Mattêuse 3:11 - Labrador Inuttitut Heritage Bible

¹¹ Uvanga imermut baptipapse nutâmik issumaᴋarᴋovluse; kingunipkulle tikituksak pitsartunersauvok uvamnit; nalopᴋotivungalo, tâpsoma itigagutinginik tigumiarnermik; tâpsoma baptitsomârpâse Anernermut ajunginermut ikomamullo.

Mattêuse 3:11 Iomraidhean Croise

Jesaiase 4:4

Nâlekab Zionib panningit ubvarlugit epᴋêjarpagit, auglo (Jerusalemiut kovijangat) pêrpago taipkonangat anernikkut erᴋartuijokut anernikkullo auktitsijokut.

Jesaiase 44:3

Imermik kovisijomârama imeruktomut kôngniglo pannertomut; anernera kovijomârpara ᴋitorngarnut saimarsautigalo kinguvângnut.

Saggaria 13:9

Pingajuingillo ikomakôrtitsomârpakka, sujungaititsomârpakkalo, sorlo silbere sujungaititaungmat, nautsertoromârpakkalo, sorlo golde nautsertortaungmat: atera ᴋaigarsugvigijomârpât, tusaromârpakkalo; oᴋaromârpunga: Tamadja inuᴋotigijakka; tâpkoalo oᴋaromârput: Nâlegak Gudigivara.

Mattêuse 3:6

Baptitaujomavlutik tâpsomunga Jordaneme kôngme, idluinitiglo kigligiksautigivlugit.

Markuse 1:4

Inuᴋajuitome Jôhannese baptitsivoᴋ ajoᴋertuivlunelo baptijumik ᴋaᴋialerᴋojijomik, ajortunit pêjautiksamik.

Lukase 1:17

Tâmnalo sivorleromârpâ Eliasetut anerneᴋarlune pitsartuneᴋarlunelo, angajoᴋât ômatingit sâtitsomârlugit ᴋitorngamingnut, okpingitullo idluartut illisimaninginut, taimâk Nâlekamut inungnik opalungairsimajunik âᴋêlune.

Lukase 3:16

Johannesib kiovait, ilûnaita oᴋautivlugit: Uvanga imermut baptipapse; kingunipkulle tikituksak pitsartunersauvok uvamnit, nalopᴋotivungalo, tâpsoma itigagutîgik singêjarlugik. Tâpsoma baptitsomârpâse Anernermut ajungitomut ikomamullo.

Lukase 3:3

Jordaniblo erᴋânut ilûnânut pivok, ajoᴋertuivlunelo baptijûmik ᴋaᴋialerᴋojijomik, idluinerit issumagijaujungnairutiksanganik.

Johannese 1:15

Johannese tâpsominga kigligiutjivok, ᴋaggudlarlunelo oᴋarpok: Tâmnauvok oᴋautigilauᴋtara imâk: ᴋingunipkut ᴋainiarpok sivunimnêlauᴋtok, pilerᴋârtinanga ilaurame.

Johannese 1:30

Tâmnauvok oᴋautigilauᴋtara: Kingunipkut angut ᴋainiarpok sivunimnêlauᴋtok; pilerᴋârtinanga ilaurame.

Apostelit Piniarningit 1:5

Johannese baptisilaukpoᴋ imênarmut, ilipsele baptitaujomârpose Anernermut ajunginermut, uvlut tamakkoa sivikitomik kingorngatigut.

Apostelit Piniarningit 19:4

Paulusele oᴋarpok: Johannese baptisilaukpok baptijumut ᴋaᴋialerᴋojijutiksamut, inuit oᴋaudlugit, okperᴋovlugit kingorliksanganut, tagva Jêsusemut Kristuseojomut.

Apostelit Piniarningit 8:36

Ingergaramiglo imeᴋartomut tikipuk; pimaklertelo oᴋarpok: Ahâk, imek tagga, suna agviarᴋâ baptitauᴋonangâ?

Apostelit Piniarningit 8:38

Kemuksillo noᴋᴋartipait, imermullo tamarmik pilutik Filippuselo pimaklertelo; Filippusiblo baptipâ.

I Korintemiunut 12:13

Tamapta Anernermut atautsemut baptisimagapta, atautsemik timeolerᴋovluta Jûdiongmangâptalônêt, Grîᴋiongmangâptalônêt, kivgaungmangâptalônêt, kivgaungimangâptalônêt; ilûnatalo imitauvogut Anernermut atautsemut.

Efêsusemiunut 3:8

Uvanga ivjornaitunit tamainit mingnerpângojunga, saimarsaumik tamattominga tunitsiviovunga, nalojunut oᴋâlaᴋovlunga Kristusib akluininganik inornartomik;

Titusemut 3:5

Idluartulinerit pinialauktavut pitjutiginagit, nâpkigosungnerminulle tâpsoma piloriktilaukpâtigut, erniangupsârnerub ubvautânut, Anernerublo ajunginerûb nutângortitsininganut,

I Pêtrusib 5:5

Taimaktauᴋ ilipse inôsuktôjose inutoᴋaujut nâleksigik. Ilûnase nâlektigêgitse, piojorijuinermik ataruilititse. Pimariutertut Gûdib akkerartormagit, piojorijuitulle nâpkigivait.