesis 15:1

Pijoᴋartut tamakkoa kingorngatigut Nâlekab oᴋausinga Abramut pivoᴋ takotitjutikut, oᴋarlune: Sivôraniarnak, Abra, uvanga tagva sapputjauvît, amigangitomiglo akkilertauvît.

I Atannit 18:13

Nâlegara oᴋautsaumalungilâk pinniarlauktamnik Isebele toᴋotsitillugo Nâlekab nellautaijoᴋotinginik? Nâlekab nellautaijoᴋotingit 100 dit ijerlaurapkit, mâne 50 git, ikkanelo 50 git ᴋairosungmut, patangaitilugillo, ᴋakᴋojamik imermiglo?

I Atannit 18:4

Isebelible Nâlekab nellautaijoᴋotingit nungutilaungmagit, Obadjab nellautaijut 100 dit tiguvait, ijerpaillo ᴋairosungmut, mâne 50 git, ikkane 50 git, patangaitilaitalo ᴋakᴋojanik, imermiglo.

I Atannit 19:2

Tagva Isebele tillijaksamik tilliklerpok Eliamut, oᴋautsauᴋovalo: Gûdit immâglonêt, immâglonêt, pinniarvigilinga, ᴋaupat nelliutome tamattomane inôtsit pinniarvigilungikupko, taipkoa attunît inôsingititut.

I Atannit 21:20

Ahabelo Eliamut oᴋarpok: Nachvârpinga omisukteojotit uvamnik? Tamna oᴋarpok: Âhaila nachvârpagit, niorvgotigigavit pinniartuinaromavlutit Nâlekab ijikita idluigijanginik.

I Atannit 22:8

Israelitit atanningat oᴋarpok Josafatemut: Anguteᴋaralloarpok sulle atautsemik, appertsorungnarutigijaptingnik Nâlekamik, Michamik Jemlab erninganik. Kisiane omigivara, nellautaivigingimanga ajungitomik, idluitomigle kisiane. Josafate oᴋarpok: Atannek taimâk oᴋaniarane.

II Atannit 1:9

Tagva tilliklervigiva angajoᴋâmik 50 ginut, 50 git tapᴋoa ilagilugo. Tikkinamiuglo takpaunga, ahâk, tagva iksivavok ᴋakᴋab ᴋângane. Tapsomalo oᴋautivâ: Igvit Gûdib angutinga, atannek oᴋarpok: Atersarit.

II Kronika 16:10

Assable takkojok ningarvigiva, pitilâlo parngnanêrsimavingmut; oᴋalokivigivalo pijoᴋartok tamanna pivlugo. Assablo nalliutome taipsomane innugasaksuit illangit nênerpait.

II Kronika 36:16

Tapᴋoale Gudib tillijangit mittautigivait nachogilaitalo oᴋausingit, ijorivaillo nallautaijoᴋotingit, Nalekab kanningajarninga innuᴋotine pivlugit angijororᴋârtinago, innulijaujungnarungnaimatta.

Nehemia 9:26

Kissianele tappatolerlaukput, akkerartorpâtillo, Malligaksauᴋojattit egipait tunnumingnut, Nallautaijoᴋotitillo nakterpait, kigligiutsijut tapᴋonunga, salertuksaungmatta illingnut, oᴋarnerlutjilutiglo angijomik.

Imgerut 19:11

Kivgaittauk tâpkonunga ᴋaumaksartauvok; malliktorlo tamakkoninga angijomik akkilertauvok.

Imgerut 58:11

Inuit oᴋarniarᴋovlugit: Ahamarik idluartok akkeᴋaralloarpok! ila Gûde erᴋartuijôvok nuname.

Salomob Okâl 11:18

Gûdeᴋangitut sulliningit piksarsivut nellangaitunik; idluarnermigle karngasoijub, tapsoma akkilertauninga nellagôrpok.

Jesaiase 3:10

Iduartut oᴋautigisigik, illingatsiarmatta, piniarnerijangita malliktingit inûtigijomâramigit.

Jeremia 2:30

Sulingitomik ᴋitorngase annausimavakka, nâlalaungilat sugiarnimnik; saviksoaᴋotise nungutsisimavut nalautaijoᴋotipsingnik, loevetut asseroijotut.

Jeremia 26:8

Pijoᴋarporlo Jeremiab oᴋâlautigijarêrmagit tamaita Nâlakab oᴋâlautauᴋojangit inungnut tamainut, ajoᴋertuijut nalautaijullo inuillo ilûnatik tigumivât, oᴋarlutik: Toᴋojuksauvotit.

Jeremia 37:14

Jeremiale oᴋarpoᴋ: Nalautsilungilaᴋ; Kaldêamiunut ajujiangolungilanga; tâpsomale tusaromangilâ; taimaimallo Iriab Jeremia tiguvâ tikiutilugolo angajoᴋâᴋsoarnut.

Mattêuse 16:27

Inûb Erninga tikitsomârmat Atâtame ânanauningane Engeleᴋotine illagivlugit; tagvalo ilûnaita akkiniarvigijomârpait piniarningit maliklugit.

