Mattêuse 3:7 - Labrador Inuttitut Heritage Bible

⁷ Farisêerillo Saduzêerillo unuktut tikitine baptitsivingminut takogamigit, oᴋautivait: Kuglugiangojârtose ilipse, kia ᴋemâᴋovâse ningautsemit pijomârtomît?

Mattêuse 3:7 Iomraidhean Croise

Genesis 3:15

Akkerartortigêktitsomavapse igvillo arnarlo, kinguvâksat kinguvângalo; tâpsoma niaᴋut tullidlaromârpâ igville kingmingagut kêjomârpat.

Salomob Okâl 28:4

Malligaksauᴋojaujunik Nâlegungnaitut Gûdeᴋangitut nertorpât; ivlersijulle makkoninga, illulugvigivait.

Jesaiase 59:5

Kuglugiarâlub manningit ivavait, âsivaillo nulluanginik pergaivut. Manninginik nerrijoᴋ toᴋojuksauvoᴋ; tullertaukpattale; ᴋuglugiarâlungmik annijoᴋarpoᴋ.

Jeremia 51:6

Babilonemit ᴋemâtitse, ilûnase atunit inôsise piulisigik; kipijauᴋatauniarase idluituliningane; Nâlakab akkiniarviksanga naliutingmat; akkiniaromârpâ akkiniartaujuksauningatut.

Jeremia 6:10

Kimut oᴋartuksauvingâ kigligiudjilungalo, tusarᴋovlugît? Takuitse, siutingit tusângitôvut tusarungnangilallo; ahâk, Nâlakab oᴋausinga mitautiksatuinaunasugivât, ᴋuviagilungilâllo.

Mattêuse 12:24

Farisêerille, tamanna tussaramitsuk, oᴋarput: Sâtanasit anitipait, Beelzebubib, Sâtanasit ataningata, pitsartuninganut kissianut.

Mattêuse 12:34

Ilipse ᴋuglugiangojârtut ivajangit, ᴋanok ajungitunik oᴋarungnarᴋisê, piungitôgapsê? Omatib tattajutinginik ᴋanek oᴋasôngovok.

Mattêuse 15:12

Tagva ilinniartingita tikipât oᴋaudlugolo: ᴋaujimaviûk, oᴋausek tamanna Farisêerit tussaramitsuk, sinaungakutigingmatsûk?

Mattêuse 16:1

Tagva Farisêerit Saduzêerillo tikipât; tâpkoa ôktorpât, takotitserᴋojomavlugo nalunaikutamik ᴋilangmit.

Mattêuse 16:6

Jêsusible oᴋautivait: Nâlagitse, udjertorluselo Farisêerit Saduzêerillo ᴋakᴋôjangita pudjusautinganik.

Mattêuse 22:15

Tagva Farisêerit ᴋaggimiojartolerput, oᴋausinginut ᴋanok pijauveᴋarmangât.

Mattêuse 22:23

Uvlorme taipsomane Saduzêerit tikipât, makiviksaᴋangitomik oᴋartut; aperivâllo,

Mattêuse 22:34

Farisêerille tussaramik, Saduzêerit oᴋausiksairutingmagit, atautsemut katilerput.

Mattêuse 23:33

Kuglugiangojârtose, ᴋuglugiarâlôjârtose, ᴋanok ilivluse erᴋartortaumaneᴋ kappianartolik ᴋemâjomavisiûk?

Mattêuse 5:20

Oᴋautivapsele: Idluarnise nâmanersaungipat aglangnik ilisimajut Farisêerillo idluarninginit, nâlegauvingmut ᴋilangmêtomut piniatsangilase.

Markuse 12:13

Tilivaillo tâpsomunga Farisêerit Herôdesiblo kivgangita ilangit, oᴋausinginut aportinasuarlugo.

Markuse 12:18

Saduzêerillo tikipât, makiviksaᴋangitomik oᴋartut; aperivâllo oᴋarlutik:

Markuse 8:15

Perᴋovaillo oᴋarlune: Nâlagitse, udsertorluselo Farisêerit pudjusautinganik, Herôdesiblo pudjusautinganik.

