Mattêuse 4:24 - Labrador Inuttitut Heritage Bible

²⁴ Tussaumajaugivoktauk nuname Sîriame ilûnâne. ᴋanimajullo sunatuinait, atsuiliungitut kappiasuktullo, Sâtanasilillo, ilisimailingajullo, tumângajullo, ilûnaita tâpsomunga âpait; ilûnaitalo tâpsoma âᴋikpait.

Mattêuse 4:24 Iomraidhean Croise

II Samuel 8:6

Sorsuktuksaniglo pititsivok Damaskusemut Siriamêtomut. Taimak Siriamiut kivgaulerput Davidemut, pilliutinik âtsilerᴋovlugit tapsomunga. Nalekab Davide ikajormago namut ainingine illunaine.

I Atannit 10:1

Arabiamiullo ataningata arnab Salomonib tusaumajanga, Nâlekab atinga pitjutigillugo tusaramiuk, ᴋaivok oktoromavlugo nellaupsarutiksanut.

I Atannit 4:31

Illisimanersaulaurivoktauk imgerusiortunit, Ethanemit Esrahitemiomit, Hemanemillo, Kalkolemillo, Dardamillo, Maholib ernikingnit; tusaumajautsiarlaukporlo nellojunut avatanêlauktunut ilûnnainut.

I Kronika 14:17

Davidiblo atinga oᴋausiolaukpok nunane tamaine, Nalekablo inûᴋattigêksuit ilûnaita tupviotipait sivuranermik tapsominga.

I Kronika 29:2

Uvangale ajugaringitamnit piksanik kattersoilaukpunga Nalekab iglunganut, Goldemik perᴋutinut Goldeôjuksanut, Silbere Silbereôjuksanut, ᴋanujarmik ᴋanujangojuksanut, kikkiangmik kikkiangojuksanut, ᴋejungmik ᴋejungojuksanut, ujarᴋanik Onichemik atelingnik, ujarᴋaniglo aglalingnik taksepatânik ivertisimajunik, ânanausijutiksanik, ujarᴋaniglo piviarnartunik sunatuinarnik, ujarᴋaniglo Marmoremik atelingnik unuktunik.

Exodus 15:26

Oᴋarlunelo: Nâlekab Gûdivit nipinga nâletsiaromagungne, piniaromavlugillo tâpsoma sângane idluarijaujut, siutit manijomagungne tâpsoma perᴋojanginut, maligaksaurᴋojangillo maligomagungne, ilijivigijomangilagit ᴋanimaserit nalianiglônêt tikitilauktamnik Egiptenemiunut: Uvangaugama Nâlegak inûliklertît.

Mattêuse 12:22

Tagva Sâtanaselingmik tautungitomik oᴋarungnangitomiglo tâpsomunga âtsivut; pijungnaitilugolo, tautungitok oᴋarungnangitorlo oᴋalertipâ tautulertilugolo.

Mattêuse 14:1

Taipsomane Herôdese, nunab illainangane atanek tussaumalerpok Jêsusemik.

Mattêuse 15:22

Ahâglo, arnak Kanaanemioᴋ, tagvangat pijok, oᴋarpok nipliutidlarlugolo: Nâlegak, Dâvidib erninga, nâpkiginga! Sâtanasib paniga âniatidlarpâ.

Mattêuse 17:15

Oᴋarlunalo: Nâlegak ernera nâpkigiuk, ilisimailingajok âniadlarlune; ikomamut imermullo ochoᴋattarame.

Mattêuse 17:18

Jêsusiblo Sâtanase inerterpâ, anivorlo tâva tâpsomangat, nukapiarlo stundeme tâpsomane pijungnairpok.

Mattêuse 4:23

Jêsusiblo nuna Galilêa ilûnât ingergavigivâ, katimavinginalo ajoᴋertuivok, oᴋautsillo tussarnertut nâlegauvingmik oᴋâlatigivait, ᴋanimajullo atsuiliungitullo inungnêtut âᴋikpait.

Mattêuse 8:28

Tesseᴋsûblo akianut, Gergesênerit nunanganut pivok. Tagva Sâtanasilîk maggûk, iluvernit anijuk Jêsusemik naipitsivuk; erᴋsinartoksôngmaniglo, apᴋut tamanna atordlugo sapernarpok.

