Mattêuse 5:10 - Labrador Inuttitut Heritage Bible

¹⁰ Piloridlarput unangmijaudlartut idluarnek pitjutigilugo; nâlegauvik ᴋilangmêtok pigileramitsuk.

Mattêuse 5:10 Iomraidhean Croise

Imgerut 37:12

Gûdeᴋangitub idluartok issumaksarsiorutigiva akkerartoromavlugo, nierᴋolârutigivâ kigutiminut.

Jesaiase 66:5

Nâlekab oᴋausinginik tussaleritse, illipse, tâpsoma oᴋausinginik sivorajose: Kattangutise illipsingnik ômisuktut, avitsijut illipsingnik attera pivlugo oᴋaralloarput: Nâlegaᴋ nertornarsile, ᴋuviasungnipsingnik takonârᴋovluta, — tâpkoale kangusuktitaujomârput.

Mattêuse 10:23

Iglugâsaksuille ilangine unangmikpase, assinginut ᴋemâtitse. Âhamarik, oᴋautivapse: Israêlitit iglugasaksoangit ingergajarêrviginiangilase, Inûb Erninga tikerᴋârtinago.

Mattêuse 19:14

Jêsusele oᴋarpok: Nutakᴋat uvamnut pilit, inerterasigiglo, tâpkoa, Gûdib nâlegauvinga pigingmatsuk.

Mattêuse 25:34

Tagva Nâlekab talerpingme tungânêtut oᴋautijomârpait: ᴋaititse, Atâtama nagliktangit, nâlegauvik kingormgutilersiuk, ilipsingnut pijarêrsimajok silaksûb pigiarninganit.

Mattêuse 5:3

Piloridlarput aklujut anernerme: nâlegauvik ᴋilangmêtok pigileramitsuk.

Markuse 10:14

Jêsusible tamanna takogamiuk, idluaringilâ, oᴋautivlugillo: Nutaᴋat uvamnut pilit, inerterasigiglo; tâpkoa Gûdib nâlegauvinga pigingmatsuk.

Markuse 10:30

Mattomanêdlune 100 ertortunik piniarivoᴋ iglunik, ᴋatangutiniglo, anânaniglo, ᴋitornganiglo, perorsêvingniglo, mâne ômigijaunermine, silaᴋsoarmelo pijomârtome inôgumik nungusuitomik.

Lukase 21:12

Tamakkoale tamaita perᴋârtinagitk tiguluse unangmijomârpâse, ilinniarvingmingnullo parngnanairsimavingmingnullo pititsomârpâse, ataniojunullo angajoksoarnullo âtsomârpâse, atera pivlugo.

Lukase 22:29

Nâlegauviglo tunijomavara ilipsingnut, sorlo Atâtama ᴋailaungmago uvamnut.

Lukase 6:20

Ilinniartinelo ijîngminut takunârpait, oᴋarlunelo: Piloridlarpose aklujose, Gûdib nâlegauvia pigilerapsiuk.

Lukase 6:22

Piloridlarpose, inuit ômigikpase, avidluselo, suangadlarpaselo, atiselo tainerlukpatigik idluitônerarluse, Inûb Erninga pivlugo.

Johannese 15:20

Oᴋausera erᴋarisiuk oᴋauserilauktara ilipsingnut: Kivgak anginersaungilak angajoᴋâminit. Unangmilauruninga, unangminiarivâse; oᴋausikka malilaurunigit, oᴋausisê malingniarivait.

Apostelit Piniarningit 5:40

Nâlekpât tagva, Apostelillo ᴋaiᴋovait isaᴋalaitalo, inerterlugillo Jêsusib atingane oᴋarᴋonagit, aularᴋovaillo.

Apostelit Piniarningit 8:1

Saulusible Stefanusib toᴋotauninga idluarivâ. Taipsomane ilagêktut Jerusalemêtut angijomik unangmijaulerput; tâpkoalo ilûnatik siamarterput nunangnut Jûdeamut Samâriamullo, Apostelit kisimik pinatik.

II Korintemiunut 4:17

Kappiasungnipta mâne oᴋidlutik mânakut anigortut, piksarsiormatigut pinnarnartoᴋsoarmik neleᴋangitomik nâksaungitomik;

Filippimiunut 1:28

Koaᴋsângatailititselo akkerartortunut sunalônêt pivlugo; tamanna nalunaikutauvoᴋ pidlartaujomârmatta taipkoa, ilipsele piulijaujomârapse, tamadalo Gûdemit pivoᴋ.

II Timôteusemut 2:12

Kenuersârupta, atanioteᴋattaujomârivogut; missiarutigiguptigo, missiarutigijomârivâtiguttauk.

II Timôteusemut 3:11

Unangmijauneralo, kappiasuktitaunikkalo tukkisilauktakka Antiochiamêdlunga, Ikôniamelo Listramelo, ᴋanok angijomik unangmijaugama tâvane; Nâlekablo piulilaukpânga taipkonangat tamainit.

Jâkobusib 1:12

Piloridlarpok angut ôktortaunermik ᴋenuersârtok; ôktugaudlarame, tagva niaᴋôtemik ômanartomik pijomârpok Gûdib angerutigijanganik nagliktiminut.

Jâkobusib 5:11

Ahâk piloringnerarpavut ᴋenuersârtut, kappiasuktitaugamik. Hiobib ᴋenuersârninga tussarpase, Nâlekablo sorairtitsininga (ânianinginik) takolaurivase; Nâlegak takupsoadlarlune nâpkigosuktotôngmat.

I Johannesib 3:12

Kaini malingnago! taimna ajortomit pigami, nukani toᴋopâ. Sunalo pivlugo toᴋolaukaûk? Piniarningit ajormatta, nukangatalo piniarningit idluarmatta.

Takotitaunermik 2:10

Sivôraginiarnagit nelîllônêt kappianartut ilingnut neliutuksat. Ahâk Sâtanasib illapse illangit parngnanairsimavingmut pititsomârpait, ôktortauᴋovluse kappiasuktitauᴋovluselo uvlunik 10 nik. Soᴋosijuilerille toᴋo tikidlugo, tagva niaᴋôtemik ômanartomik tunitjivigijomagapkit.