Mattêuse 3:12 - Labrador Inuttitut Heritage Bible

¹² Tâpsoma ipsortûtine tigumiarpâ; ᴋematulivingme natinga sanneromârpâ, ᴋakᴋôjaksatsiallo ᴋematulivingminut katitsomârpait; piungitulle ôtsomârpait ikomamut ᴋamisuitomut.

Mattêuse 3:12 Iomraidhean Croise

Hiobe 21:18

Ivit nakkangititut annoremut îniarput, sanniktitut, akkonaksûb tiktautitangititut.

Imgerut 1:4

Gûdeangitulle taimaingilet, sanniktitulle, tiktaujutitun annoremut iput.

Imgerut 35:5

Sanniktitut, annoremut tiktaumajutitut îlerlit, Nâlekablo Engelingata ajâktorligit!

Jesaiase 1:31

Pitsartujorlo simmiksatut illingatitaujomârpoᴋ sannajangalo ingnikpallaktut, tamarmiglo attautsekut ikkitaujomârpuk ᴋamitaujungnaratik.

Jesaiase 17:13

Illa imaᴋsoatitut nipallâjutitut innugasaᴋsuit nipallâvut. Gûdible suangajomârpait; ungasiktomut ᴋemâjomârput tagva, tiktauvlutik sanniktitut ᴋaᴋᴋat ᴋângine, anoremut (tiktausaraitutitut), perᴋtotut aᴋunaᴋsoarmut (aulataujotut).

Jesaiase 27:4

Ningarneᴋ illumnẽngilaᴋ. Ukpigait perornerdluktullo kakkilautiggit akkerartulinga! Sorsuklugit tikkitsomârpakka, illũnaita ikkillugit.

Jesaiase 28:28

Kaᴋᴋôjaksat tullertaugalloarput, kissianele soraijuitomik tullertaulunginivut; ᴋammutinut aksalloalingnut horsinullo ᴋângagôrviogalloarlutik serᴋalijaummarilungilat.

Jesaiase 30:24

Tuktuvait siuterᴋortojullo ivjomik makpiteraijut nerᴋiksanik tarrêrtitaumajunik nerrijomârput, sujungaititaumajunik poagitemut pôgutaujârtomullo.

Jesaiase 41:16

Siamartitsomârpattit, anoremullo tiktaujomârput aᴋunamullo pêrtauvlutik. Igville Nâlegaᴋ iggiaᴋomijarvigijomârpat, ivlernartitorlo Israêlikkune nertôtigijomârpat.

Jesaiase 5:24

Tamanna pivlugo, sôrlo ikkomab ikkoalajub ivivinît nungungmagit, sôrlolo iviksukat pannertut ikkoalajut ochongmatta, taimaktauᴋ taipkoa amângat auniojomârpoᴋ nuvugulângillo sanniktut tiktaujomârput, ᴋilangmiugasaksuit Nâlegangata perᴋojangit kamagingimagit, ivlernartitublo Israêlikkune oᴋausingit nachogingmagit.

Jesaiase 66:24

Annijomârpullo takojartorlugit toᴋungajut uvamnut idluitullijut timingit; taipkoa ᴋuglugiangat toᴋoniatsangimat, ikkomangalo ᴋamminiatsangimat; uvinilingnullo illũnainut maᴋojugijaujomârput.

Jeremia 15:7

Nunablo iglugasaksoangita itertarviksoangine ipsortoromavakka ipsortûtimut, ᴋitorngaijarsimavakka, inuᴋotikka asserorsimavakka; utilungilat apᴋotigilauᴋtamingnit.

Jeremia 17:27

Nâlagomangikupsingale Sabbate ivsornaititsomavlugo, adjarsitailijomangikupselo oᴋumaitunik iterniarluse Jerusalemib itertarvingitigut Sabbateme; tagva ikomamik ikitsijomavunga itertarvingine, nungutsilârporlo Jerusalemib igloᴋsoanginik, ᴋamitauniarungnaivlune.

