Mattêuse 27:52 - Labrador Inuttitut Heritage Bible

⁵² Nunalo sajukpilâdlarpok, ᴋairtullo ᴋopludlarput, iluvîllo angmarterput, unuktullo siniktut (toᴋungajut) timingit makiput.

Mattêuse 27:52 Iomraidhean Croise

II Atannit 13:21

Pijoᴋalaukporlo, angut illijartormatsuk, sorsuktuksalle takkungmattigik, angut tamna egipât Elisab illuvinganut. Tamnalo unnungarame, Elisablo sauningit âktoramigit, omârpok tullerarlunelo ittikaminut.

Jesaiase 25:8

Toᴋo nungutitsomârpâ issoᴋangitomut, Nâlekablo Gûdib allarteromârpait ᴋugvit kênarnit tamainit, inuᴋotimelo nachonautingat pêjaromârpâ nunane tamaine, Nâlegaᴋ taimak oᴋarmat.

Jesaiase 26:19

Toᴋungajoᴋotitille ômaromârput, timivut anernangertut makkitsomârput. Tuppaleritse nertordlerluselo, ivjormiôjose! mitsuksoaᴋ illingnut (pijoᴋ) mitsuksoangongmat inûlinartoᴋ nuna toᴋungajunik saᴋᴋertitsijuksaugivoᴋ.

Daniel 12:2

Nunablo saningini siniktut ilangit unuktut tupagomârput, ilangit inôtsimut nâksaungitomut, ilangillo kangusuktitaunimut naggogijaunimut nâksaungitomut.

Hosea 13:14

Kelujomavakka iluviub pitsartuninganit; satôromavakka toᴋᴋomit; toᴋᴋo, kapianarnît naûk? Iluveᴋ, asserorsainît naûk? ᴋaᴋialerneᴋ ijersimalârpoᴋ ijimnut.

Johannese 11:11

Taimâk oᴋarpok, kingorngagullo oᴋautivait: Lazaruse illanârijivut sinikpok; ainiarpungale tupaktitsomavlugo.

Apostelit Piniarningit 7:60

Sêrᴋortolerporle nipliadlarlunelo: Nâlegak idluitulininganit tamattomangat isumagijungnairvigikit! Tamattomingalo oᴋarêrame sinisilerpok.

I Korintemiunut 11:30

Taimaimat ajulertut ᴋanimajullo unudlarput akunapsingne, unuktullo sinikput (toᴋovut).

I Korintemiunut 15:20

Mânale Kristûse toᴋungajunit makisimavok, sivorlerpângovorlo sinisimajut akornganit.

I Korintemiunut 15:51

Ahâk, nalonartomik oᴋautivapse: Ilûnata siningniangilagut, ilûnatale ablatsângortitaujomârpogut.

I Tessalônikamiunut 4:14

Okperupta, Jêsuse toᴋovlunelo makisimangmat, Taimâktauᴋ Gûdib ipkua Jêsuseme sinisimajut neksaromârivait illagilerdlugit.

I Tessalônikamiunut 5:10

Tâmna toᴋovoᴋ pivluta, inôᴋatigivlugo perᴋovluta, erᴋomatilutalônêt siniktilutalônêt.