Mattêuse 3:16 - Labrador Inuttitut Heritage Bible

¹⁶ Jêsuse baptitaugame, tuavidlune kôngmit ᴋakᴋivok; ahâglo, ᴋilak ᴋolâne angmalerpok. Johannesiblo Gûdib Anerninga takovâ, tingmiatut taubetut akᴋartok, Jêsusemullo pijok.

Mattêuse 3:16 Iomraidhean Croise

Jesaiase 11:2

Tâmnalo Nâlekab anerningata tupvigijomârpâ: anernerub sillatunartub illisimanartublo, anernerub issumagiktitsijub pitsartutitsijublo, anernerub illitarsititsijub sivoratitsijublo Nâlekamik.

Jesaiase 42:1

Ahak, tagga kivgara serngnigijara, anerijara, tarnima kuviagijanga. Anernera tunivara tâpsomunga, erᴋartuijutiksanik âtsijomârpoᴋ nallojunut.

Jesaiase 59:21

Imâglo angervigivakka, oᴋarpoᴋ Nâlegaᴋ: Anernera illingnẽtoᴋ oᴋausikkalo ᴋanernut illijakka ᴋanernit ᴋitorngavillo erngutavillo ᴋaninginit nũtuksaungilat, oᴋarpoᴋ Nâlegaᴋ, mãnanit issoᴋangitomut aglât.

Jesaiase 61:1

Nalekab Gûdib anerningata ᴋollangiarpânga, Nâlekab mingoarmanga, oᴋautsinik tussarnertunik oᴋâlarᴋovlunga ajulertunut; tillivânga, serᴋomisimajunik õmatelingnik mangipsêrᴋovlunga, parngnanairsimavingnẽtunik ᴋaujititserᴋovlunga anniviksangannik ᴋellaᴋsortaujullo ᴋellarutjârtauniksangannik,

Hesekiel 1:1

Jarit 30ingita taᴋᴋingita sittamangita uvlungita tellimangane, aularutijaujut akornganêtilunga kôngme Kêbareme, ᴋilaᴋ angmarpoᴋ, takovungalo takotitjunik Gudemit pijunik.

Markuse 1:10

Tuavidlunelo ᴋaᴋᴋingmat, ᴋilak angmartoᴋ takovâ, anernerlo ajungineᴋ tingmiatut taubetut aᴋᴋartoᴋ, Jêsusemullo pijoᴋ.

Johannese 1:51

Oᴋautivlugolo: Âhamarik, âhamarik oᴋautivapse: Mattoma kingorngagut ᴋilak angmajoᴋ takoniarpase, Gûdiblo Engelingit ᴋangatartut akᴋartullo Inûb Erninganut.

Johannese 3:34

Gûdib tilijangata Gûdib oᴋausingit oᴋautigingmagit; Gûdib Anerneᴋ tuningmago ôktûmut ôktornago (amigangitomigle).

Apostelit Piniarningit 1:22

Johannesib baptisilerninganit uvlok ᴋongmuartitauvinga uvaptingnit tikidlugo kigligiutsijeoᴋatigijaksarivavut makininganik.

Apostelit Piniarningit 7:56

Oᴋarporlo: Ahâk, ᴋilak angmajok takovara, Inûblo Erninga nangertok Gûdib talerpiane.

I Johannesib 5:6

Tâmna tagva, tikitoᴋ imimiglo aungmiglo pivluni, Jêsuse Kristuse; imimik kissianeungitoᴋ, imimigli aungmiglo (pivoᴋ). Anernerlo tâmnauvoᴋ nalonaijaijoᴋ, Anerneᴋ miksiᴋârniongmat.