Lukase 16:14

Tamakkoa tamaita Farisêerit pijomatudlartut tussaramigit, mitautigivât.

Lukase 18:11

Farisêere nangerdlunelo ilumigut tuksiarpok imâk: Gûde ᴋujagivagit, assiptut inuktut-inginama, arᴋtaijotut, idluitulijotullo, arnarniartotullo, pimaklertotullônêt ôtunak.

Lukase 7:30

Farisêerille aglangniglo illisimajut Gûdib perᴋojininga nachogivât ingmingnut, baptitaujomanatiglo tâpsomunga.

Johannese 1:24

Tilijaujullo Farisêerinit pijut.

Johannese 8:44

Atâtapsingnit Sâtanasemit pivose, atâtapselo ikliguningit maligomavase. Tâmna inuartôvok pigiarninganit, mikseᴋârnermêtsainalaungitorlo; mikseᴋârnek tâpsomanêngimat. Saglonermik oᴋâlagune, nangminerijaminik oᴋâlavok; saglotojoᴋsôgame, saglonerublo atâtagivâ.

Johannese 9:40

Farisêerillo illangita najortingita tamanna tussarpât, oᴋautivlugolo: Tautunginivitâ?

Apostelit Piniarningit 15:5

Tagva Farisêerit ilangit okpertut nikovilutik oᴋarput: (Inuit taipkoa) kipijaujariaᴋarput, oᴋautjaujariaᴋarlarmiglo Môsesib perᴋojanginik malerᴋovlugit.

Apostelit Piniarningit 20:31

Tamanna pivlugo pivâritse erᴋailuselo, sorairnanga ilûnase kaibladlalaurapse jârine pingasune uvlôtilugolo unnuamelo, ᴋugviorlunga.

Apostelit Piniarningit 26:5

Ilitarsilauktut uvamnik kiglinganit, kigliguitsijomagunik. Farisêereolaurama; tâpkoa iluseᴋarpakput pijariaᴋortutitsinerpângojunik ilaptingnit Gûdemik kivgartortunit tamainit.

Apostelit Piniarningit 5:17

Ajoᴋertuinerojorle nikovipok, ilagijangillo ilûnatik Saduzêeriojut ningarosulerlutiglo.

Rômiunut 1:18

Gûdib ningausia ᴋilangmit saᴋᴋermat inuit ajortulininginut idluitulininginullo tamainut, mikseᴋârnermik noᴋᴋangatitsênartut idluitulidlarnermut.

Rômiunut 5:9

Mâna tâpsoma aunganut idluarsititaumagapta, anginersamik tagva piulijigijomârpavut ningautsemit.

I Tessalônikamiunut 1:10

Erningalo nerriugivlugo ᴋilangmit, toᴋungajunit tupaktilauᴋtanga, Jêsuse, piulijigijavut ningautsemit pijomârtomit.

Ebrêerinut 11:7

Okpernermut Noa, Gûdemut oᴋautjaugame sulle takuksaungitunik, Gûde naipertorlugo umiaᴋsoarmik senavoᴋ, illame piulijauviksanganik; tamattomunga silaᴋsûb inungit erᴋartorpait kingormgutilerlugolo idluarsineᴋ, okpernermit pijoᴋ.

Ebrêerinut 6:18

Maggungnut soᴋᴋosijuitungnut (Gûde saglovlune ajornavingmat) sôngojomik manigorutiksaᴋarᴋovluta, uvagut ᴋilanârtogut nerriugijaksaᴋ perᴋojaumajoᴋ uvaptingnut atavigênarlugo;

I Johannesib 3:10

Tamattomangat nalonarungnairpoᴋ, Gûdib ᴋitorngangit, Sâtanasiblo ᴋitorngangit nalîngongmangâta: idluartomik pingitoᴋ Gûdemit pingilaᴋ, ᴋatangutiminiglo naglingitoᴋ.