Mattêuse 6:16

Nerritailijarangapse, annûtuksaungilase takkormôrtutitut; kênatik tautorluktingmatsuk nerritailijarangamik, inungnut tautuktaujomavlutik. Âhamarik, oᴋautivapse: Akkilertaujarêrput.

Lukase 13:34

Jerusalem, Jerusalem, nalautaijunik toᴋotsijotit, ilingnullo tilijanik ujarᴋanut milorniktotit: ᴋitorngatit katititsomaᴋattalauralloarpakka, sorlo arnaungub piarᴋane katitingmagit esarᴋominut; pijomalaungitosele!

Lukase 6:23

ᴋuviasugitse ᴋigertarluselo; akkiksase angidlaromârmat ᴋilangme. Sivorlingitatauk taimailiorivait nelautaijut.

Lukase 6:35

Tamanna pivlugo ômigijise naglingniarsigik; pitsiarluselo attarsiaᴋisititse, sumik nerriugutiginago; akkiksase angidlaromârpok tagva, ᴋotsingnerublo ᴋitorngarijomârpâse. Tâpsoma avagingmagit ᴋujalingitut kasêtullo.

Apostelit Piniarningit 16:25

Unnuarle ᴋeteralermat Pauluselo Silaselo tuksiarpuk, Gûdelo nakoridlarpâk. Parngnanairsimavingmêᴋatingitalo tusarpakit.

Apostelit Piniarningit 5:41

Kuviasuklutigle tagva kiglisiniartut kênanginit aularput, nikagijaunginamik mitautigijauvlutik Jêsusib atinga pivlugo.

Rômiunut 5:3

Taimaituinangilarle, kapianarnerille aglât nertôtigivavut; ᴋaujimagapta kapianarnerit ᴋenuersârtitsingmatta;

I Korintemiunut 3:8

Ilijijorle imermiglo kovisijok adsigêkpuk. Tamarmik atunit akkilertaujomârpuk piniarningit maliklugit.

II Korintemiunut 4:17

Kappiasungnipta mâne oᴋidlutik mânakut anigortut, piksarsiormatigut pinnarnartoᴋsoarmik neleᴋangitomik nâksaungitomik;

Filippimiunut 1:29

Kristuse pivlugo tunitjiviogapse, okpervigilugo kissianeungitoᴋ, kappiasuktitaujutigilugoletauᴋ.

Filippimiunut 2:17

Augale kovijaukpallônêt okpernipsingnut, Gûdemik kivgartûtigijapsingnut, tunergutaujomut sorlo, ᴋuviasukpunga, ilûnaselo ᴋuviasuᴋatigiluse.

Kolossamiunut 1:24

Mâna ᴋuviasukpunga kappianartome atortamne pivluse; kappianarnerillo Kristûseme sulle pijariaᴋartut uvinimne nâmaksitiniarpakka timinga pivlugo, tagva ilagêt pivlugit;

Kolossamiunut 3:24

ᴋaujimavluselo kingormgutijaksamik akkilertaujomârapse Nâlekamut; Nâlegak Kristûse kivgartorapsiuk.

I Tessalônikamiunut 2:15

Taipkoa Nâlegaᴋtauᴋ Jêsuse toᴋolauᴋpât, nelautaijitiglo, unangmilauᴋpâtigullo, Gûdemullo idluarijaungilat, inungnullo tamainut akkerartorput;

Ebrêerinut 10:34

Ilapsugilaurapsinga ᴋelaksorsimajunga, ᴋuviasukluse aglât ᴋenuersâlaurapse perᴋutipsingnik aᴋsârtaugapse; ilipse ᴋaujimajose, ajunginersamik nunguniangitomiglo nangminipsingne perᴋutiksaᴋarapse ᴋilangme.

Ebrêerinut 11:26

Mitautaunerlo Kristuse pivlugo akluijutaunasugiluarpâ Egiptenib perᴋutivaksoanginit: akkiksaᴋ issumagigamiuk.

Ebrêerinut 11:33

Taipkoa okpernermut sâlaᴋalauᴋput ataniovingnik; idluarsailauᴋput, angervionermik pititaulauᴋput, Loevillo ᴋaniâlungit similauᴋpait,

Ebrêerinut 11:6

Okperneᴋangitunele Gûdemut ᴋuviagijauneᴋ ajornavikpoᴋ; Gûdemut tikitsomajoᴋ Gûdeᴋartomik okpertuksauvoᴋ, ᴋenertiminut akkiniarteojomik.

Jâkobusib 1:2

ᴋatangutikka nagligijakka, angijomik ᴋuviasugitse, sunatuinarnut ôktortaulerupse,

Jâkobusib 5:10

ᴋatangutikka, nelautaijut Nâlekab atingane oᴋâlalauktut igjaraksariniarsigik kappiasuktitaunerme ᴋenuersârnermelo.

I Pêtrusib 4:13

Kuviasugitsele, Kristuse kappiasuktitauᴋatigigapsiuk, ânanauningata saᴋᴋeromârviane ᴋuviasûteᴋarᴋovlusetauᴋ serriniardluse.

Ruth 2:12

Nâlekab pinniarnerilauktat akkilêjutigiliuk illingnut, akkilertaunîllo namâmarigle Nâlekame Israelib Gûdingane, tikkivigijarne; esarᴋungita attâne Sungertutiksaᴋaromavlutit.