Mattêuse 3:6 - Labrador Inuttitut Heritage Bible

⁶ Baptitaujomavlutik tâpsomunga Jordaneme kôngme, idluinitiglo kigligiksautigivlugit.

Mattêuse 3:6 Iomraidhean Croise

Esra 10:1

Esralo taimak tuksiartillugo, kigligiksarlunelo ᴋêavlunelo pamangatillugo Gudib iglungata sângane, kattimalerput tapsomunga Israelitinit illagêt unnuktoksuit, angutit arnallo, sorutsillo, innugasaksuit ᴋêavaksoadlarmatta.

Imgerut 32:5

Tagva ajornimnik kigligiksarvigilaukpagit, idluitullinikkalo angiaritailivakka. Oᴋalauktunga: Nâlegak tappanimnik kigligiksarvigijomavara; tagva issumagijungnaivigilaukparma ajornima idluitoksôninginit, Sêla.

Salomob Okâl 28:13

Idluitullinerminik missiudjijok, tamna sulliniatsengilak; kigligiksartorle, ipperaijorlo makkoninga, tamna napᴋoarijauniarpok.

Hesekiel 36:25

Serparsarvigijomârpapselo imermik ivsornaitomik ivsornailârpose tagva; salumainipsingnit tamainit, gudingoapsingnillo tamainit epᴋêjaromârpapse.

Daniel 9:4

Tuksiarpungalo Nâlekamut Gudimnut, kigligiksarlungalo oᴋarlunga: Nâlegaᴋ, Gudeojotit angijoᴋ sivôranartoᴋsôjorlo, angirutigijarnik nâpkiningnimiglo nalautsititsijotit nagligijingnut piᴋojarniglo nâliktunut;

Leviticus 16:21

Aroniblo aggane iglotut ilijaksarivait tuktungajûb ômajûb niaᴋoanut, tâpsomalo ᴋângane kigligiutjijuksauvok Israêlib ᴋitorngangita idluininginik tamainik, tappatoninginiglo tamainik, ila, ajorninginik tamainik; ilijaksarivaillo tuktungajûb niaᴋoanut, tâmnalo aularutijaksarivâ angutib tamattomunga ilingatitaujûb aggangitigut sunaᴋajuitomut;

Leviticus 26:40

Kigligiutjijomârpullo idluinermingnik, atâtamiglo idluininginik idluitulivigilaungmanga, akkerartorlungalo arvertalauramik.

Numbers 5:7

Kigligiutjijuksauvut ajornermingnik piniarnerijamingnik; adsemaringninganiglo tauᴋsêjuksaulerivut, tapiᴋartilugolo tellimanganik sulle, tunilugolo idluituliviolauᴋtomut.

Mattêuse 3:11

Uvanga imermut baptipapse nutâmik issumaᴋarᴋovluse; kingunipkulle tikituksak pitsartunersauvok uvamnit; nalopᴋotivungalo, tâpsoma itigagutinginik tigumiarnermik; tâpsoma baptitsomârpâse Anernermut ajunginermut ikomamullo.

Markuse 1:5

Jûdêamiullo ilûnatik, Jerusalemiullo nelipsarpât, ilûnatik baptitaujomavlutik, tâpsomunga, Jordaneme kôngme, sagvarlugillo ajornitik.

Lukase 1:16

Israêliblo ᴋitorngangit unuktut sâtitsomârpait Gûdemut Nâleganganut.

Lukase 3:16

Johannesib kiovait, ilûnaita oᴋautivlugit: Uvanga imermut baptipapse; kingunipkulle tikituksak pitsartunersauvok uvamnit, nalopᴋotivungalo, tâpsoma itigagutîgik singêjarlugik. Tâpsoma baptitsomârpâse Anernermut ajungitomut ikomamullo.

Apostelit Piniarningit 1:5

Johannese baptisilaukpoᴋ imênarmut, ilipsele baptitaujomârpose Anernermut ajunginermut, uvlut tamakkoa sivikitomik kingorngatigut.

Apostelit Piniarningit 11:16

Tagva Nâlekab oᴋausingit erᴋarpakka, oᴋarmat: Johannese baptisilaukpok imermut, ilipsele baptitaujomârpose Anernermut ajunginermut.

Apostelit Piniarningit 19:18

Okpertuttauk unuktut unipkâriartorput kigligiksarlutik piniarnerilauᴋtamingnik.

Apostelit Piniarningit 22:16

Mânalo sôᴋ tuavingikêt? nikovilerit baptitaulerlutillo, ajornernillo ubvartaulerit, Nâlekablo atinga tuksiarvigileruk.

I Korintemiunut 10:2

Ilûnatiglo Môsesemut (ilingavlutik) baptitaulaukput nuvujamelo imânelo.

Kolossamiunut 2:12

Ilijartortauᴋatigimagapsiuk baptijutikut, tâpsomanetauk makeᴋataumagivose okpernermut, Gûdib pititsininganut, (Kristûsemik) toᴋungajunit tupaktitsijub.

Ebrêerinut 6:2

Ajoᴋertûtsemiglo baptijut pivlugo, patingmijaunermiglo aggangnut, toᴋungajuniglo makkitsomârtunik, pidlartaujomârnermiglo issoᴋangitomut.

Ebrêerinut 9:10

Taimaitut nerᴋiksarlo, imiksarlo ubvarnerillo sunatuinait, ivjornailijutiksallo uvinikut ilusioᴋojaulauᴋput, âᴋiksortauviat neliutitsiarivlugo.

Jâkobusib 5:16

Ajornipsingnik kigligiksaritse ilapsingnut, tuksiarutigêgitselo inûlijauᴋovluse. Idluartub tuksiarninga angijomik pitsartuneᴋarpok, ilungertornermut pigune.

Josua 7:19

Josualo Achanemut oᴋarpok: Ernîk nertordlernermik tunnijilerit Nalekamut Israelib Gudinganut, nakorilugolo pît, oᴋautilungalo, sunamik pinialaukât? missiarviginangalo sunamik.

I Pêtrusib 3:21

Tamattomunga adsiutitauvoᴋ mattomane piulijigijavut baptijut; ubvautaungitoᴋ timib ipanganut, angeᴋatigêngniojorle issumame passijaksaungitome Gûdemelo, Jêsusib Kristusib makininganut;

I Johannesib 1:9

Ajornivulli kigligiksautigiguptigik, tâmna nitornartôvluni idluartôvoᴋ, issumagijungnaivigigamitigut ajorniptingnit, sujungaitilutalo idluitunit tamainit.