Mattêuse 8:33

(Kuingênginik) mianersijullo ᴋemâvut, iglugasaksoarnullo aivlutik, tamannalo oᴋautigijartorpât, Sâtanaselîglo iliortaunîgik.

Mattêuse 8:6

Oᴋarlunalo: Nâlegak, kivgara iglumne nalavok, tumângajôvlunalo ânilakteradlarpok.

Mattêuse 9:26

Tamannalo tussaumajaulerpok nuname tâpsomane ilûnâne.

Mattêuse 9:35

Jêsuselo arvertarpok iglugasaksoatigut iglugasaktigullo ilûnaitigut, ajoᴋertuivlune katimavingine, oᴋautsillo tussarnertut nâlegauvingmik oᴋautigivlugit, inungnalo atsuiliungitut, ᴋanimajullo sunatuinait âᴋikpait.

Markuse 1:28

Tagvainaᴋ piniarningit tussaumajaulerput Galilêab erᴋâne ilûnâne.

Markuse 1:32

Unnulermallo, seᴋineᴋ nipimalermat, ᴋanimajut sunatuinait sâtanasilillo pitipait tâpsomunga.

Markuse 2:3

Illangitalo tikipât, âtsivlutik tumângajomik, sitamanut akigartaujomik.

Markuse 2:4

Tikitsungnanginamitsuglo inungnut, iglo ᴋângagut kilakpât; angmaramitsuglo, aumit tumângajub nelavia ningitipât.

Markuse 2:9

Neliak oᴋinersauvâ oᴋarlune tumângajomut: Ajornitit issumagijaujungnaiput; ubvalo: Makitit, aumititit pikit, arvertarlutillô?

Lukase 2:2

Aglaktaunek tamanna sivorlerpângovok pivorlo taipsomane Korîniuse atanerusiotilugo Sîriame.

Lukase 4:14

Jêsuselo Anernerub pitsartuninganut ama Galilêamut uterpok, tâpsomalo erᴋânêtut tussaumalerpât.

Lukase 4:38

Nikovidlunelo katimavingmit (anivok), Simoniblo iglunganut pivok. Simoniblo sakkia arnak ôlingnartoksoarmut ᴋanimavok, taimnalo pivlugo tuksiarvigivât.

Lukase 5:15

Anginersamigle tussaumajaulerpok; inugasaksuillo tussaromavlugo tikipât, âᴋiktaujomavlutiglo ᴋanimasermingnit tâpsomunga.

Lukase 5:24

Nalojungnairᴋovlusele, Inûb Erninga pitsartuneᴋarmat nuname ajortoêrutjinermik, tumângajomut oᴋarpok: Oᴋaupagit, makitit, aumititit pikit angergarlutillo.

Lukase 7:17

Oᴋautsillo tamakkoa tâpsominga tussaumajaulerput Jûdêame ilûnâne, nunanelo avalingine ilûnaine.

Johannese 10:21

Asingit oᴋarput: Tamakkoa (Sâtanasemik) ilumiktub oᴋauseringilait; Sâtanasiblo tautungitut ijingit uitijungnarpagît?

Apostelit Piniarningit 10:38

Jêsuse Nazaremiok pivlugo, Gûdib mingoalaungmago Anernermik ajunginermik pitsartunermiglo; tâmna arvertalaungmat ajungituliartorlune, inûlilaitalo ilûnaita Sâtanasemut sâlaulauktut, Gûdib najormago.

Apostelit Piniarningit 15:23

Aglangniglo (aglaktamingnik) naksarᴋovait, imailijunik: Uvagut Aposteliojogut, angajoᴋâllo, ᴋatangutigêllo salutipavut ᴋatangutigêt nalojunit pijut, Antiochiamêtut, Sîriamêtullo, Zilîziamêtullo.

Apostelit Piniarningit 15:41

Ingergalerporle Sîrialo Zilîzialo apᴋotigilugik, okpertôᴋatigêllo nakoksitipait.

Apostelit Piniarningit 28:9

Taimailingmago, ôma asingit ᴋanimajut ᴋikertamêtut ᴋaigivuttauk, âᴋiktaulerivullo.

Apostelit Piniarningit 8:7

Anernerit maᴋijungnartut aningmatta unuktunit ilumiktunit nippeᴋadlarlutik, tumângajullo tusiaktullo unuktut âᴋiktauvut.

Josua 6:27

Taimak Nalekab Josua illagiva, oᴋautigijaulaungmat nunane illunaine.