Jeremia 4:11

Naliutome tâpsomane inugasaᴋsuit ukkua Jerusalemiullo oᴋautijaujomârput: Anore ônartoᴋ tikilârpoᴋ ᴋaᴋᴋanit merᴋuᴋangitunit sunaᴋajuitomêtunit inuᴋotima paninga torârlugo, sannêjainermu-ungitoᴋ ivsornaititsinermu-ungitorlônêt;

Jeremia 51:2

Babilonemullo tilikleromavunga ipsortûtelijartunik, ipsortuilârtunik tâpsominga; nunangalo sunairutijomârpât; kapianartoᴋarnerublo uvlungane opaktoromârpât avatânit ilûnainit.

Jeremia 7:20

Taimaimat imâk oᴋarpoᴋ Nâlagaᴋ Gude: Ahâk, ningarnera ᴋaningaumajârneralo kovijaujomârpuk nunamut tamattomunga, inungnut, nergjutinullo, perorsêviublo napârtunginut, nunablo perortunginut; ikoalâjomârpoᴋ ᴋamitauniangilarlo.

Hosea 13:3

Tamanna pivlugo nuvujatut uvlâᴋsiutotut ilârput, mitsuksoatullo nungusaraitotut, saniktullo ulajujab tiktangatut senaugaksat katjuktauvingata natinganit, isseᴋtullo igalingmit pijotut.

Amos 9:9

Tagva ahâk, perᴋojijomavunga, Israêliblo ᴋitorngangit aulajârtitsomârpakka inôᴋatigêksuit ilûnatik akorngane, sorlo sanaugaksat aulajârtitaungmatta killapatâme, atausiarsuglônêlle nunamut katangniangilak.

Mâlaki 4:1

Ahâk, uvloᴋ neliutijomârpoᴋ, kiaksautitut ikoalâvoᴋ; piojorijullo ilûnatik idluitulijullo ilûnatik igvît kipakungititut îtsomârput; uvlûblo neliutijomârtûb ikitsomârpait, oᴋarpoᴋ Nâlegaᴋ Zebaot, amiakoᴋartitsomângilaillo amârmiglônêt akkeromiglônêt.

Mattêuse 13:30

Tammarmik perorᴋatigêkilit, katersivik naliuterᴋârtinago: katersivigle naliutilerpat, kibluijut oᴋautigomavakka: Perornerluktokulluit katerᴋârsigik, ᴋepidlugillo ikoalaklugit; perornitsiariktulle katersorsigik ᴋematulivimnut.

Mattêuse 13:41

Inûb Erningata Engeline tilijomârpait; taipkoalo sinaungajut tamaita idluitulijullo katitsomârpait.

Mattêuse 13:42

Kiaksaumullo ikomalingmut egitsomârpait; tagvane ᴋeavaksoadlarneᴋaromârpok aglerulârneᴋaromârlunalo.

Mattêuse 13:43

Idluartulle seᴋinertut ᴋaumatigijomârput Atâtamik nâ. legauviane. Tussâjungnik siutelik tussarle.

Lukase 3:16

Johannesib kiovait, ilûnaita oᴋautivlugit: Uvanga imermut baptipapse; kingunipkulle tikituksak pitsartunersauvok uvamnit, nalopᴋotivungalo, tâpsoma itigagutîgik singêjarlugik. Tâpsoma baptitsomârpâse Anernermut ajungitomut ikomamullo.

Lukase 3:17

Poagit tâpsoma agganginêpok; ᴋematullivingmelo natinga sanneromârpâ, ᴋakᴋôjaksataillo ᴋematulivingminut katitsomârpait, piungitulle ôtsomârpait ikomamut ᴋamisuitomut.

Johannese 15:2

Akkerᴋut uvamnêtut ilûnnaita paungaᴋarpangitut pêjarniarpait; ilûnnaitalo paungaᴋarpaktut piungininginik pêjaiviginiarpait, paungaᴋarnersauᴋovlugit.